[᭑᭓ 13B]
᭑᭓
ᬬᬾᬦ᭄ᬤᬶᬦᬵᬩᬸᬤ᭄ᬥᬯ᭄ᬭᬲ᭄ᬧᬢᬶ᭞ᬧᬶᬂᬦᭂᬫ᭄ᬢᬗ᭄ᬕᬮᬾᬋᬓᭀ᭞ᬫᬰᬾᬯᬓᬵᬢ᭄ᬓᬾᬦ᭄ᬳᬶᬲ᭄ᬢ᭄ᬭᬶ᭞ᬫᬓᬤᬶᬭᬶᬂᬪᬹᬧᬢᬶ᭞ᬭᬸᬫᬓ᭄ᬱᬯᬤ᭄ᬯᬲᬂᬧ᭄ᬭᬪᬹ᭞ᬓᬵᬮᬦᬶᬂᬫᬗᭂᬦ᭄ᬤᭀᬦ᭄ᬬᬸᬤ᭄ᬥ᭞ᬫᬶᬯᬄᬫᬗ᭄ᬭᬓ᭄ᬱᬦᬵᬕᬭᬷ᭞ᬲᬫᬶᬳᬬᬸ᭞ᬓᬾᬢᭀᬓᬳᬸᬘᬧ᭄ᬤᬶᬰᬵᬲ᭄ᬢ᭄ᬭ᭚᭐
᭚ᬮᬫᬸᬜᬩᬸᬤ᭄ᬥᬮᬦ᭄ᬲᭀᬫ᭞ᬢᬗ᭄ᬕᬮ᭄ᬧᬶᬂᬢ᭄ᬮᬸᬦ᭄ᬫᭀᬦᬶᬦ᭄᭞ᬫᬳᬬᬸᬰᬶᬰ᭄ᬬᬰᬦ᭄ᬢᬦ᭞ᬫᬢᬢ᭄ᬮᬄᬫᬳ᭄ᬦᬶᬂᬳ᭄ᬦᬶᬂ᭞ᬫᬵᬫ᭄ᬩᬸᬄᬫᬦ᭄ᬤᬸᬲ᭄ᬫᬲᬶᬲᬶᬕ᭄᭞ᬫᬩᬺᬰᬶᬄᬫᬕᬸᬦ᭄ᬢᬶᬂᬳᬬᬸ᭞ᬫᬫᬳᬬᬸᬧᬧᬬᭀᬦ᭄᭞ᬦᬸᬓᬸᬳᬶᬲ᭄ᬢ᭄ᬭᬷᬓ᭄ᬩᭀᬲᬫ᭄ᬧᬶ᭞ᬤᬶᬢᬸᬢᬸᬚᬸ᭞ᬓᭀ
ᬘᬧ᭄ᬫᬳᬤᬦ᭄ᬭᬵᬓ᭄ᬱᬡ᭚ᬅᬗ᭄ᬕᬭᬢᬗ᭄ᬕᬮ᭄ᬧᬶᬂᬲᬧ᭄ᬢ᭞ᬫᬬᬚ᭄ᬜᬵᬥᬦᬫᬓᬶᬃᬢ᭄ᬣᬶ᭞ᬫᬓᬫᬶᬯᬄᬫᬗᬸᬦ᭄ᬳᭀᬫᬵ᭞ᬫᬗᭂᬦ᭄ᬢᬲ᭄ᬧᬶᬢᬭᬍᬯᬶᬄ᭞ᬫᭀᬓ᭄ᬱᬶᬓᬵᬓᬳᬤᬦᬶᬦ᭄᭞ᬅᬗ᭄ᬕᬭᬢᬗ᭄ᬕᬮ᭄ᬧᬶᬂᬓᬸᬢᬸᬲ᭄᭞ᬫᬵᬤᬦ᭄ᬅᬤᬶᬘᬭᬸᬓᬵ᭞ᬫᬕ
ᬯᬾᬳᬸᬧᬲ᭄ᬫᬜᬗᬶᬄ᭞ᬗ᭄ᬩᬸᬕ᭄ᬫᬸᬲᬸᬄ᭞ᬮᬫᬸᬦ᭄ᬩᬓᬢ᭄ᬬᬢᬸᬚᬸᬯᬂ᭚᭜᭚ᬬᬾᬦ᭄ᬲᬶᬦ᭄ᬢᬵᬯᬭᬶᬕᬗᬢᬕ᭄᭞ᬮᬗ᭄ᬓᬶᬭ᭄ᬩᬮᬫᬶᬯᬄᬢᬫ᭄ᬩᬶᬭ᭄᭞ᬢᬸᬗ᭄ᬕᬮ᭄ᬲᭀᬫᬜᬦᬾᬳᬃᬬ᭄ᬬᬂ᭞ᬳᬶᬗ᭄ᬓᭂᬮ᭄ᬭᭀᬂᬦᬶᬸᬧᬸᬦᬶᬓᬲᬫᬶ᭞ᬮᬡ᭄ᬥᭂᬧ᭄ᬯᬭᬶᬕᬤᬶ᭞ᬫᬥᬂ
[᭑᭔ 14A]
᭑᭔
ᬗ᭄ᬓᬸᬗᬦ᭄ᬫᬥᬲ᭄ᬬᬳᬸᬕᬸ᭞ᬬᬧᬥᬳᬶᬗ᭄ᬓᭂᬮ᭄ᬲᬢᭀ᭞ᬤᬶᬲᭀᬫᬜᬓᬕ᭄ᬦᬳᬶᬦ᭄᭞ᬩᬵᬦ᭄ᬯᬸᬭᬸᬓᬸᬂ᭞ᬓᬾᬢᭀᬓᭀᬘᬧ᭄ᬤᬶᬯᬭᬶᬕ᭚ᬚᬸᬮᬸᬂᬯᬗᬶᬫᬢᬮ᭄ᬯᬬᬂ᭞ᬚᬸᬮᬸᬂᬧᬸᬚᬸᬢ᭄ᬫᬶᬯᬄᬉᬓᬶᬭ᭄᭞ᬤᬶᬲᭀᬫᬦ᭄ᬜᬦᬾᬧᬦᬶᬭᭀᬦ᭄᭞ᬫᬶ
ᬩᬵᬳᬶᬗ᭄ᬓᭂᬮ᭄ᬜᬦᬾᬲᬫᬶ᭞ᬧᬳᬂᬳᬸᬬᬾᬓᬸᬭᬡ᭄ᬝᬶᬮ᭄᭞ᬚᬸᬮᬸᬂᬲᬸᬂᬲᬂᬮᬦ᭄ᬓᬸᬮᬯᬸ᭞ᬯᬲ᭄ᬲᭀᬫᬦ᭄ᬜᬋᬓᭀ᭞ᬳᬶᬗ᭄ᬓᭂᬮ᭄ᬳᬶᬗ᭄ᬓᭂᬮ᭄ᬜᬦᬾᬲᬫᬶ᭞ᬳᬶᬗ᭄ᬓᭂᬮ᭄ᬫᬦᬸᬓ᭄᭞ᬤᬶᬯᬸᬓᬸᬦᬾᬤᬶᬢᬸᬫᬓ᭄ᬚᬂ᭚ᬮᬫᬸᬜᬯᬸᬓᬸᬤᬸᬗᬸᬮᬦ᭄᭞ᬢᭀᬮᬸᬓᬸᬃ
ᬯ᭄ᬮᬸᬢ᭄ᬫᬦᬳᬶᬮ᭄᭞ᬤᬸᬓᬸᬢ᭄ᬳᬶᬗ᭄ᬓᭂᬮ᭄ᬩᬸᬓᬸᬤᬶᬦ᭄ᬢᭀ᭞ᬫᬕᬸᬮᬸᬲᭀᬫᬜᬲᬫᬶ᭞ᬬᬾᬜᬯᬭᬫᬭᬓᬶᬄ᭞ᬓᬸᬦᬶᬗᬦ᭄ᬮᬦ᭄ᬯᬢᬸᬕᬸᬦᬸᬂ᭞ᬕᬸᬫᬺᬕ᭄ᬢᭂᬓᬾᬦ᭄ᬧ᭄ᬭᬂᬩᬓᬢ᭄᭞ᬢᬸᬗ᭄ᬮᬾᬄᬤᬶᬲᭀᬫᬦᬾᬲᬫᬶ᭞ᬳᬶᬗ᭄ᬓᭂᬮ᭄ᬢᬭᬸ᭞ᬯᬸᬓᬸᬧᬸᬦᬶᬓᬵᬲᬫ᭄ᬬᬦ᭄᭚᭜᭚
ᬤᬶᬲᬶᬦ᭄ᬢᬦᬾᬤᬗᬸᬇᬦ᭄ᬤ᭄ᬭ᭞ᬤᬶᬮᬡ᭄ᬥᭂᬧᬾᬳᬾᬭᬗᬦ᭄ᬰ᭄ᬭᬷ᭞ᬤᬶᬉᬓᬶᬭᬾᬳᬸᬫᬦᭀᬳᬦ᭄᭞ᬓᬵᬮᬚᬗᬸᬃᬬᬾᬦ᭄ᬓᬸᬭᬡ᭄ᬝᬶᬮ᭄᭞ᬢᭀᬮᬸᬦᬾᬩ᭄ᬭᬵᬳ᭄ᬫᬤᬤᬶ᭞ᬕᬸᬫᬺᬕ᭄ᬳᬸᬭᬸᬗᬦ᭄ᬭᬸᬤᬾᬓᬸ᭞ᬯᬭᬶᬕᬬᬫᬳᭀᬕᬦ᭄᭞ᬯᬭᬶᬕᬤ᭄ᬬᬦ᭄ᬕᬸᬭᬸᬕᬶᬕᬶᬲ᭄᭞ᬇ
