[᭘᭘ 88 B]
᭘᭘
ᬦᬓ᭄ᬥᬵ᭞ᬳᬶᬤᬾᬯᬕᬸᬂᬫᬥᬾᬯ᭄ᬬᬓ᭄ᬢᬶ᭞ᬤᬕᬶᬂᬧᬦ᭄ᬤᬶᬓᬵᬫᬗ᭄ᬓᬶᬦ᭄᭞ᬭᬶᬂᬳᬦᬓ᭄ᬥᬵᬳᬶᬤᬾᬯᬕᬸᬂ᭞ᬕ᭄ᬬᬃᬓ᭄ᬫᬵᬫᬸᬮ᭄ᬬᬦ᭄᭞ᬳᬶᬭᬵᬢ᭄ᬦᬚ᭄ᬯᬶᬢ᭄ᬣᬵᬓᬰᬶᬳᬶᬦ᭄᭞ᬳᬧᬂᬳ᭄ᬜᬓ᭄᭞ᬫᬲᬮᬶᬦ᭄ᬳᬶᬤᬗᬮᬳᬂ᭟ᬧᬂᬓᬺᬂᬳᬚᬓ᭄ᬫᬓ᭄ᬚᬂ᭞ᬗᬲᬶᬳᬶᬦ᭄ᬧ᭄ᬭᬕᬢ᭄ᬫᬫᭂᬦ᭄ᬤᬶᬮ᭄
᭞ᬳᬦᬓ᭄ᬥᬵᬫᭂᬧᭂᬲ᭄ᬫᬜᭂᬫ᭄ᬩᬄ᭞ᬤᬕᬶᬂᬢᬦ᭄ᬧᬶᬯᬮ᭄ᬲᬳᬶᬭᬶᬂ᭞ᬲᬵᬃᬯ᭄ᬯᬶᬦᬯᬸᬳᬂᬕ᭄ᬮᬶᬲ᭄᭞ᬫᬜᬶᬬᭂᬧᬂᬩ᭄ᬤᬶᬮ᭄ᬓᬸᬮ᭄ᬓᬸᬮ᭄᭞ᬢᬦ᭄ᬓᭀᬘᬧ᭄ᬲ᭄ᬬᭂᬧ᭄ᬲᬫ᭄ᬬᬦ᭄᭞ᬳᬶᬤᬾᬯᬕᬸᬂᬫᬥᬾᬗ᭄ᬭᬜ᭄ᬚᬶᬂ᭞ᬤᬵᬳᬭᬶᬦ᭄ᬥᬵ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬢᬦ᭄ᬧᬲᬄ᭟ᬳᬕᬸᬂᬫᬗᬶᬭᬶᬂ
ᬳ᭄ᬯᬦ᭄ᬥᬵ᭞ᬭᬾᬄᬧᬘᬂᬗᬰᬶᬳᬶᬦ᭄ᬳᬭᬶ᭞ᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬫᬯᬗ᭄ᬲᬶᬢ᭄ᬮᬶᬭᬶᬂᬦᬾᬫᬗ᭄ᬓᬶᬦ᭄᭞ᬭᬶᬂᬳᬶᬧᬾᬦ᭄ᬥᬲᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬧᬸᬢᬺᬓᬤᬯᬸᬄ᭞ᬤᬕᬶᬂᬯᬗ᭄ᬲᬶᬢ᭄ᬭᬓᬦ᭄ᬥᬵ᭞ᬳᬶᬧᬾᬦ᭄ᬲᬫ᭄ᬧᬸᬦ᭄ᬫᭂᬦ᭄ᬤᬓ᭄ᬳᬰ᭄ᬭᬶ᭞ᬜ᭄ᬚᭀᬃᬧᭂᬲ᭄ᬯᬦ᭄᭞ᬳᬤᬶᬦᬾ
ᬧᬂᬫᬲᬮᬶᬦᬦ᭄᭟ᬤᬵᬳᬭᬶᬦ᭄ᬥᬵᬕ᭄ᬮᬶᬲ᭄ᬜᭂᬫ᭄ᬩᬄ᭞ᬢᬶᬢ᭄ᬬᬂᬧᬶᬢ᭄ᬮᬲᬳᬶᬭᬶᬂ᭞ᬳᬶᬤᬾᬯᬕᬸᬂᬧᬸᬢᬺᬫᬥᬮ᭄᭞ᬳᬶᬤ᭄ᬯᬕᬸᬂᬫᬸᬱᬵᬧᬵᬫᬗ᭄ᬓᬶᬦ᭄᭞ᬕ᭄ᬮᬶᬲ᭄ᬳᬶᬤᬜᬕ᭄ᬚᬕᬶᬦ᭄᭞ᬯᬸᬲ᭄ᬫᬶᬬᬃᬱᬵᬜᭂᬫ᭄ᬩᬄᬲᬫ᭄ᬧᬸᬦ᭄᭞ᬫᬳᬢᬸᬃᬭᬸᬫ᭄ᬫᬃᬤᬯ᭄ᬯᬵ᭞ᬲᬵᬃᬯ᭄ᬯᬶᬗᬢᬸᬭᬂ
[᭘᭙ 89 A]
ᬧᬶᬲᬮᬶᬦ᭄᭞ᬦᬸᬦᬲ᭄ᬤ᭄ᬯᬕᬸᬂ᭞ᬫᬳ᭄ᬬᬸᬲ᭄ᬭᬾᬄᬧᬘᬂᬗᬬᬩ᭄᭟ᬭᬓᬦ᭄ᬥᬵᬗᬕ᭄ᬕᬸᬢᬶᬦ᭄ᬕᬗ᭄ᬲᬃ᭞ᬳᬭᬶᬢᬶᬕᬫᬗᬬᬳᬶᬦ᭄᭞ᬫᬶᬦᬓᬤᬶᬭᬵᬚᬧᬸᬢᬺ᭞ᬓᬮᬶᬄᬳᬚᬶᬗᬫᭂᬃᬲᬫᬶ᭞ᬫᬳ᭄ᬬᬲ᭄ᬳᬶᬤ᭄ᬯᬕᬸᬂᬕ᭄ᬮᬶᬲ᭄᭞ᬧᬬᬲ᭄ᬳᬶᬤᬵᬲᬫᬶᬳᬦᬸᬢ᭄᭞ᬯᬲ᭄ᬢ᭄ᬭᬧ᭄ᬭᬜ᭄ᬘᬶᬲ᭄ᬕᬥᬂ᭞
ᬫᬢᬗ᭄ᬕᬸᬫᬧ᭄ᬭᬤ᭄ᬥᬵᬗᭂᬦ᭄ᬤᬶᬄ᭞ᬧ᭄ᬓᭂᬦ᭄ᬩᬓ᭄ᬬᬓ᭄᭞ᬓᬫ᭄ᬧᬸᬄᬲᭀᬗ᭄ᬓᬾᬢ᭄ᬤᬤᬸᬗ᭄ᬭᬜᬩ᭄᭟ᬧᬳᬸᬢᬦ᭄ᬫᬓ᭄ᬯᬘ᭄ᬘᬵᬳᬶᬤᬵ᭞ᬳᬗ᭄ᬕᬦ᭄ᬳᬶᬤᬗᬶᬚᬲᬶᬢ᭄ᬲᬶᬢ᭄᭞ᬲᬵᬫ᭄ᬧᬸᬦ᭄ᬫᬮᬶᬳᬮᬶᬳᬶᬤᬵ᭞ᬫᬲᭀᬘ᭄ᬘᬵᬳᬶᬦ᭄ᬢᭂᬦ᭄ᬗᬾᬤᬦᬶᬦ᭄᭞ᬳᬭᬶᬗᬸᬲᬧᬶᬦᬼᬗᬶᬲ᭄᭞ᬳᬶᬓᭂᬲ᭄ᬬᭂᬕ᭄ᬫᬳᬢᬸᬃ
ᬢᬗ᭄ᬮᬸᬲ᭄᭞ᬲᬃᬯ᭄ᬯᬶᬲᬋᬂᬫᬗᬸᬲᬧ᭄᭞ᬳᬶᬤᬾᬯᬕᬸᬂᬧᬸᬢᬺᬯ᭄ᬬᬓ᭄ᬢᬶ᭞ᬳᭂᬦ᭄ᬓᬾᬧ᭄ᬥᬳᬶᬄᬳᬶᬤ᭄ᬯᬕᬸᬂᬳᭀᬜᬭᬫ᭄ᬭᬫ᭄᭟᭐᭟ᬧᬸᬧᬸᬢ᭄᭚᭜᭚ᬢ᭄ᬮᬲ᭄ᬢᬶᬦᬸᬭᬸᬦ᭄ᬭᬶᬂᬭᬳᬶᬦᬵ᭞ᬰᬸ᭞ᬯ᭞ᬯᬭᬵᬮᬡ᭄ᬥᭂᬧ᭄᭞ᬢᬶᬣᬶ᭞ᬢᬂ᭞ᬧᬶᬂ᭞᭖᭞ᬰᬰᬶᬄ᭞ᬓ᭞᭑᭐
᭞ᬭᬄ᭞᭓᭞ᬢᭂᬗ᭄ᬕᭂᬓ᭄᭞᭑᭞ᬇᬰᬓ᭞᭑᭙᭑᭓᭞ᬯᬃᬱᬵᬦᬶᬗ᭄ᬮᭀᬓ᭟ᬓᬲᬹᬭᬵᬢ᭄ᬳᬦ᭄ᬢᬸᬓ᭄᭝ᬳᬶᬤ᭄ᬥᬵᬩᬕᬸᬲ᭄ᬫᬥᬾᬚ᭄ᬮᬡ᭄ᬝᬶᬓ᭄᭞ᬭᬶᬂᬕ᭄ᬭᬶᬬᬵᬓᬘᬶᬘᬂᬳᬫ᭄ᬮᬧᬸᬭᬵ᭞ᬓᬭᬗ᭄ᬳᬵᬲᭂᬫ᭄᭝ᬩᬮᬶ᭚᭐᭛᭜᭛
Kaca:Bali-lontar-gaguritan-twan-raja-300ppi.pdf/89
Kaca puniki sampun kauji-wacén
