[᭒᭐ 20 B]
᭒᭐
ᬓᬕᬸᬂᬫᬶᬦᬓᬤᬶ᭞ᬲᬂᬓᬮᬶᬄᬳᬶᬤ᭞ᬕ᭄ᬮᬶᬲ᭄ᬳᬶᬤᬵᬫᬧᬫᬶᬢ᭄᭟ᬳᬢᬸᬃᬧᬢᭂᬄᬢᬶᬢ᭄ᬬᬂᬧᬘᬂᬗᬺᬋᬄᬢᬫ᭄ᬩᬵ᭞ᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭞ᬩ᭄ᬭᬶᬬᬸᬓ᭄ᬳᬶᬤᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬤᬸᬭᬸᬲᬂᬢ᭄ᬯᬦ᭄᭞ᬦᬓᬕᬸᬂᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬲᬵᬃᬯ᭄ᬯᬶᬦᬯᬸᬳᬂ᭞ᬓᬲ᭄ᬬᭂᬕ᭄ᬩᬸᬩᬢᬕᬦ᭄ᬢᬶᬦᬶ
ᬦ᭄᭟ᬗᬩᬶᬦ᭄ᬳᬶᬜ᭄ᬚᭀᬃᬤᬵᬲᬂᬓᬮᬶᬄᬕ᭄ᬮᬶᬲ᭄ᬜᭂᬫ᭄ᬩᬄ᭞ᬳᬶᬤᬵᬫᬗ᭄ᬓᬶᬦ᭄ᬗᭂᬦ᭄ᬢᭀᬲᬶᬦ᭄᭞ᬫᬗ᭄ᬓᬸᬲᬂᬧᬮᬢᬺ᭞ᬲᬯᬯᬦᬗᬶᬲ᭄ᬳᬶᬤ᭞ᬤᬵᬲᬂᬮᬶᬦᬵᬫᬓᬓᬮᬶᬄ᭞ᬧᬘᬂᬳᬗ᭄ᬕᬦ᭄ᬥᬵ᭞ᬓᬩᬩᬸᬭᬦ᭄ᬬᬾᬄᬳᬓ᭄ᬱᬶ᭟ᬤᬵᬲᬂᬓᬮᬶᬄᬢ᭄ᬯᬦ᭄ᬭᬚᬳᬶᬤ᭄ᬯᬕᬸᬂ
ᬧᬸᬢᬺ᭞ᬢ᭄ᬥᬸᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬧᬫᬃᬕ᭄ᬕᬶᬦ᭄ᬥᬵᬩᬦ᭄ᬩᬦ᭄᭞ᬳᬬᬢ᭄ᬜᬸᬚᬸᬃᬓᬦ᭄ᬢᬓᬵ᭞ᬳᬦ᭄ᬢᭂᬦᬃᬧᬺᬧᬸᬢᬺᬗᬶᬭᬶᬂ᭞ᬧᬸᬲ᭄ᬭᬯᬸᬄᬳᬶᬤᬵ᭞ᬭᬶᬂᬦᬢᬄᬓᬜ᭄ᬘᬦᬕ᭄ᬮᬶᬲ᭄᭟ᬤᬵᬲᬂᬓᬮᬶᬄᬫᬸᬗ᭄ᬕᬳᬦ᭄ᬫᬗ᭄ᬭᬜ᭄ᬚᬶᬂᬳᬶᬤᬵ᭞ᬳᬬᬢ᭄ᬗᬭᬦ᭄ᬦᬾᬫᬗ᭄ᬓᬶᬦ᭄᭞ᬳᬢᬵ
ᬦ᭄ᬲᬂᬧᬮᬢ᭄ᬭ᭞ᬯᬸᬲ᭄ᬗᬯᬳᬸᬧᬓᬭ᭞ᬧᬗᬶᬭᬶᬂᬤᬶᬦᬢᬄᬲᬫᬶ᭞ᬦᬾᬤᬶᬦᬶᬳ᭄ᬦᭂᬗᬂ᭞ᬤᬶᬩᬮᬾᬫᬹᬃᬤ᭄ᬥᬵᬩ᭄ᬯᬶᬦ᭄᭟ᬘᬭᬶᬢᬬᬂᬤᬶᬦᬢᬄᬓ᭄ᬲᭂᬮ᭄ᬓᬮᬶᬦ᭄ᬢᬂ᭞ᬗ᭄ᬳᬶᬂᬳᬫᭂᬫ᭄ᬮᬭᬲᬫᬶ᭞ᬓᬮᬶᬄᬦᬾᬤᬶᬓᬫᬃ᭞ᬫᬗ᭄ᬕᭂᬄᬫ᭄ᬦᬗᬶᬲᬫ᭄ᬬᬦ᭄᭞ᬳᬸᬓᬸᬢᬸᬓᬸᬢ᭄ᬲᬂᬦᭀᬗ᭄ᬕ
[᭒᭑ 21 A]
ᬮᬶᬦ᭄᭞ᬦᬾᬤᬶᬦᬶᬳ᭄ᬦᭂᬗᬂ᭞ᬦᬾᬗᬭᬤ᭄ᬩᬶᬦ᭄ᬩᬮᬶᬓᬶᬦ᭄᭟ᬳᬦ᭄ᬤᬸᬲ᭄ᬫᬸᬫ᭄ᬩᬸᬮ᭄ᬤᬵᬲᬂᬓᬮᬶᬄᬫᬗ᭄ᬤᬕᭂᬧᬂ᭞ᬫᬗᬼᬓᬲ᭄ᬫᬦ᭄ᬢ᭄ᬭᬰᬶᬥᬷ᭞ᬤᬕᬶᬂᬫᬦ᭄ᬢ᭄ᬭᬦ᭄ᬳᬶᬤᬵ᭞ᬓ᭄ᬦᬶᬭᬯᬸᬄᬳᬭᬶᬦ᭄ᬤᬵ᭞ᬳᬶᬤᬵᬲᬂᬫᬦᬶᬗ᭄ᬕᬮ᭄ᬓᬮᬶᬄ᭞ᬳᬶᬤ᭄ᬯᬕᬸᬂᬧᬸᬢᬺ᭞ᬳᬶᬤ᭄ᬯᬕᬸᬂᬮᬦᬂᬫᬮᬶᬄ
᭟᭚ᬧᬗ᭄ᬓᬸᬃ᭚ᬧᬦᬄᬲ᭄ᬯᬾᬗᬭᬤ᭄ᬳᬶᬤᬵ᭞ᬫᬦ᭄ᬮᬲᬂᬯᬶᬰᬾᬱᬦ᭄ᬤᬵᬲᬂᬓᬮᬶᬄ᭞ᬓᬮᬶᬄᬦᬾᬸᬶᬢᬍᬃᬦᬾᬦ᭄ᬢᭂᬦ᭄ᬲᬶᬤ᭄ᬥᬵ᭞ᬭᬯᬸᬄᬳᬶᬸᬅᬢ᭄ᬫᬵᬦ᭄ᬳᬭᬶᬦ᭄ᬥᬵ᭞ᬭᬾᬳᬶᬂᬅᬢ᭄ᬫᬵᬫᬓᭂᬓᭂᬧ᭄ᬩᬦ᭄ᬯᬶᬥᬶᬢᬸᬳᬸ᭞ᬤᬸᬭᬸᬂᬳᬶᬤᬓᬘᬾᬦ᭄ᬢᬸᬮᬓ᭄᭞ᬭᬶᬂᬳᬶ
ᬤᬪᬝᬭᬯᬶᬥᬶ᭟ᬭᬾᬄᬪᬝᬭᬮᬶᬦ᭄ᬢᬂᬫᭂᬗ᭄ᬕᬄ᭞ᬓᬾᬦ᭄ᬢ᭄ᬯᬦ᭄ᬭᬵᬚᬳᬧᬦᬾᬗᬸᬩᭂᬓᬭᬶ᭞ᬧᬶᬯᬮ᭄ᬢᭂᬓᬾᬦ᭄ᬯᬶᬥᬶᬢᬸᬳᬸ᭞ᬯᬶᬥᬶᬓᬳᬸᬘᬧ᭄ᬤᬤ᭄ᬯ᭞ᬓᬾᬦ᭄ᬯᬘᬦᬵᬳᬯᬦᬦ᭄ᬳᬸᬚᬃᬢᬦ᭄ᬧᬢᬸᬢ᭄᭞ᬳᬸᬚᬃᬫᬭᬶᬘᬾᬦ᭄ᬥᬤᬾᬯ᭄ᬯ᭞ᬭᬚ
ᬳᬦ᭄ᬯᬫᬗᬃᬬ᭄ᬬᬦᬶᬦ᭄᭟ᬧᬸᬦᬶᬓᬫᬗ᭄ᬕᭂᬳᬂᬳᬶᬤᬵ᭞ᬦᭂᬂᬪᬝᬵᬭᬶᬦᬾᬗᬭᬤ᭄ᬳᬶᬦ᭄ᬩᬮᬶᬓᬶᬦ᭄᭞ᬮᬶᬦ᭄ᬢᬂᬳᬾᬯᭂᬳᬾᬤᬶᬓᬬᬸᬦ᭄᭞ᬩᬦᬾᬢ᭄ᬯᬭᬜᬶᬤᬬᬂ᭞ᬫᬮᬶᬄᬦᬭᬤ᭄ᬅᬢ᭄ᬫᬵᬦ᭄ᬢ᭄ᬬᬄᬓ᭄ᬦᬶᬭᬯᬸᬄ᭞ᬳᬶᬤ᭄ᬯᬕᬸᬂᬳᬲ᭄ᬢ᭄ᬭᬵᬫᬸᬲ᭄ᬢᬧᬵ᭞ᬅᬢ᭄ᬫᬵ
Kaca:Bali-lontar-gaguritan-twan-raja-300ppi.pdf/21
Kaca puniki sampun kauji-wacén
