[᭔᭗ 47B]
᭔᭗
ᬳᬸᬢᬶᬦ᭄᭞ᬫᬢᬸᬂᬢᬸᬂᬲᬸᬢ᭄ᬭᬫᬢᬸᬭᬸᬢ᭄᭞ᬳᬮᬶᬳᬮᬶᬫᬫᬦᬶᬲᬦ᭄᭞ᬜᬸᬗ᭄ᬓᭂᬮᬶᬢ᭄ᬘᬦᬗᬦ᭄ᬤ᭄ᬭᬧᬢᬶ᭞ᬧᬘᬦᬗᬦ᭄᭞ᬓᬫ᭄ᬧᬾᬓ᭄ᬓᭂᬫ᭄ᬩᬮ᭄ᬫᬗᬸᬘᬸᬫᬵᬲ᭄᭟ᬤᬬᬸᬓᬮᬶᬄᬲᬵ
ᬫ᭄ᬧᬸᬦ᭄ᬳᬬᬲ᭄᭞ᬫᬯᬲ᭄ᬢ᭄ᬭᬲᬸᬢᬺᬫᬳᬸᬢᬶᬦ᭄᭞ᬫᬲᭂᬗ᭄ᬓᬸᬳᬸᬩᬢᬶᬓ᭄ᬱᬸᬢᬺ᭞ᬋᬫ᭄ᬩᬵᬂᬫᬚᬶᬲ᭄ᬮᬳᬾᬭᬶᬗ᭄ᬕᬶᬢ᭄᭞ᬧᬧ᭄ᬓᭂᬓ᭄ᬱᬸᬢᬺᬢᬗᬶ᭞ᬫᬓᬓᭂᬫ᭄ᬩᬗᬦ᭄ᬫᬭᬫ᭄ᬩᬸ᭞ᬲᬶᬜ᭄ᬚᬗᬾᬘᭂᬧᬸ
ᬓ᭄ᬱᬸᬢᬺ᭞ᬓᬭᬶᬲᬲ᭄ᬩᭂᬗᬦ᭄ᬭᬶᬭᬶᬫ᭄᭞ᬲᬦᬾᬗᬶᬭᬶᬂ᭞ᬲᬫᬶᬓᬭᬶᬫᬕᬶᬩᬸᬗᬦ᭄᭟ᬲᬵᬫ᭄ᬧᬸᬦ᭄ᬳᬸᬲᬦ᭄ᬭᬭᬶᬲ᭄ᬓᭀᬤᬮ᭄᭞ᬳᬢᬸᬭᬦᬾᬫᬗ᭄ᬭᬶᬳᬶᬦᬶᬦ᭄᭞ᬓᬢᭂᬃᬳᬦ᭄ᬢᬸ
ᬓ᭄ᬤᬾᬯ᭄ᬯᬗᬸᬭᬄ᭞ᬗ᭄ᬭᬭᬶᬲ᭄ᬗᬢᬸᬭᬂᬭᬶᬂᬲᬫᬶ᭞ᬳᬢᬸᬭᬦ᭄ᬭᬢᬸᬮ᭄ᬯᬸᬄ᭞ᬓᬶᬤᬶᬓ᭄ᬳᬋᬫ᭄ᬩᬢ᭄ᬲᬧᬸᬮᬸᬄ᭞ᬤᬩᬕᬸᬲ᭄ᬗ᭄ᬮᬶᬗ᭄ᬕᬶᬳᬶᬦ᭄ᬳᭀᬦ᭄ᬢ᭞ᬧᬓᬓ
[᭔᭘ 48A]
᭔᭘
ᬲ᭄ᬜᬦᬾᬗᬾᬤᬦᬶᬦ᭄᭞ᬫᬓᬓᭂᬧᬸᬫᬳᬾᬫ᭄ᬩᬾᬢ᭄ᬫᬲᬮᬸᬤᬶᬭᬵ᭟ᬫᬩᬸᬗ᭄ᬳᬵᬓᬫᬳᭀᬦ᭄ᬜᬭᬩ᭄᭞ᬧᬓᬓᬓᬾᬳ᭄ᬫᬲ᭄ᬳᬤᬶ᭞ᬳᬶᬤᬬᬸᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤ᭞
ᬫᬧᬬᬸᬂᬢᬸᬫᬦ᭄ᬤᬂᬫᬦ᭄ᬢ᭄ᬭᬶ᭞ᬧᬢᬸᬄᬧᬤᬫᬩ᭄ᬲᬶᬓ᭄᭞ᬤᬬᬸᬩ᭄ᬬᬂᬩᬩᬂᬕ᭄ᬮᬸ᭞ᬫᬜ᭄ᬭᬶᬢ᭄ᬦᬕᬶᬄᬢᬸᬳᬸᬤᬂ᭞ᬳᬶᬤᬩᬕᬸᬲ᭄ᬫᬥᬾᬓ᭄ᬜᬶᬂ᭞ᬫᬗᬦ᭄ᬤᬶᬓᬵᬦᬾᬗᬮᬶᬄᬕᬶ
ᬲᬶᬢ᭄ᬓᭂᬓᬂ᭟ᬤᬤᬶᬭᬵᬫ᭄ᬬᬦᬶᬂᬫᬫᬃᬕ᭄ᬕᬵ᭞ᬍᬕᬲᬓᬜ᭄ᬘᬦᬾᬗᬶᬭᬶᬂ᭞ᬩᬦᬾᬗ᭄ᬮᬄᬕᬸᬲ᭄ᬢᬶᬤᬃᬫ᭄ᬫᬵ᭞ᬯᬃᬡ᭄ᬦᬦᬾᬧ᭄ᬓᬶᬓ᭄ᬗᬾᬤᬦᬶᬦ᭄᭞ᬤᬦᬾᬲᬦᬾᬓ᭄ᬮᬶᬯᬢᬶᬦ᭄᭞
ᬧᬥᬬᬵᬧᬲᬮᬾᬂᬮᬗ᭄ᬓᬸᬂ᭞ᬧ᭄ᬲᬸᬗᬩᬳᬢᬸᬭᬦ᭄᭞ᬤᬩᬕᬸᬲ᭄ᬓᬾᬯᬮᬓ᭄ᬜᬶᬂ᭞ᬓᬲᬸᬓ᭄ᬱ᭄ᬫᬍᬕᬓ᭄ᬦᭂᬳᬾᬫᬢᬸᬭᬦ᭄᭟ᬤᬤᬶᬲᬭᬦ᭄ᬢᬤᬶᬫᬵᬃᬕ᭄ᬕᬵ
Kaca:Bali-lontar-gaguritan-ukir-kawi-450ppi.pdf/48
Kaca puniki sampun kauji-wacén
