[᭑᭔ 14B]
᭑᭔
ᬓ᭄ᬤᬾᬓᬾᬦᬾᬤᬶᬧᬸᬭᬵ᭞ᬤᬶᬩᬜ᭄ᬘᬶᬗᬄᬩ᭄ᬯᬶᬦ᭄ᬩᬮᬶᬓᬶᬦ᭄᭞ᬳᬶᬩᬩᬄᬲ᭄ᬯᬮ᭄ᬱᬄ᭞ᬳᬾᬧᭀᬦᬾᬓᭀᬚᭀᬕ᭄ᬮᬶᬲ᭄᭟ᬩᬩᬄᬚᭀᬓ᭄ᬧᬶᬤᭂᬘᬭᬶᬩᬗ᭄ᬱᬶᬂᬤᬶᬓᭀᬫ᭄ᬧ᭄ᬬᬂ
᭞ᬩᬩᬄᬓ᭄ᬯᬶᬧᬸᬓ᭄ᬓᬳᬫ᭄ᬩᬶᬮ᭄᭞ᬤ᭄ᬯᬕᬸᬂᬭᬳᬶᬦᬦ᭄ᬤᬦ᭄᭞ᬓᬳᭀᬚᭀᬕᬂᬯᬦ᭄ᬢᬶᬮᬦ᭄᭞ᬚᭀᬕᬾᬤ᭄ᬕᬦ᭄ᬤ᭄ᬭᬸᬂᬫᬗᬩᬶᬩᬶᬃ᭞ᬓ᭄ᬧᭂᬢ᭄ᬫᬧᭀᬮᬄ᭞ᬲᬲᬦ᭄ᬤᬭᬦ᭄ᬫᬕ᭄ᬢᬶ᭟᭚
᭚᭐᭚ᬕᬶᬦᬦ᭄ᬢᬶ᭚᭐᭚ᬲ᭄ᬓᬵᬕᬫᭂᬮ᭄ᬜᬕ᭄ᬚᬕ᭄ᬫᬢᬸᬃ᭞ᬭᬶᬂᬳᬶᬤᬤᬾᬯᬕᬸᬂᬭᬳᬶ᭞ᬳᬢᬸᬭᬵᬤ᭄ᬯᬕᬸᬂᬫᬦᬸᬦᬲ᭄᭞ᬭᬶᬂᬓᭀᬃᬱᬶᬤ᭄ᬯᬕᬸᬂᬫᬮᬶᬗ᭄ᬕᬶᬄ᭞ᬳᬶᬤ᭄ᬯᬕᬸᬂᬓ᭄ᬜᭂ
ᬫ᭄ᬲᬳᬸᬭᬵ᭞ᬩᬕᬸᬯᬫᬩᬳᬦ᭄ᬗᬦ᭄ᬢ᭄ᬬᬦᬶᬦ᭄᭟ᬗ᭄ᬭᬭᬶᬲ᭄ᬭᬶᬂᬓᭀᬃᬱᬶᬫᬮᬸᬗ᭄ᬕᬸᬄ᭞ᬳᬶᬓ᭄ᬯᬶᬧᬸᬓ᭄ᬓᬭᬶᬫᬕᬶᬲᬶ᭞ᬜᬼᬕ᭄ᬤᬶᬲᬫ᭄ᬧᬶᬂᬓᭀᬃᬲ᭄ᬬ᭞ᬕᭀᬩᬦ᭄ᬩᬩᬄᬩᬕᬸ
[᭑᭕ 15A]
᭑᭕
ᬲ᭄ᬕᬢᬶ᭞ᬮᬗ᭄ᬲᬶᬂᬩᬳᬸᬓᬸᬫᬫ᭄ᬩᬶᬭᬵᬂ᭞ᬮᬮᬶᬬᬢ᭄ᬢᬚᭂᬧ᭄ᬳᬫᬦᬶᬲ᭄᭟ᬳ᭄ᬱᬾᬄᬲᬳᬶᬤ᭄ᬩᬸᬕᬶᬲ᭄ᬓᬫ᭄ᬧᬸᬂ᭞ᬗᬘᬧ᭄ᬩᬯᬅ᭄ᬤ᭄ᬯᬕᬸᬂᬭᬳᬶ᭞ᬚᭀᬕᬾᬤ᭄ᬕᬦ᭄ᬤ᭄ᬭᬸᬂᬫᬳᬸᬤ᭄ᬭᬦ᭄᭞ᬫ
ᬩ᭄ᬭᬶᬬᬸᬓ᭄ᬫᬦᭂᬧᬓ᭄ᬱᬳᬶᬤ᭄᭞ᬓ᭄ᬤᬾᬓ᭄ᬭᬫᭂᬲ᭄ᬫᬳᬸᬭᬳᬦ᭄᭞ᬲᬮᬶᬂᬢᬸᬦ᭄ᬤᬾᬦᬂᬫᬗᬸᬦᬶᬦ᭄᭟ᬳᬶᬤ᭄ᬯᬕᬸᬂᬭᬳᬶᬕᬸᬫᬸᬬᬸ᭞᭞ᬫᬯᬸᬯᬸᬄᬩᬕᬸᬲ᭄ᬳᬫᬦᬶᬲ᭄᭞ᬫᬗ᭄ᬭᬾᬤᬾᬧ᭄ᬗ
ᬲᭀᬭᬂᬩᬶᬦ᭄ᬢᬂ᭞ᬳ᭄ᬩᭀᬦᬾᬫᬶᬳᬶᬓ᭄ᬱᬸᬫᬶᬭᬶᬢ᭄᭞ᬩᬩᬄᬓ᭄ᬯᬶᬧᬸᬓ᭄ᬓᬢᬸᬮᬸᬤᬂ᭞ᬓᬋᬧ᭄ᬫᬗ᭄ᬤᬾᬬᬵᬫᬗᬶᬢᬶᬂ᭟ᬓᬋᬧ᭄ᬫᬧᭀᬮᬄᬳᬶᬓ᭄ᬯᬶᬧᬸᬓ᭄᭞ᬩᬩᬳᬸᬤᬩ
ᬜᭀᬮ᭄ᬓᬮᬶᬲ᭄᭞ᬫᬗᬶᬩᬶᬂᬫᬲᬲᬦ᭄ᬤᬭᬦ᭄᭞ᬢᬢᬸᬭᬳᬜ᭄ᬘᬭᬫᬗ᭄ᬯᬶ᭞ᬦᬸᬳᬸᬢ᭄ᬓᭂᬫ᭄ᬧᬸᬮ᭄ᬧᭂᬲᬸᬮᬬᬅ᭄᭞ᬫᬲ᭄ᬮᬾᬬᭀᬕ᭄ᬓᭂᬧᭂᬢ᭄ᬗᬩᬶᬩᬶᬃ᭟ᬭᬫᬾ
Kaca:Bali-lontar-gaguritan-ukir-kawi-450ppi.pdf/15
Kaca puniki sampun kauji-wacén
