[᭓᭓ 33B]
᭓᭓
ᬳᬶᬤᭀᬂᬳᬸᬘ᭄ᬦᬶᬂᬲᬢ᭄ᬭ᭄ᬬ᭟ᬳᬶᬬᭀᬲ᭄ᬕᬕᬸᬮᬓ᭄ᬭᬶᬂᬧ᭄ᬭᬂ᭞ᬩ᭄ᬭᬢᬦ᭄ᬲᬂᬭᬢᬸᬦᬾᬮ᭄ᬯᬶᬄ᭞ᬫᬢᬶᬫᬸᬮ᭄ᬬᬾᬂᬳᬭᬶᬩ᭄ᬯᬦᬵ᭞ᬳᬶᬳᬗ᭄ᬓᭀᬂᬳᬶᬲᭂᬢ᭄ᬜᬕ᭄ᬚᬕᬶᬦ᭄᭞ᬩ᭄ᬮᬸᬢ᭄ᬘᭀᬓᭀᬃ
ᬫᬢᬸᬃᬳᬭᬶᬲ᭄᭞ᬳᬢᬸᬃᬦᬸᬦᬲ᭄ᬗ᭄ᬭᬭᬶᬲ᭄ᬤ᭄ᬯᬕᬸᬂ᭞ᬗ᭄ᬭᬭᬶᬲ᭄ᬤ᭄ᬯᬕᬸᬂᬫᬫᬵᬃᬕ᭄ᬕ᭞ᬭᬶᬂᬳᬫ᭄ᬩᬾᬦ᭄ᬧᬫᬺᬦᬫᬮᬶᬗ᭄ᬕᬶᬄ᭞ᬫᬗᬦ᭄ᬤᬶᬓᬵᬓᬲᭀᬪ᭄ᬬᬂᬓᬾᬦ᭄ᬓᬩᬗ᭄ᬕᬬᬦ᭄᭟ᬲᭂᬢ᭄ᬓ
ᬳᬸᬓᬶᬫ᭄ᬳᭀᬓ᭄ᬫ᭞ᬳ᭄ᬬᬂᬗᬦ᭄ᬢ᭄ᬬᬂᬫᭀᬓᬲ᭄ᬳᬓᬶᬓᬶᬢ᭄᭞ᬳᬶᬲᭂᬓ᭄ᬩᬗᬸᬦ᭄ᬳ᭄ᬬᬫᬚᬮᬦ᭄᭞ᬢ᭄ᬓᬵᬜᭀᬗ᭄ᬓᭀᬓ᭄ᬫᬢᬸᬃᬳᬭᬶᬲ᭄᭞ᬓᬸᬢᬸᬲ᭄ᬢᬶᬢ᭄ᬬᬂᬗᬢᬸᬭᬶᬦ᭄᭞ᬳᬦᬓ᭄ᬳᬕᬸᬂ
ᬩᬕᬸᬲ᭄ᬧᬸᬢᬸ᭞ᬧᬲᬳᬸᬭᬾᬦᬄᬚᬮᬄ᭞ᬗ᭄ᬳᬶᬂᬲᬢ᭄ᬓᬜᬲᭂᬢ᭄ᬢᬫ᭄ᬧᬶ᭞ᬭᬭᬶᬲ᭄ᬢᬸᬫᬸᬭᬸᬦ᭄ᬫᬜᬸᬚᬸᬃᬳᬫ᭄ᬩᬾᬦ᭄ᬧᬫᬺᬫᬦ᭄᭟ᬯᬵᬃᬡ᭄ᬦᬦᬾᬩᬕᬸᬲ᭄ᬤᬸᬫᬶᬮᬄ᭞ᬤ᭄ᬯᬕᬸᬂᬭᬳᬶᬗ
[᭓᭔ 34A]
᭓᭔
ᬓ᭄ᬱᬶᬓ᭄ᬜᬶᬂ᭞ᬗ᭄ᬭᬶᬳᬶᬦᬂᬳᬶᬤᬵᬗᬦ᭄ᬤᬶᬓᬵ᭞ᬳᬕᬸᬂᬢ᭄ᬬᬂᬫᬯ᭄ᬓᬲ᭄ᬳᭂᬗ᭄ᬕᬶᬄ᭞ᬳᬢᬸᬭᬂᬢ᭄ᬬᬂᬫᬧᬫᬶᬢ᭄᭞ᬳᬦᬓᬕᬸᬂᬩᬕᬸᬲ᭄ᬧᬸᬢᬸ᭞ᬲᬳᬸᬃᬩ᭄ᬘᬶᬓ᭄ᬢᬸᬂᬳᬦ᭄ᬢᭀᬲᬂ᭞ᬤ᭄ᬯᬕᬸᬂᬭᬳᬶ
ᬫᬜᬳᬸᬭᬶᬦ᭄᭞ᬢ᭄ᬬᬂᬧᬸᬭᬸᬄᬢᬦ᭄ᬯᬾᬦ᭄ᬢᭂᬦ᭄ᬫᬫ᭄ᬧᬸᬄᬫᬦ᭄ᬕᬓ᭄᭟ᬳᬦᬓᬕᬸᬂᬩᬕᬸᬲ᭄ᬦᬶᬫ᭄ᬩᬮ᭄᭞ᬕᬸᬂᬫᬦ᭄ᬢᬸᬓᬦ᭄ᬫᬫᬗ᭄ᬭᬭᬶᬲ᭄᭞ᬤ᭄ᬯᬕᬸᬂᬭᬳᬶᬳᬸᬭᬵ᭞ᬦᬸᬦᬲ᭄ᬕᬸᬂᬫ
ᬜᬋᬗᬶᬫ᭄᭞ᬕᬸᬂᬩᬕᬸᬲ᭄ᬫᬦᬶᬫ᭄ᬩᬮᬶᬦ᭄᭞ᬢᬶᬢ᭄ᬬᬂᬫᬗ᭄ᬓᬶᬜ᭄ᬚᬕᬫᬦ᭄ᬢᬸᬓ᭄᭞ᬗ᭄ᬭᬭᬶᬲ᭄ᬕᬸᬂᬗ᭄ᬭᬕ᭄ᬕᬵ᭞ᬤ᭄ᬯᬕᬸᬂᬭᬳᬶᬲᬳᬸᬃᬓ᭄ᬜᬶᬂ᭞ᬲᬓᬾᬯᬦ᭄ᬢᭂᬗᬸᬂᬗ᭄ᬯᬯᬸᬳᬂᬚᬸᬫᬳ
ᬦ᭄᭟ᬓᬳ᭄ᬬᬶᬦ᭄ᬢᬳ᭄ᬬᬸᬜ᭄ᬚᬦ᭄ᬢᭂᬦᬂ᭞ᬬᬦ᭄ᬢᬦ᭄ᬓᬳ᭄ᬬᬸᬦ᭄ᬢᬶᬢ᭄ᬬᬂᬧᬫᬶᬢ᭄᭞ᬬᬦ᭄ᬓᬳ᭄ᬬᬸᬦ᭄ᬢᬶᬢ᭄ᬬᬂᬗᬶᬭᬶᬗᬵ᭞ᬳᬦᬓᬕᬸᬂᬩᬕᬸᬲ᭄ᬗᭂᬜᬶᬂ᭞ᬗ᭄ᬮᬶᬬᬩᬶᬂᬯᬤᬦᬧ᭄ᬓᬶ
Kaca:Bali-lontar-gaguritan-ukir-kawi-450ppi.pdf/34
Kaca puniki sampun kauji-wacén
