[᭕᭔ 54B]
᭕᭔
ᬗᬸᬭᬄ᭞ᬫᬾᬢᭀᬂᬫᬤᬬᬕᬢᬶ᭞ᬧᬓᬸᬧ᭄ᬲᬸᬮᬯᬃ᭞ᬮᬯᬃᬯᬭᬓ᭄ᬳᬸᬢ᭄ᬢᬵᬫ᭞ᬚᬦᬶᬫᬾᬗᬸᬭᬄᬦᬸᬢᬸᬭᬶᬦ᭄᭞ᬳᬶᬤᬫᬓ᭄ᬚᬂ᭞ᬧᬳᬶᬤᬦᬯᬃᬚᬢᬶ᭟ᬫᬾᬫᬾ
ᬗᬸᬭᬄᬫᬳᬶᬧᬄᬓᬾᬦ᭄ᬩᬧᬦ᭄ᬳᬶᬤ᭞ᬫᬜᬫᬓᬾᬦ᭄ᬫᬾᬦ᭄ᬜᭂᬢᬶ᭞ᬦᬾᬳᬶᬤᬫᬫᬶᬲᬦ᭄᭞ᬓᬾᬦ᭄ᬳᬶᬗᬸᬭᬄᬳᬦᬶᬫ᭄ᬓᬭᬂ᭞ᬫᬥᬾᬳᭀᬓᬲᬳᬸᬃᬩ᭄ᬯᬶᬦ᭄᭞ᬓᬮᬶᬄᬳᬶ
ᬓᬦᭀ᭞ᬦᬾᬧᬥᬳᬶᬤᬤᬶᬦᬶ᭟ᬳᬶᬤᬩᬕᬸᬲ᭄ᬫᬥᬾᬭᬭᬶᬲ᭄ᬫᬘᬶᬗᬓᬦ᭄᭞ᬳᬫ᭄ᬩᬸᬮ᭄ᬢᬸᬳᬶᬂᬯᬶᬦᬤ᭄ᬥᬶ᭞ᬓᬩᬋᬗᬜ᭄ᬘᬶᬗᬓ᭄᭞ᬓᬤᬶᬢᬢᬶᬢ᭄ᬳᬗᬮᬧ᭄
᭞ᬤᬬᬸᬫᬥᬾᬓᬂᬓᬲᬶᬗᬶᬢ᭄᭞ᬭᬸᬫᬸᬦ᭄ᬢᬕ᭄ᬯᬶᬚᬂᬩᬕᬸᬲ᭄ᬫᬥᬾᬧᬺᬫᬵᬗ᭄ᬓᬶᬦ᭄᭟ᬚᬦᬶᬩ᭄ᬯᬶᬦ᭄ᬫᭂᬗᬸᬭᬄᬗᭀᬃᬢ᭄ᬣᬳᬶᬦ᭄ᬳᬶᬤ᭞ᬫᬮᬸᬢᬶᬗ᭄ᬓᬄᬫᬾᬦ᭄ᬜᭂᬢᬶ᭞
[᭕᭕ 55A]
᭕᭕
ᬢᬸᬗ᭄ᬕᬮ᭄ᬓᬧ᭄ᬓᭂᬦ᭄ᬲᬶᬗ᭄ᬕᬄ᭞ᬗᬶᬤᬶᬄᬦᬲᬶᬜᬓᬵᬩᬳᬲ᭄᭞ᬢᬸᬢᬶᬃᬩᬸᬳᬸᬓᬦ᭄ᬓᬳᬶᬤᬶᬄ᭞ᬬᬦ᭄ᬩᬳᬂᬦᬸᬫᬦ᭄᭞ᬤᬩᬕᬸᬲ᭄ᬫᬥᬾᬓ᭄ᬜᬶᬂ᭟ᬤᬬᬸᬩ᭄ᬬᬂᬜ᭄ᬢᬶᬦᬸᬗ᭄ᬓᬲᬂ
ᬫᬦᬶᬫ᭄ᬩᬮ᭄᭞ᬬᬓ᭄ᬢᬶᬧᬤᬳ᭄ᬥᬳᬶᬲ᭄ᬢ᭄ᬭᬶ᭞ᬢᬶᬢ᭄ᬬ᭄ᬦᬂᬳᬾᬮᬶᬂᬧᬶᬲᬦ᭄᭞ᬤᬯᭂᬕ᭄ᬳᬶᬜ᭄ᬢᬶᬲᬗ᭄ᬓᬮ᭞ᬲᬓᬶᬢ᭄ᬗᭂᬩᬸᬲ᭄ᬢᬶᬕᬂᬰᬰᬶᬄ᭞ᬓᬸᬤᬸᬓᬳᬶᬘᬦ᭄ᬫᬩᬢ᭄ᬩᬢ᭄ᬫᬲᬶᬫ᭄ᬧᭂᬤᬶ
ᬦ᭄᭟ᬲᬲᬫ᭄ᬧᬸᬦᬾᬯᬾᬦ᭄ᬢᭂᬦᬶᬓᬶᬳᬦᬓ᭄ᬳᬶᬤ᭞ᬢ᭄ᬬᬂᬦᬾᬦ᭄ᬢᭂᬦᬳᭂᬦ᭄ᬦᬸᬦᬲ᭄ᬱᬶᬂ᭞ᬫᬶᬗᬶᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗ᭄ᬮᬶᬲᬂᬫᬗᬦ᭄ᬤᬶᬓᬵ᭞ᬦᬦᬓ᭄ᬩᬕᬸᬲ᭄ᬢᬸᬦ᭄ᬤᬾᬦ᭄ᬗᬮᬶᬄ᭞ᬳᬶ
ᬫᬾᬅ᭄ᬫᬢᬸᬭᬵ᭞ᬳᬶᬤᬵᬦᬓ᭄ᬚᭂᬂᬦᬺᬧᬢᬶ᭟ᬤᬸᬭᬸᬂᬭᬯᬸᬄᬮᬸᬗ᭄ᬳᬵᬫᬲᬶᬭᬫ᭄ᬓᬵᬢᬫᬦ᭄᭞ᬫᬗ᭄ᬕᬸᬢ᭄ᬪ᭄ᬭᬷᬦᬭᬯᬢᬶ᭞ᬭᬯᬸᬄᬧᬗ᭄ᬯᬾᬤᬗᬦ᭄᭞ᬫᬥᬸᬮᬸᬃᬋᬦ᭄ᬤᬂᬲᬓ
Kaca:Bali-lontar-gaguritan-ukir-kawi-450ppi.pdf/55
Kaca puniki sampun kauji-wacén
