[᭒᭗ 27B]
᭒᭗
ᬢᬦᭂᬦ᭄ᬤᬶᬚᬮᬦ᭄᭞ᬳᬾᬜ᭄ᬚᬂᬲᭀᬭᬾᬭᬶᬂᬉᬓᬶᬃᬓᬯᬶᬳᬸᬲ᭄ᬭᬯᬸᬄ᭞ᬤᬶᬩᬮᬾᬕᭀᬲ᭄ᬫᬭᬾᬭᬾᬦᬂ᭞ᬳᬶᬧᭀᬮᬾᬂᬳᬶᬗ᭄ᬮᬂᬦᬫ᭄ᬧᬶ᭟ᬩᬸᬳᬸᬤ᭄ᬕᭀᬘᬾᬓᬦ᭄ᬧ᭄ᬮᬮ᭄ᬬᬦ᭄᭞
ᬩᬜᭀᬢᭀᬳᬓᬩᬮᬾᬃᬮᭀᬲᬾᬗᬸᬗ᭄ᬲᬶ᭞ᬧᬶᬮᬶᬳᬶᬦ᭄ᬤᬕᬗᬦ᭄ᬤᬶᬢᬸ᭞ᬦᬾᬫ᭄ᬦᬂᬧᬩ᭄ᬮᬜ᭄ᬚ᭞ᬢ᭄ᬯᬭᬵᬧ᭄ᬕᬢ᭄ᬧᭂᬦ᭄ᬤᭀᬦᬦᬾᬢ᭄ᬓᬦᬸᬓᬸ᭞ᬗᬢ᭄ᬮᬸᬦ᭄ᬤᬸᬰᬶᬄᬤᬕᬗᬦ᭄᭞
ᬳᬶᬓᬘ᭄ᬬᬮ᭄ᬫᬜ᭄ᬚᬮᬦᬶᬦ᭄᭟ᬮᬳᬸᬢ᭄ᬳ᭄ᬬᬫᬗᬸᬦᬶᬗᬬᬂ᭞ᬭᬶᬂᬤᬩᬕᬸᬲ᭄ᬓᬦ᭄ᬤᬶᬦᬾᬤᬶᬩᬗ᭄ᬲᬮ᭄᭞ᬲᬫᬶ᭞ᬢᬶᬗ᭄ᬓᬄᬳᬶᬲ᭄ᬯᬮ᭄ᬱᬄᬫᬲᬳᬸᬢ᭄᭞ᬗᬓᬸᬫᬗ᭄ᬕᬸᬳᬸᬧ᭄ᬚᭂᬗᬄ᭞ᬫ᭄ᬮᬶ
ᬲ᭄ᬮᬶᬲ᭄ᬬᬧ᭄ᬢᭀᬂᬫ᭄ᬩᬳᬦ᭄ᬫᬚᬸᬮᬸᬓ᭄᭞ᬓ᭄ᬤᬾᬓ᭄ᬭᬭᬶᬲ᭄ᬳᬶᬧᬸᬦ᭄ᬩᬸᬤᬮ᭄᭞ᬤ᭄ᬯᬕᬸᬂᬫᬦ᭄ᬢᬸᬓᬦ᭄ᬫᬦᬗᬶᬲ᭄᭟ᬤᬩᬕᬸᬲ᭄ᬫᬥᬾᬫᬦᬶᬫ᭄ᬩᬮ᭄᭞ᬲᬳᬋᬫᭂᬓ᭄ᬳᬶᬋᬤ᭄ᬥᬵᬗᬗᭂᬦ᭄ᬢᬦ᭄ᬲᬶ
[᭒᭘ 28A]
᭒᭘
ᬯᬶ᭞ᬲᭀᬮᬄᬳᬶᬤᬳᬶᬤᬾᬯᬕᬸᬂᬫ᭄ᬧᬗᬦ᭄ᬤᬶᬓᬵᬩᬬᬵᬬ᭞ᬳᬶᬲ᭄ᬯᬮ᭄ᬱᬄᬜᬶᬮᬶᬩᬦᬶᬂᬮᬸᬮᬸᬢ᭄᭞ᬓ᭄ᬭᬡᬵᬧ᭄ᬲᬸᬩᬓᬶᬲ᭄ᬕᬦᬮ᭄᭞ᬳᭂᬦ᭄ᬢᭀᬩᬾᬦ᭄ᬫ᭄ᬭᬱᬵᬦᬶᬫ᭄ᬧ
ᬮᬶᬦ᭄᭟ᬧᬸᬦᬶᬓᬢ᭄ᬮᬧᬾᬓ᭄ᬧᬶᬲᬦ᭄᭞ᬰ᭄ᬯᬭᬦ᭄ᬲᬸᬭᬵᬢ᭄ᬢ᭄ᬭᬶᬪᬸᬧᬢᬶ᭞ᬳᬶᬗ᭄ᬕᬶᬄᬲᬳᬸᬃᬧᬫᬶᬢ᭄ᬩᬧ᭞ᬳᬶᬤᬩᬕᬸᬲ᭄ᬓᬮᬶᬄᬓ᭄ᬜᬶᬂ᭞ᬩᬸᬤᬮ᭄ᬯᬭᬶᬲ᭄ᬓᬧᬸ
ᬭᬶ᭞ᬧᬦᬗ᭄ᬓᬶᬮᬦ᭄ᬲᬫᬶᬫᬦ᭄ᬢᬸᬓ᭄᭞ᬯ᭄ᬗᬶᬳᬾᬜ᭄ᬚᬂᬘᬭᬶᬢ᭞ᬳᬶᬢᬾᬚᬳᬶᬚ᭄ᬭᬶᬂᬫᬧᬫᬶᬢ᭄᭞ᬳᬶᬤᬩᬕᬸᬲ᭄ᬓᬮᬶᬄᬗᭂᬦ᭄ᬢᬸᬗᬶᬦ᭄ᬮᬗ᭄ᬲᬭᬦ᭄᭟ᬓ᭄ᬯᬘᬵᬮᬸᬤ᭄ᬭᬸᬕᬤᬂ᭞ᬫᬓ
ᬜ᭄ᬚᬶᬂᬩᬦ᭄ᬳᭂᬫᬲ᭄ᬳᬤᬶ᭞ᬧᬗᬦ᭄ᬤᬶᬓᬬᬂᬫ᭄ᬩᬳᬂ᭞ᬘᬳᬶᬬᬤᬫᬩ᭄ᬲᬶᬓ᭄᭞ᬓᬾᬤᭂᬧ᭄ᬳ᭄ᬬᬂᬫᬫᬋᬗᬶᬦ᭄᭞ᬘᬳᬶᬫᬫᬋᬓ᭄ᬱᬂᬧ᭄ᬭᬪᬸ᭞ᬓ᭄ᬜᭂᬫ᭄ᬳᬸᬢᬸᬲᬦ᭄ᬫᬦᬶᬫ᭄ᬩᬮ᭄᭞ᬫᬫᬶᬢᬂᬳᬢᬸᬃᬲ
Kaca:Bali-lontar-gaguritan-ukir-kawi-450ppi.pdf/28
Kaca puniki sampun kauji-wacén
