[᭕᭘ 58B]
᭕᭘
ᬤᬯᬕᬸᬂᬫᬗ᭄ᬮᬄᬧᬜ᭄ᬚᬓ᭄᭞ᬓᬾᬦᬾᬢ᭄ᬯᬢᬸᬃᬭᬶᬂᬩ᭄ᬗᬶᬮ᭄᭞ᬩᬳᬸᬤᬶᬧᬲᬾᬩᬦ᭄᭞ᬳᬲᬶᬂᬢ᭄ᬓᬫᬩᬭᬗᬦ᭄᭞ᬧᬢᬸᬄᬩᬚᬂᬧᬢᬸᬄᬘ᭄ᬦᬶᬓ᭄᭞ᬫᬢᬸᬗ᭄ᬕᬮ᭄ᬯᬗ᭄ᬱᬵ
᭞ᬤ᭄ᬯᬕᬸᬂᬕ᭄ᬮᬶᬲ᭄ᬦᬶᬫ᭄ᬩᬮᬶᬦ᭄᭟ᬳ᭄ᬦᬄᬳᭂᬦ᭄ᬢᭀᬫᬓ᭄ᬭᬡᬲ᭄ᬤᬶᬄᬳᬶᬩᬦ᭄ᬤᬃ᭞ᬩᬤ᭄ᬲᬬᬦᭀᬗᭀᬲ᭄ᬤᬶᬦᬶ᭞ᬚᬦᬶᬳᬧᬂᬍᬕ᭞ᬦᬄᬮᬾᬩᬂᬲᬬᬫ᭄ᬓᬳᬤ᭄᭞ᬤ᭄ᬧᬂᬧᬧᬶᬲᬕ
ᬳᬸᬯᬶᬮ᭄᭞ᬩᬩᬂᬲᬸᬩᬦ᭄ᬤᬃ᭞ᬫ᭄ᬓᬸᬮ᭄ᬫᬳᬢᬸᬃᬯᬮᬶ᭟ᬩᬲᬩᬮᬶᬜᬫᬶᬭᬵᬢᬸᬳᬢ᭄ᬫᬵᬚᬶᬯ᭞ᬤᭀᬂᬳ᭄ᬤᬗ᭄ᬮᬫ᭄ᬧᬸᬲ᭄ᬧᬫᬵᬃᬕ᭄ᬕᬶ᭞ᬤ᭄ᬯᬕᬸᬂᬲᬬᬂᬧᬶᬲᬦ᭄᭞ᬲᬬᬗᬦ᭄
ᬢ᭄ᬓᬾᬦ᭄ᬫᬓ᭄ᬚᬂ᭞ᬲᬬᬗᬦ᭄ᬓᬾᬦ᭄ᬧᬢᬶᬉᬭᬶᬧ᭄᭞ᬩᬳᬦ᭄ᬳᬶᬚᬾᬗ᭄ᬕᭂᬮᬃ᭞ᬳᬩ᭄ᬤᬸᬮᬄᬤ᭄ᬯᬕᬸᬂᬭᬳᬶ᭟ᬤᬸᬭᬸᬂᬧᬶᬲᬦ᭄ᬩᬓᬮ᭄ᬢ᭄ᬯᬭᬵᬗ᭄ᬭᬸᬦ᭄ᬢᬕ᭄ᬢᬗ᭄ᬓᬄ᭞ᬗᭂᬦ᭄ᬳᬂᬤ᭄ᬯᬕᬸᬂᬭᬳᬶ᭞
[᭕᭙ 59A]
᭕᭙
ᬫᬲᬶᬄᬲᬮᬶᬢ᭄ᬳᬃᬱᬵ᭞ᬦᬄᬲᬸᬩᬢᬶᬢᬄᬤᬾᬯ᭄ᬯ᭞ᬩᭂᬮ᭄ᬩᭂᬮᬦ᭄ᬮᬳᬸᬢᬜ᭄ᬭᬶᬢ᭄᭞ᬫᬦᬶᬕ᭄ᬢᬶᬕ᭄ᬳᬯᬓ᭄᭞ᬤ᭄ᬯᬕᬸᬂᬫᭂᬗ᭄ᬕᬄᬗ᭄ᬮᬸᬤᬶᬦ᭄᭟ᬢᬦ᭄ᬲᬶᬦᬶᬕᬸᬲᭀᬮᬳᬾᬦᬶᬕ᭄ᬢᬶᬕ᭄ᬗ᭄ᬮ
ᬜ᭄ᬚᬓ᭄᭞ᬫᬸᬜᬶᬜᭂᬗᬳᬶᬦ᭄ᬓᭀᬧᬶᬂ᭞ᬓᬾᬢᭀᬧᬗᬦ᭄ᬤᬶᬓᬵ᭞ᬋᬱᬺᬱᬳᬶᬲᬶᬦᬶᬂᬩᬗ᭄ᬲᬮ᭄᭞ᬲᬸᬩᬦ᭄ᬤᬃᬜᬸᬗ᭄ᬓᭂᬮ᭄ᬫᬗ᭄ᬮᬶᬂ᭞ᬚᭂᬚᭂᬄᬳᬶᬜᭀᬜᬄ᭞ᬫᬓᬵᬤᬶᬩᬩᬄ
ᬲᬫᬶ᭟ᬤ᭄ᬯᬕᬸᬂᬭᬳᬶᬯᬦᭂᬄᬦᬶᬕ᭄ᬢᬶᬕ᭄ᬗ᭄ᬭᬭᬶᬲ᭄ᬜᬸᬤᬮ᭄᭞ᬓᬕ᭄ᬥᭀᬂᬕᬫ᭄ᬩᬃᬗ᭄ᬭᬭᬶᬲ᭄᭞ᬤᬶᬫᬾᬚᬮᬶᬗ᭄ᬕ᭄ᬬ᭞ᬲ᭄ᬯᬪᬵᬯ᭄ᬯᬮ᭄ᬯᬶᬃᬭᬭᬳᬸᬧ᭄ᬭᬄ᭞ᬓᬢᬸᬢᬸᬕ᭄ᬩᬦ᭄ᬲᬸᬩᬦ᭄ᬤᬃᬕ᭄ᬮᬶᬲ᭄
᭞ᬤ᭄ᬯᬕᬸᬂᬫᬜᬶᬓ᭄᭞ᬗᬦ᭄ᬤᬶᬓᬵᬳᬧᬩ᭄ᬯᬶᬦ᭄᭟ᬮᬳᬸᬢ᭄ᬓ᭄ᬤᬾᬓ᭄ᬳᬶᬲᬸᬩᬦ᭄ᬤᬃᬜᬳᬸᬧ᭄ᬫᬗ᭄ᬓᭀᬦ᭄᭞ᬳᬢᬸᬭᬵᬲᬸᬳᬸᬤ᭄ᬫᭂᬗ᭄ᬕᬄᬗ᭄ᬕᬶᬄ᭞ᬓᭀᬘᬧ᭄ᬚᬦᬶᬢ᭄ᬓ᭞ᬤᬩᬕᬸᬲ᭄ᬧᬸ
Kaca:Bali-lontar-gaguritan-ukir-kawi-450ppi.pdf/59
Kaca puniki sampun kauji-wacén
