[᭒ 2B]
᭒
ᬯᭀᬳᬦ᭄᭞ᬓᬧᬶᬘᬓᬾᬦ᭄ᬩᬦ᭄ᬤᬃᬲᬫᬶ᭞ᬲᬸᬩᬦ᭄ᬤᬃᬦᬶᬫ᭄ᬩᬮ᭄᭞ᬕᬸᬂᬳᬸᬢ᭄ᬣᬂᬲᬬᬢᬦ᭄ᬲᬶᬧᬶ᭟ᬫᬓᬤᬶᬜᬕᬸᬂᬭᬢᬶᬓᬧ᭄ᬬᬢᬗᬦ᭄᭞ᬦᬾᬲᬬᬫᬗᬢᬸᬭᬶᬦ᭄᭞ᬩᬢᬶᬓ᭄ᬱᬸᬢ᭄ᬭ
ᬧᬢ᭄ᬧᬢ᭄᭞ᬲᬸᬢ᭄ᬭᬲᬮ᭄ᬳᬢᬸᬢᬸᬢᬦ᭄᭞ᬕᬕᬸᬮᬸᬂᬮᬯᬦ᭄ᬧᬭᬘᬶᬲ᭄᭞ᬩᬶᬮᬸᬤ᭄ᬭᬸᬲᬸᬢᬺ᭞ᬤᬤᬸᬕᬤ᭄ᬥᬂᬮᬦ᭄ᬢᬂ᭟ᬮᬳᬸᬢ᭄ᬓᬧᬢᬫ᭄ᬬᬢᬾᬄᬫᬫᬦᬶᬲᬦ᭄᭞ᬳᬶᬦᬸᬫ᭄ᬳᬶᬦᬸᬫᬦ᭄ᬢ
ᬫᬭᬶ᭞ᬕᬸᬂᬭᬳᬶᬗᬦ᭄ᬤᬶᬓ᭞ᬓᬾᬦ᭄ᬓᬾᬦᬾᬓᬧᬢ᭄ᬧᭂᬢᬦ᭄᭞ᬳ᭄ᬜᬔᭂᬮ᭄ᬢᭂᬕᬦ᭄ᬳᬕᬶᬕᬶᬲ᭄᭞ᬢᭂᬕᭂᬳᬶᬂᬕᬤ᭄ᬥᬂ᭞ᬯᬮ᭄ᬬᬫᬳᬢᬸᬃᬫᬮᬶᬄ᭟ᬭᬢᬸᬢᬶᬬᬂᬫᬢᬸᬃᬲᬶᬲᬶᬧ᭄ᬫᬦ᭄ᬤᬯ᭄ᬕᬂ᭞
ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬭᬶᬂᬧᬸᬭᬶ᭞ᬲᬫᬶᬤ᭄ᬯᬕᬸᬂᬧᬓᬾᬦᬓ᭄᭞ᬦᬾᬫᬗ᭄ᬓᬶᬦ᭄ᬫᬦᬢᬲᬂ᭞ᬤ᭄ᬯᬕᬸᬂᬭᬳᬶᬫᬗ᭄ᬯᬮᬾᬦᬶᬦ᭄᭞ᬩ᭄ᬮᬶᬩ᭄ᬮᭀᬕ᭄ᬥᬾᬓᭀᬘᬧ᭄ᬓᬢᬹᬃᬩᬸᬤᬸᬄᬲᬗᭂᬢ᭄ᬕᬢᬶ
[᭓ 3A]
᭓
᭟ᬤᬤᬶᬫᭂᬦ᭄ᬤᭂᬦ᭄ᬳᬶᬕᬤ᭄ᬥᬂᬓᬾᬯᬮᬜᬸᬫ᭄ᬩᬄ᭞ᬳᬶᬲᬸᬩᬦ᭄ᬤᬃᬜᬳᬸᬢᬶᬦ᭄᭞ᬫ᭄ᬮᬄᬗ᭄ᬯᬗᬸᬦ᭄ᬲᬸᬭᬵᬢ᭄᭞ᬓᬾᬦ᭄ᬤᬩᬕᬸᬲ᭄ᬫᬢᬢᬲᬦ᭄᭞ᬳᬶᬤᬾᬯᬕᬸᬂᬭᬳᬶᬓ᭄ᬜᬶᬂ
ᬲᬄᬧᬗᬤ᭄ᬥᬶᬓ᭞ᬳᬭᬄᬲᬢ᭄ᬓᬜᬢᬫ᭄ᬧᬶ᭟ᬧᬤᬓ᭄ᬜᭂᬫ᭄ᬳᬲᬶᬂᬦᬶᬗᭂᬄᬧᬗᬦ᭄ᬤᬶᬓᬵ᭞ᬳᬶᬤᬤᬸᬕᬤ᭄ᬥᬂᬫᬧᬫᬶᬢ᭄᭞ᬳᬶᬚᬾᬗ᭄ᬮᬃᬯᬮ᭄ᬬ᭞ᬫᬗ᭄ᬯᬗᬸᬦ᭄ᬢᬢᬩᬸᬳᬦ᭄᭞ᬳᬶ
ᬕᬤ᭄ᬥᬂᬤᬤᬸᬧ᭄ᬭᬧ᭄ᬢᬶ᭞ᬭᬶᬂᬉᬓᬶᬃᬓᬯ᭄ᬬ᭞ᬤᬩᬕᬸᬲ᭄ᬓᬮᬶᬄᬓᬢᬗ᭄ᬓᬶᬮ᭄᭟ᬮ᭄ᬯᬶᬃᬪᬱ᭄ᬓᬭᬵᬫᬶᬚᬶᬮ᭄ᬲᬓᬶᬂᬮ᭄ᬓᬳᬶᬂᬲᬹᬃᬬ᭄ᬬ᭞ᬯᬃᬡ᭄ᬦᬩᬕᬸᬰᬫᬦᬶᬲ᭄᭞ᬜᭂᬜᭂᬃᬭᬶᬂᬘᬘᬶᬗᬓ᭄
᭞ᬓᬤᬶᬳᬲᭂᬫ᭄ᬩᬃᬓᬶᬮᬂ᭞ᬓᬓ᭄ᬧᬶᬢ᭄ᬮᬫ᭄ᬩᬾᬦᬾᬩᬗ᭄ᬓᬶᬢ᭄᭞ᬮ᭄ᬯᬶᬃᬲᬶᬮᬢ᭄ᬕᬸᬮ᭞ᬳᬪᬵᬂᬤᬺᬯᬦᬶᬮᬢᬶ᭟ᬜᬸᬫ᭄ᬩᬄᬫᬢᬹᬃᬳᬶᬤᬤᬸᬩᬋᬂᬳᬶᬕᬤ᭄ᬥᬵᬂ᭞ᬓᬢᬹᬃᬲ
Kaca:Bali-lontar-gaguritan-ukir-kawi-450ppi.pdf/3
Kaca puniki sampun kauji-wacén
