[᭘᭖ 86 B]
᭘᭖
ᬓᬾᬦ᭄ᬢᭂᬦ᭄ᬲᬬᬂ᭞ᬳᬭᬶᬦᬫ᭄ᬧᭀᬓᬂᬫᬓ᭄ᬮᬶᬤ᭄᭞ᬭᬓᬵᬫᬗ᭄ᬭᬦᭂᬳᬶᬦ᭄ᬧᬶᬲᬦ᭄᭟᭚ᬲᬶᬦᭀᬫ᭄᭚ᬲᬵᬫ᭄ᬧᬸᬦ᭄ᬲᭂᬧᭂᬂᬤᬤᬯᬸᬳᬦ᭄᭞ᬳᬶᬤᬾᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬧᬘᬂᬫᬦᬺᬓᬲ᭄ᬳᬭᬶᬦ᭄ᬤᬵ᭞ᬳᬦᬓ᭄ᬩᬕᬸᬲ᭄ᬢᬗ᭄ᬓᭂᬧ᭄ᬓᬮᬶᬲ᭄᭞ᬓᬮᬶᬄᬜᬶᬲᬬᬂ
ᬫᬦᬶᬲ᭄᭞ᬳᬧᬢᭀᬲ᭄ᬦᬶᬂᬚᬬᬾᬂᬧᬗ᭄ᬕ᭄ᬭᬸᬲ᭄᭞ᬜᭀᬲᬬᬂᬧᬭᬭᬲᬦ᭄᭞ᬗᬕᬧ᭄ᬳᬕᬧ᭄ᬧᬳᬸᬢ᭄ᬳᬲᬶᬦ᭄᭞ᬢᬦ᭄ᬘᬭᬶᬢᬲᬲᭀᬮᬄᬧᬦ᭄ᬓᬤᬶᬳᬧ᭄ᬭᬂ᭟ᬳᬶᬤᬾᬯᬕᬸᬂᬲᬗ᭄ᬳ᭄ᬬᬂᬲ᭄ᬫᬵᬭ᭞ᬲᬵᬫ᭄ᬧᬸᬦ᭄ᬫᬳᬯᭀᬭᬦ᭄ᬳᬰᬶᬄ᭞ᬭᬶᬂᬪᬝᬵᬭᬶᬭᬢᬶᬄᬲᬵ
ᬓ᭄ᬱᬢ᭄᭞ᬳᬶᬤᬳ᭄ᬬᬂᬲᬓᬮᬭᬢᬶᬄ᭞ᬳᭂᬳᭂᬲ᭄ᬮᬾᬮᭀᬓᬧᬢᬶ᭞ᬳ᭄ᬬᬂᬲ᭄ᬫᬵᬭᬕ᭄ᬮᬶᬲ᭄ᬦᬫ᭄ᬩᬸᬢ᭄᭞ᬮᬶᬦ᭄ᬢᬂᬓᬕ᭄ᬬᬢ᭄ᬳᬶ᭠ᬤᬵ᭞ᬢ᭄ᬯᬭᬢᬳᬾᬦᬵᬩᬸᬓᬚᬦᬶ᭞ᬤᬵᬭᬓᬦ᭄ᬥᬵᬗᬓᭂᬩᬶᬦ᭄ᬫᬳᬲ᭄ᬢ᭄ᬭᬫᬦ᭄ᬢ᭄ᬭᬵ᭟ᬤᬕᬶᬂᬫᬫᬕᭂᬄᬧᬺᬫᬦᬵ᭞ᬳᬶᬩᬢᬸ᭠
ᬦ᭄ᬘᬸᬓᬶᬦᬾ ᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬳᬶᬧᬸᬦ᭄ᬫᬗ᭄ᬯᬗ᭄ᬲᬶᬢᬂ᭞ᬭᬶᬂᬜᬕᬓᬸᬮ᭄ᬓᬸᬮ᭄ᬩᭂᬤᬶᬮ᭄᭞ᬓᬸᬮ᭄ᬓᬸᬮ᭄ᬫᬢᬶᬫ᭄ᬩᬮ᭄ᬳᬢ᭄ᬭᬶ᭞ᬓᬩ᭄ᬭᬶᬬᬸᬓᬶᬦ᭄ᬩᬗᭀᬂᬢᬫ᭄ᬩᬸᬃ᭞ᬭᬫᬾᬧᬲᬮᬾᬂᬢᬶᬫ᭄ᬩᬮ᭄᭞ᬓᬮᬶᬄᬲᬸᬭᬤᬤᬸᬲᬫᬶ᭞ᬫᬩ᭄ᬭᬶᬬᬸᬓ᭄ᬧᬤᬫ᭄ᬢᬢ᭄ᬩᭂᬤᬶᬮ᭄ᬕᬗ᭄ᬲᬃ
[᭘᭗ 87 A]
᭟ᬧᬤᬢ᭄ᬯᬭᬩᬶᬱᬧ᭄ᬕᬢ᭄᭞ᬳᬸᬮᬶᬓᬨᬮ᭄ᬫᬦᬶᬫ᭄ᬩᬮᬶᬦ᭄᭞ᬫ᭄ᬭᬶᬬᭂᬫ᭄ᬚ᭄ᬭᬦᬢ᭄ᬫᬲ᭄ᬯᬭᬵ᭞ᬧᬤᬧᬲᬮᬶᬂᬢᬶᬫ᭄ᬩᬮᬶᬦ᭄᭞ᬫᬘ᭄ᬤᬸᬃᬗᬺᬲᬂᬳᬢᬶ᭞ᬤᬶᬓᭀᬢᬭᬫᬾᬓᬮᬗ᭄ᬓᬸᬂ᭞ᬫᬳᬶᬦ᭄ᬫᬳᬾᬦ᭄ᬤᬳᬦ᭄᭞ᬓᬮᬶᬄᬲ᭄ᬧᬸᬃᬯᬭᬯᬶᬭᬶ᭞ᬮᬶᬦ᭄ᬢᬂᬧᬢᬸᬢ᭄᭞ᬧᬫ᭄ᬩᬶᬮᬦ᭄ᬲᬂᬳᬫᬵ
ᬯᬭᬵᬢ᭄᭟ᬳ᭄ᬦᭂᬗᬂᬦᬾᬤᬶᬩᬜ᭄ᬘᬶᬗᬄ᭞ᬢ᭄ᬬᬂᬲ᭄ᬫᬵᬭᬭᬢᬶᬄᬩᬮᬶᬓᬶᬦ᭄᭞ᬲᬂᬤ᭄ᬬᬄᬫᬗ᭄ᬕᭂᬄᬫᬗ᭄ᬮᬸᬧᬵ᭞ᬫᬤᬧᬵᬮᬬ᭄ᬯᬦ᭄ᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬮᬶᬦ᭄ᬢᬂᬧᬓᭀᬩᭂᬢ᭄ᬤᬶᬓᬬᬸᬦ᭄᭞ᬭᬾᬄᬲᬵᬫ᭄ᬧᬸᬦ᭄ᬫᬦ᭄ᬮᬲᬂ᭞ᬫᬦ᭄ᬢ᭄ᬭᬦ᭄ᬤᬫᬳᬶᬫ᭄ᬧᬲ᭄ᬲ
ᬫᬶ᭞ᬫᬳᬯᬶᬦᬦ᭄ᬫᬓᬬᬸᬦ᭄ᬫᬳᬯᬫ᭄ᬤᬮ᭄᭟ᬜᬗ᭄ᬓᬶᬮ᭄ᬳᬭᬶᬗᭂᬫ᭄ᬩᭂᬂᬯᬲ᭄ᬧᬵ᭞ᬫᬗᬶᬭᬲ᭄ᬮᬜ᭄ᬘᬶᬗᬦ᭄ᬫᬶᬚᬶᬮ᭄᭞ᬳᬶᬤᬳᬶᬤᬾᬯᬕᬸᬂᬧᬸᬢᬺ᭞ᬩᬸᬭᬯᬸᬄᬭᬶᬂᬳᬫ᭄ᬩᬾᬦ᭄ᬫᬗ᭄ᬓᬶᬦ᭄᭞ᬲᬦᬾᬭᬶᬂᬦᬢᬄᬲᬫᬶ᭞ᬧᬤᬫᬗᬓ᭄ᬱᬶᬫᬩ᭄ᬭᬶᬬᬸᬓ᭄᭞ᬫᬵᬃᬡ᭄ᬦᬧᬢᭂᬄ
ᬗᬦᬸᬢᬂ᭞ᬦᬾᬜᬗ᭄ᬓᬶᬮ᭄ᬢᭂᬓᬾᬦ᭄ᬓᬲᬗ᭄ᬓᬶᬮ᭄᭞ᬳᬶᬤᬳ᭄ᬬᬂᬲ᭄ᬫᬵᬭ᭞ᬧᬳᬸᬢ᭄ᬳᬗ᭄ᬕᬦ᭄ᬳᬶᬤᬵᬭᬫ᭄ᬭᬫ᭄᭟ᬳᬸᬧᬘᬭᬯᬸᬲ᭄ᬫᬗᬫ᭄ᬩ᭄ᬬᬃ᭞ᬳᬾᬢᬾᬳᬾᬳᬾᬫᬩᬸᬜ᭄ᬘᬶᬂ᭞ᬦᬾᬗᬫᭀᬂᬧᬬᬄᬳᬬᬳᬦ᭄᭞ᬕ᭄ᬮᬶᬲ᭄ᬧᬥᬜᬫ᭄ᬩᬸᬢ᭄ᬫᬗ᭄ᬓᬶᬦ᭄᭞ᬳᬶᬤ᭄ᬯᬕᬸᬂᬧᬸᬢᬺ
Kaca:Bali-lontar-gaguritan-twan-raja-300ppi.pdf/87
Kaca puniki sampun kauji-wacén
