[᭕᭒ 52 B]
᭕᭒
ᬢᬸ᭞ᬲ᭄ᬧᬸᬃᬲᬵᬫ᭄ᬧᬸᬦ᭄ᬫᬚᬮᬦ᭄᭞ᬤᬶᬧᬸᬭᬶᬳᬸᬘᬧᬂᬚᬦᬶ᭞ᬳᬶᬤᬾᬯᬕᬸᬂ᭞ᬳᬶᬲ᭄ᬢ᭄ᬭᬶᬳᬦᬓᬕᬸᬂᬲᬫ᭄ᬬᬦ᭄᭟ᬫᬳ᭄ᬬᬲ᭄ᬭᬾᬄᬧᬘᬂᬫᭂᬦ᭄ᬤᬓ᭄᭞ᬩᬦ᭄ᬢᬲ᭄ᬭᬶᬂᬩᬜ᭄ᬘᬶᬗᬄᬯ᭄ᬬᬓ᭄ᬢᬶ᭞ᬦᬾᬤᬶᬧᬸᬭᬶᬫᬮᬸᬳ᭄ᬦᭂᬗᬂ᭞ᬦᬾᬤᬶᬲ᭄ᬧᬸᬃᬩ᭄ᬯᬶᬦ᭄ᬩᬮᬶᬓᬶᬦ᭄᭞ᬲᬦᬾᬧᬘᬂ
ᬫᭂᬦ᭄ᬤᬓᬶᬦ᭄᭞ᬕ᭄ᬮᬶᬲ᭄ᬲᬶᬫᬵᬃᬕ᭄ᬕᬶᬫᬘᬸᬦ᭄ᬥᬸᬓ᭄᭞ᬲᬯᬳᬯᬧᬥᬕᬗ᭄ᬲᬃ᭞ᬫᬗᬦ᭄ᬤᭂᬓ᭄ᬲ᭄ᬧᬸᬃᬭᬾᬫ᭄ᬯ᭄ᬬᬓ᭄ᬢᬶ᭞ᬧᬤᬮᬾᬤᬂ᭞ᬳᬶᬤ᭄ᬯᬕᬸᬂᬳᬲ᭄ᬢ᭄ᬭᬫᬸᬱ᭄ᬝᬧᬵ᭟ᬲ᭄ᬭᭀᬤ᭄ᬲᬓᬾᬂᬧᬮᬶᬗ᭄ᬕᬶᬳᬦ᭄᭞ᬳᬬᬢ᭄ᬦᬸᬦᬲ᭄ᬮᬸᬕ᭄ᬭᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬫᬥᬾᬕ᭄ᬲᬃ᭞ᬦᬯᬸᬳᬶᬦ᭄ᬓᭂᬦᬶ
ᬫᬫᬵᬃᬕ᭄ᬕᬶ᭞ᬳᬭᬶᬦ᭄ᬥᬜᭂᬫ᭄ᬩᬄᬗᬶᬭᬶᬂ᭞ᬫᬮᬶᬄᬜᬺᬕ᭄ᬭᭀᬥᬲᬵᬫ᭄ᬧᬸᬦ᭄᭞ᬲ᭄ᬧᬸᬃᬦᬯᬸᬲ᭄ᬫᬚᬮᬦ᭄᭞ᬢᬦ᭄ᬓᭀᬘᬵᬧ᭄ᬳᬶᬤᬵᬤᬶᬫᬵᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬩᬜ᭄ᬘᬶᬗᬄᬳᬲ᭄ᬢ᭄ᬭᬫᬸᬱ᭄ᬝᬧᬵ᭟ᬫᬮᬶᬄᬲ᭄ᬧᬸᬃᬲᬮᬶᬂᬢᬶᬫ᭄ᬩᬮ᭄᭞ᬘᬶᬭᬶᬦ᭄ᬭᬯᬸᬄᬳᬶᬤᬫ
ᬗ᭄ᬓᬶᬦ᭄᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬓᭀᬤᬮ᭄᭞ᬰ᭄ᬭᬷᬫᬵᬤᬾᬯᬶᬫᬜᬋᬗᬶᬦ᭄᭞ᬫᬩ᭄ᬭᬶᬬᬸᬓ᭄ᬗᬶᬭᬶᬂᬲᬫᬶ᭞ᬚᬮᬶᬄᬲᬲᬗ᭄ᬓ᭄ᬭᬩᬦ᭄ᬮ᭄ᬬᬸ᭞ᬯᬸᬲ᭄ᬭᬯᬸᬄᬤᬶᬩᬜ᭄ᬘᬶᬗᬄ᭞ᬦᬾ ᬲᬶᬂᬲ᭄ᬧᬸᬃᬲᬋᬂᬲᬫᬶ᭞ᬕ᭄ᬮᬶᬲ᭄ᬢᭂᬤᬸᬦ᭄᭞ᬦᬾᬫᭂᬦ᭄ᬤᬓ᭄ᬫᬩ᭄ᬭᬶᬬᬸᬓ᭄ᬜᬕ᭄ᬚᬕ᭄᭟
[᭕᭓ 53 A]
ᬲᬵᬃᬯ᭄ᬯᬶᬩᭀᬗ᭄ᬓᭀᬓ᭄ᬳᬶᬤᬵᬜᭂᬫ᭄ᬩᬄ᭞ᬤᬕᬶᬂᬗᬢᬸᬭᬶᬦ᭄ᬫᬗ᭄ᬭᬭᬶᬲ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬓᬸᬭᬶᬧᬦ᭄᭞ᬫᬦ᭄ᬢᬸᬦ᭄ᬥᬵᬗᬸᬲᬧ᭄ᬫᬕᬶᬮᬶᬃ᭞ᬲᬵᬃᬯ᭄ᬯᬶᬫᬦᬶᬫ᭄ᬩᬮ᭄ᬓᬮᬶᬲ᭄᭞ᬦᬄᬗ᭄ᬕᬶᬄᬭᬵᬢᬸᬳᬦᬓᬕᬸᬂ᭞ᬫᬮᬶᬄᬳᬶᬤᬫᬦᬶᬫ᭄ᬩᬮ᭄᭞ᬫᬶᬤᬾᬯᬶᬫᬸᬱ᭄ᬝᬧᬵᬯ᭄ᬬᬓ᭄ᬢᬶ᭞ᬗ᭄ᬕᬶᬄᬦᬓᬕᬸᬂ
᭞ᬢᬦ᭄ᬓᭀᬘᬧ᭄ᬲᬫᬶᬓᬲᬧᬵ᭟ᬧᬢᭂᬄᬧᬦᬶᬫ᭄ᬩᬮ᭄ᬧᬦ᭄ᬤᬶᬓᬵ᭞ᬘᭂᬦ᭄ᬤᭂᬢ᭄ᬳᭂᬗ᭄ᬕᬶᬄᬩ᭄ᬭᬶᬬᬸᬓᬭᬶ᭞ᬦᬵᬗ᭄ᬳᬶᬂᬧᬭᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬲᬦᬾᬮᬦᬂᬳᬶᬤᬓᬭᬶ᭞ᬳᬶᬤ᭄ᬯᬕᬸᬂᬧᬸᬢᬺᬕ᭄ᬮᬶᬲ᭄᭞ᬫᬸᬲ᭄ᬢᬧᬵᬜᭂᬫ᭄ᬩᬄᬫᬳᬢᬹᬃ᭞ᬭᬶᬂᬳᬚᬶᬦ᭄ᬥᬵᬲᬫ᭄ᬬᬦ᭄᭞ᬭᬶᬂᬭᬓ
ᬭᬓᬦ᭄ᬥᬵᬯ᭄ᬬᬓ᭄ᬢᬶ᭞ᬤᬕᬸᬶᬕᬶᬂᬳᬢᬸᬃ᭞ᬢᬦ᭄ᬲᬄᬫᬗᬢᬸᬭᬶᬦ᭄ᬫᬸᬗ᭄ᬕᬄ᭟ᬫᬮᬸᬗ᭄ᬕᬸᬄᬳᬚᬶᬓᬭᬦ᭄ᬥᬵ᭞ᬫᬩ᭄ᬭᬶᬬᬸᬓ᭄ᬳᬶᬤᬵᬗᬗ᭄ᬕᬸᬢᬶᬦ᭄᭞ᬕ᭄ᬮᬶᬲ᭄ᬳᬶᬤᬲᬫᬶᬫᬸᬗ᭄ᬕᬄ᭞ᬫᬮᬶᬗ᭄ᬕᬶᬄᬲᬫᬶᬤᬶᬓᬸᬃᬱᬶ᭞ᬮᬶᬗ᭄ᬕᬶᬄᬫᬳᬸᬦ᭄ᬤᬸᬓ᭄ᬲᬫᬶ᭞ᬧᬭᬧᬸᬢᬺᬫᬢᬗᬶᬩ᭄ᬭᬶᬬᬸᬓ᭄᭞ᬗ
ᬢᬸᬭᬂᬧᬦᬫ᭄ᬩ᭄ᬭᬫᬵ᭞ᬢᬦ᭄ᬫᬵᬓᬲᬢᬦ᭄ᬲᬯ᭄ᬬᬓ᭄ᬢᬶ᭞ᬲᬵᬫ᭄ᬧᬸᬦ᭄ᬳᬸᬲᬦ᭄᭞ᬧᬗ᭄ᬯᬾᬤᬗᬦ᭄ᬓᬢᬹᬃᬕᬗ᭄ᬲᬃ᭟ᬦᬾᬫᬫᬸᬦ᭄ᬤᬸᬢ᭄ᬧᬳᬸᬢ᭄ᬧᬶᬲᬦ᭄᭞ᬩᬗ᭄ᬲᬵᬢᬶᬗ᭄ᬕᬶᬧᬳᬸᬢ᭄ᬲᬫᬶ᭞ᬳᬍᬧ᭄ᬧᬺᬢᬫᬫᬬᬳᬦ᭄᭞ᬳᬧᬦ᭄ᬧᬋᬓᬦ᭄ᬫᬲ᭄ᬮᬶᬃ᭞ᬯᬸᬲ᭄ᬳᬸᬲᬦ᭄
Kaca:Bali-lontar-gaguritan-twan-raja-300ppi.pdf/53
Kaca puniki sampun kauji-wacén
