[᭔ 4B]
᭔᭞
ᬓ᭄ᬫᬺᬢᬳᬶᬓᬸ᭞ᬭᬸᬧᬦ᭄ᬜᬦᬾᬓᭀᬘᬧ᭄᭞ᬕ᭄ᬦᬶᬓᬂᬧ᭄ᬭᬬᬳᬶᬓᬶ᭞ᬓᬤᬶᬲ᭄ᬮᬓᬮᬶᬦᭂᬩᬸᬃ᭞ᬓᬤᬶᬳᬶᬤᬭᬸᬧᬦᬶᬓᬸ᭞ᬓᬤᬶᬢᬾᬚᬲᬂᬳ᭄ᬬᬂᬲᬹᬃᬬ᭄ᬬ᭞ᬫᬯᬓ᭄ᬳᬸᬮᬦ᭄ᬫᬗ᭄ᬓᬾᬳᬶᬓᬶ᭞ᬦᬤᬶᬧᬶᬗ᭄ᬕᭂᬮᬦᬶᬓ᭞ᬓᬤᬶᬢᬾᬚᬦ᭄ᬲᬂ
ᬳ᭄ᬬᬂᬉᬮᬦ᭄᭟᭜᭟ᬦᬤᬶᬧᬶᬗ᭄ᬕᭂᬮ᭄ᬫᬲ᭄ᬫᬭᬕᬩᬜᬸ᭞ᬧᬸᬧᬸᬢᬶᬂᬕᭂᬂᬫᬗ᭄ᬓᬾ᭞ᬩᬬᬸᬰᬩ᭄ᬟᬇᬥᭂᬧ᭄ᬳᬶᬓᬶ᭞ᬇᬰ᭄ᬯᬭᬩ᭄ᬭᬵᬳ᭄ᬫᬯᬶᬱ᭄ᬡᬸ᭞ᬉᬧᬢᬶᬗᬭᬦᬶᬓᬸ᭞ᬫᬗ᭄ᬓᬶᬦ᭄ᬲᬶᬦᬮᬶᬦ᭄ᬢᭂᬫ᭄ᬩᬂ᭞ᬧᬸᬄᬳᬤ᭄ᬭᬶᬦᬾᬓᬧᬸᬗ᭄ᬓᬸᬃ᭞ᬤᬂ
ᬤᬂᬕᬸᬮᬳᬗ᭄ᬕᬾᬦ᭄ᬢᭂᬫ᭄ᬩᬂ᭞ᬫᬗᬲ᭄ᬢᬸᬢᬸᬃᬓᬫᭀᬓ᭄ᬱᬦ᭄᭟᭜᭟᭛ᬧᬸᬄᬤᬗ᭄ᬤᬂᬕᬸᬮ᭛᭟ᬤᬂᬤᬂᬕᭂᬦ᭄ᬤᬶᬲ᭄ᬦᬾᬓᬧᬸᬚᬶ᭞ᬧᬋᬓ᭄ᬭᬶᬂ᭞ᬳᬶᬤᬲᬂᬳ᭄ᬬᬂᬫ᭄ᬭᬯ᭞ᬲᬓᬶᬂᬢ᭄ᬮᭂᬗᬶᬂᬳᬢᬶᬦᬾ᭞ᬓᬤᬷᬫᬶᬭᬳᬾᬲᬕᬸᬦᬸᬂ᭞ᬤᬸᬫᬶ
ᬮᬄᬯᬃᬡ᭄ᬦᬦ᭄ᬬᬧᬸᬢᬶᬄ᭞ᬫᬶᬭᬄᬦᬾᬫᬓᬘ᭄ᬭᬶᬢ᭞ᬳᬩᬂᬚᬶᬗ᭄ᬕᬮᬯᬦ᭄ᬤᬤᬸ᭞ᬓᬸᬦᬶᬂᬳᬶᬚᭀᬫᬶᬭᬄᬦᬶᬮ᭞ᬭᬸᬧᬦ᭄ᬳᬶᬤ᭞ᬓᬤᬶᬩᬶᬦ᭄ᬢᬂᬦᬾᬫᬗᭂᬦ᭄ᬤᬶᬄ᭞ᬭᬢ᭄ᬦᬫᬸᬮᬾᬭᬶᬂᬳᬚ᭄ᬜᬡ᭟᭜᭟ᬳᬶᬓᬸᬗᬤᬫᬶᬭᬄ
[᭕ 5A]
ᬯᬶᬦ᭄ᬢᭂᬦ᭄ᬬᬬᬶ᭞ᬳᬶᬓᬂᬰᬩ᭄ᬥ᭞ᬫᬶᬭᬄᬳᬤᬶᬭ᭞ᬩᬬᬸᬫᬶᬭᬄᬦᬶᬮᬦᬾᬫᬗ᭄ᬓᬾ᭞ᬳᬶᬓᬂᬤ᭄ᬭᬸᬯᬾᬦ᭄ᬲᬂᬯᬶᬓᬸ᭞ᬦᬾᬦᬾᬳᬗ᭄ᬕᬾᬦ᭄ᬩᭂᬓᭂᬮ᭄ᬫᬢᬶ᭞ᬢᬦ᭄ᬭᭂᬦᬂᬧᬶᬦᬾᬢ᭄ᬳᬶᬤᬸᬱ᭄ᬝ᭞ᬫᬶᬭᬄᬳᬤᭀᬮ᭄ᬢᬸᬓᬸ᭞ᬫᬶᬭᬄ
ᬢᬦ᭄ᬳᬶᬗᬦ᭄ᬳᬚᬶᬦ᭄ᬬ᭞ᬫᬶᬭᬄᬳᬶᬓ᭞ᬓᬸᬄᬦᬢ᭄ᬮᭂᬦᬶᬂᬉᬭᬶᬧ᭄᭞ᬲᬧᬭᬦᬾᬲᬫᬶᬩᬓ᭄ᬢ᭟᭜᭟ᬲᬶᬫ᭄ᬧᭂᬦ᭄ᬳᬦᬫᬭᬶᬂᬚ᭄ᬭᭀᬳᬢᬶ᭞ᬯᬤᬳᬦ᭞ᬢᬷᬃᬢ᭄ᬣᬦᬶᬃᬫ᭄ᬫᬮ᭞ᬳᬭᬂᬭᭀᬂᬯ᭄ᬭᬸᬄᬫᬗ᭄ᬓᬾ᭞ᬲᬂᬬᭀᬕ᭄ᬬᬫᬗ᭄ᬓᬾᬯ᭄ᬭᬸᬄ᭞
ᬭᬶᬂᬭᬢ᭄ᬦᬫᬸᬮᬦᬶᬂᬳᬢᬶ᭞ᬲᬂᬯ᭄ᬭᬸᬄᬥᬃᬫ᭄ᬫᬮᬓ᭄ᬱᬦ᭞ᬭᬶᬂᬥᬃᬫ᭄ᬫᬭᬳᬬᬸ᭞ᬲᬶᬭᬚᬸᬕᬚᬕᬦᬯᬂ᭞ᬓᬤᬤᬾᬦᬾ᭞ᬭᬢ᭄ᬦᬫᬸᬮᬾᬫᬭᬶᬂᬳᬢᬶ᭞ᬫᬗ᭄ᬕᭂᬄᬫᬭᬶᬂᬩ᭄ᬭᬢᬢᬧ᭟᭜᭟ᬭᬢ᭄ᬦᬫᬸᬮᬾᬳᬚ᭄ᬜᬡᬧᬸᬦᬶᬓᬶ᭞ᬫ
ᬓᬩᭀᬗ᭄ᬓᭀᬮ᭄᭞ᬯᬶᬢ᭄ᬳᬶᬓᬧᬸᬜᬦ᭄᭞ᬘᬢᬸᬃᬤᬰᬵᬓ᭄ᬱᬭᬫᬗ᭄ᬓᬾ᭞ᬫᬓᬓᭂᬫ᭄ᬩᬂᬩᬸᬗᬦ᭄ᬳᬶᬓᬸ᭞ᬳᬤᭀᬮ᭄ᬢᬸᬓᬸᬳᬶᬓᬸᬬᬬᬶ᭞ᬢᬦ᭄ᬧᬤᬯᬗᬶᬦᬶᬭ᭞ᬤᬾᬰᬵᬓ᭄ᬱᬭᬧᬸᬦᬶᬓᬸ᭞ᬳᬓᬶᬘᬢᬸᬃᬤᬰᬵᬓ᭄ᬱ
Kaca:Bali-lontar-gaguritan-tutur-sayukti-300ppi.pdf/5
Kaca puniki sampun kauji-wacén
