[᭗᭔ 74 B]
᭗᭔
ᬓ᭄ᬩᬓ᭄ᬬᬓ᭄ᬫᬲᭀᬘ᭄ᬘᬵ᭞ᬩᬦ᭄ᬳᬶᬦ᭄ᬢᭂᬦ᭄ᬢᬦ᭄ᬓᭀᬢᬶᬓᭀᬢᬶ᭟ᬫᬓᬯᬘ᭄ᬘᬵᬓᬓᬯᬢᬦ᭄᭞ᬫᬜ᭄ᬮᬕ᭄ᬩᬦ᭄ᬳᬶᬦ᭄ᬢᭂᬦ᭄ᬫᬸᬦ᭄ᬤᬸᬓ᭄ᬲᬫᬶ᭞ᬓᬜ᭄ᬘᬶᬂᬳᬶᬤᬵᬮᬶᬦ᭄ᬢᬂᬳᬦᬸᬢ᭄᭞ᬩᬶᬦ᭄ᬢᬂᬩ᭄ᬲᬃᬓ᭄ᬧᬮᬵ᭞ᬫᬗᬸᬮᬧᬶᬦ᭄ᬢᬸᬧᬶᬦ᭄ᬳᬶᬤᬵᬮᬶᬦ᭄ᬢᬂᬳᬦᬸᬢ᭄᭞ᬧᬥᬢᬦ᭄
ᬓ᭄ᬦᬯᬶᬦᬶᬮᬂ᭞ᬲᬧᬗᬗ᭄ᬕᬾᬦ᭄ᬳᬶᬤᬵᬯ᭄ᬬᬓ᭄ᬢᬶ᭟ᬲᬓᬮᬶᬄᬲᬵᬫ᭄ᬧᬸᬦ᭄ᬫᬜᬶᬗᬓ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬭᬓᬮᬾᬤᬂᬫᬗᬓ᭄ᬱᬶ᭞ᬓᬮᬶᬄᬭᬓᬲᬬᬦ᭄ᬮᬶᬂᬮᬸᬂ᭞ᬓᬧᭀᬗᬶᬭᬶᬗᬂᬧᬶᬲᬦ᭄᭞ᬭᬾᬄᬦᬾᬫᬗ᭄ᬓᬶᬦ᭄ᬳᬭᬶᬦ᭄ᬥᬵᬧᬘᬂᬫᬢ᭄ᬫᬸ᭞ᬳ᭄ᬦᭂᬗᬂᬳᬶᬤ᭄ᬯᬕᬸᬂ
ᬧᬸᬢᬻ᭞ᬦᬾᬳᬓᬾᬄᬫᬳ᭄ᬬᬲᬫᬶ᭟ᬳᬶᬤᬲᬂᬤ᭄ᬬᬄᬳᬸᬘᬧᬂ᭞ᬭᬵᬢ᭄ᬦᬚ᭄ᬯᬶᬢᬲᬸᬗ᭄ᬲᬸᬢ᭄ᬳᬸᬤᬢᬦ᭄ᬲᬶᬧᬶ᭞ᬩ᭄ᬬᬂᬤᬲᬫᬶᬫᬧᬺᬫ᭄ᬩᬸᬓ᭄᭞ᬧᬘᬂᬫᬬᬲᬶᬦ᭄ᬳᬶᬤᬵ᭞ᬲᬫᬶᬓᬾᬫᬤ᭄ᬭᬾᬄᬳᭀᬓᬫᬦᬗᬶᬲ᭄ᬩᭂᬓᬸᬢ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬓᬸᬭᬶ᭠
ᬧᬦ᭄᭞ᬫᬧᬶᬦᭂᬄᬤᬶᬚ᭄ᬭᭀᬦᬶᬂᬋᬥᬶ᭟ᬬᬦ᭄ᬢᬦ᭄ᬳᬶᬕ᭄ᬬᬸᬃᬢ᭄ᬓᬬᬂ᭞ᬩᬶᬮᬶᬄᬳ᭄ᬜᬓ᭄ᬳᬶᬬᬕᬸᬂᬦ᭄ᬲᬾᬄᬚᬦᬶ᭞ᬳᬓᬾᬢᭀᬧᬶᬦᭂᬄᬤᬶᬓᬬᬸᬦ᭄᭞ᬕ᭄ᬮᬶᬲ᭄ᬳᬶᬤᬵᬦᬯᬸᬳᬂ᭞ᬓ᭄ᬦᬶᬦᬸᬳᬸᬃᬳᬶᬤᬾᬯᬕᬸᬂᬫᬥᬾᬳᬕᬸᬂ᭞ᬢᬦ᭄ᬓᭀᬘᬧ᭄ᬦᬾᬦᬸᬳᬸᬃᬳᬶ
[᭗᭕ 75 A]
ᬤᬵ᭞ᬳᬶᬤᬾᬯᬕᬸᬂᬫᬥᬾᬧ᭄ᬭᬧ᭄ᬢᬶ᭟ᬓᬳᬶᬭᬶᬂᬳᬦ᭄ᬢᬸᬓ᭄ᬳᬦ᭄ᬢᭂᬦᬃ᭞ᬢᬗ᭄ᬓᬶᬮᬦᬾᬢ᭄ᬥᬸᬦ᭄ᬲᬮᬶᬂᬮᬗ᭄ᬓᬸᬗᬶᬦ᭄᭞ᬲᬂᬧ᭄ᬭᬧ᭄ᬢᬜᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬭᬶᬂᬳᬶᬤᬵᬳᬚᬶᬩ᭄ᬬᬂ᭞ᬳᬚᬶᬩ᭄ᬬᬂᬫᬢᬶᬫ᭄ᬩᬮ᭄ᬗᬗ᭄ᬕᬸᬢᬶᬦ᭄ᬲᬫ᭄ᬧᬸᬦ᭄᭞ᬳᬶᬤᬾᬯᬕᬸᬂᬮ᭄ᬫᬥᬾᬫᬸᬗ᭄ᬕᬄ᭞ᬦᬾᬦᬾᬢ᭄ᬤᬸᬦ᭄ᬫᬸ
ᬗ᭄ᬕᬄᬲᬫᬶ᭟ᬳᬶᬤ᭄ᬯᬕᬸᬂᬩ᭄ᬬᬂᬓᬸᬭᬶᬧᬦ᭄᭞ᬫᬗᬦ᭄ᬤᬶᬓᬵᬭᬶᬂᬳᬶᬤᬵᬲᬂᬩᬸᬧ᭄ᬭᬧ᭄ᬢᬶ᭞ᬓ᭄ᬭᬡᬢ᭄ᬬᬂᬗᬮᬶᬄᬓᬕᬸᬂ᭞ᬮᬓᬃᬢᬸᬦ᭄ᬤᬾᬦᬂᬢ᭄ᬬᬂ᭞ᬫᬗᬮᬳᬶᬦ᭄ᬜᬫᬦ᭄ᬳᬶᬤᬦᬾᬓᬕᬸᬂ᭞ᬳᬧᬂᬳ᭄ᬜᬓ᭄ᬫᬦ᭄ᬲᬬᬂ᭞ᬓᬮᬶᬳᬜᬫ᭄ᬲᬾᬄᬩ᭄ᬯᬶᬦ᭄᭟ᬳᬧᬂ
ᬢᭂᬢᭂᬧᬭᬶᬓ᭄ᬭᬫ᭞ᬳᬶᬤᬾᬯᬕᬸᬂᬫᬥᬾᬜᭂᬫ᭄ᬩᬄᬲᬳᬶᬭᬶᬂ᭞ᬕ᭄ᬮᬶᬲ᭄ᬫᬦ᭄ᬢᬸᬓᬦ᭄ᬳᬶᬤ᭄ᬯᬕᬸᬂ᭞ᬫᬥᬾᬳᬶᬤ᭄ᬯᬕᬸᬂᬩ᭄ᬬᬂ᭞ᬫᬜᬋᬗᬶᬦ᭄ᬦᬾᬤᬶᬓᬫᬵᬃᬢᬍᬃᬧ᭄ᬦᬸᬄ᭞ᬯᬢᭂᬚ᭄ᬧᬺᬧᬸᬢ᭄ᬭᬶᬲᬫ᭄ᬬᬦ᭄᭞ᬫᬮᬶᬄᬫᬤᬾᬯᬶᬓᬤᬶᬭᬶ᭟ᬕ᭄ᬮᬶᬲ᭄ᬧᬥᬫᬵ
ᬓᬶᬲ᭄ᬮᬦ᭄᭞ᬦᬾᬩᬸᬗ᭄ᬭᬜ᭄ᬚᬶᬂᬳᬶᬤ᭄ᬯᬕᬸᬂᬫᬥᬾᬕ᭄ᬮᬶᬲ᭄᭞ᬗᬸᬲᬧ᭄ᬳᬭᬶᬗᬦ᭄ᬤᬶᬓᬵᬮᬸᬲ᭄᭞ᬓᬮᬶᬄᬳᬶᬤ᭄ᬯᬕᬸᬂᬩ᭄ᬬᬂ᭞ᬳᬬᬢ᭄ᬫᬢ᭄ᬯᬲᬯᬯᬵᬗᬦ᭄ᬤᬶᬓᬵᬮᬸᬲ᭄᭞ᬧᬦ᭄ᬤᬶᬓᬦ᭄ᬳᬶᬤᬭᬓᬦ᭄ᬥᬵ᭞ᬗ᭄ᬢᬸᬲ᭄ᬓᬬᬸᬦ᭄ᬗᬰᬶᬄᬳᬰᬶᬄ᭟ᬫᬾ
Kaca:Bali-lontar-gaguritan-twan-raja-300ppi.pdf/75
Kaca puniki sampun kauji-wacén
