Kaca puniki sampun kauji-wacén
[᭙ 9B]
᭙
ᬲᬹᬃᬬᬘᬦ᭄ᬟ᭄ᬭᬳᬶᬓᬸ᭞ᬕᭂᬦᬄᬳᬶᬭᬳᬶᬓᬂᬗᬭᬓ᭄ᬱ᭞ᬢᬦ᭄ᬓᬕᬶᬗ᭄ᬕᬂᬢᬦ᭄ᬓᬕᬶᬗ᭄ᬲᬶᬃ᭞ᬳᬧ᭠ᬦ᭄ᬳᬶᬓᬸ᭞ᬯᭂᬦᬂᬗᭂᬫᬶᬢ᭄ᬲᬹᬃᬬᬘᬦ᭄ᬟ᭄ᬭ᭟ᬳᬦᬫᬮᬶᬄᬓᬂᬓᭀᬘᬧᬦ᭄᭞ᬤᬾᬯᬲ
ᬦᬾᬧᬮᬶᬂᬓᭂᬮᬶᬄ᭞ᬏᬓᬯᬭᬗᬮᬮᬸᬯᬂ᭞ᬫᬸᬗ᭄ᬕᬸᬄᬭᬶᬂᬲᬭᬶᬭᬦᬾᬓᬶ᭞ᬤᬤᬶᬰᬶᬯᬦᬶᬂᬋᬱᬶ᭞ᬦᬾᬫᬸᬗ᭄ᬕᬸᬄᬭᬶᬂᬳᬗ᭄ᬕᬦ᭄ᬦᬧᬸᬦ᭄᭞ᬧᬸᬦᬶᬓᬤᭂᬭᬓ᭄ᬮᬶᬯ᭞ᬓᭀᬭᬮᬦᬂ᭞
ᬦᬵᬭᬳᬶᬲ᭄ᬢ᭄ᬭᬶ᭞ᬤᬤᬶᬳᬶᬓᬸᬲᬶᬯᬦᬶᬤᬾᬯᬲᬲᬫ᭄ᬬᬦ᭄᭟ᬲᬶᬦᭀᬫ᭄ᬓᬯᬶᬢᬦᬶᬂᬲᬲ᭄ᬢ᭄ᬭ᭞ᬲᬸᬦ᭄ᬟᬭᬶᬢᭂᬭᬸᬲ᭄ᬳᬭᬦᭂᬓᬶ᭞ᬫᬲᬋᬗᬦ᭄ᬲᬸᬦ᭄ᬤᬭᬶᬩᬸᬗ᭄ᬓᬄ᭞᭠
[᭑᭐ 10A]
ᬧᬗ᭄ᬭᬗ᭄ᬕᬸᬲᬦ᭄ᬤᬶᬦᬳᬶᬓᬶ᭞ᬲᬗᬯᬭ᭞ᬳᬲ᭄ᬢᬯᬭᬦᬾᬓᬶ᭞ᬲᬧ᭄ᬢᬯᬭᬧᬸᬦᬶᬓᬶᬧᬸᬦᬶᬓᬸ᭞ᬲᬤᬯᬭᬮᬦ᭄ᬧᬜ᭄ᬘᬯᬭ᭞ᬘᬢᬸᬃᬯᬭᬳᬭᬦᬾᬓᬶ᭞ᬢ᭄ᬭᬶᬯᬭᬓᬸ᭞ᬤ᭄ᬯᬶᬯᬭ
ᬫ᭄ᬯᬄᬏᬓᬯᬭ᭟ᬧᬸᬦᬶᬓᬲᬫᬶᬭᬗ᭄ᬲᬸᬓᬂ᭞ᬭᬶᬂᬳᬗ᭄ᬕᬲᬭᬶᬭᬳᬶᬓᬶ᭞ᬳᬚᬯᬾᬭᬧᬶᬗᬶᬢ᭄ᬧᬶᬲᬦ᭄᭞ᬢᬸᬢᬸᬃᬲᬶᬦᭀᬫᬾᬧᬸᬦᬶᬓᬶ᭞ᬲᭂᬓᭂᬧᬂᬳᬧᬂᬧᬱ᭄ᬝ᭞ᬳᬚᬯᬾᬭᬳᬚ
ᬘᬯᬸᬄ᭞ᬧᬸᬦᬶᬓᬶᬚ᭄ᬯᬏᬮᬶᬗᬂ᭞ᬲᬩ᭄ᬤᬦ᭄ᬲᬲ᭄ᬢ᭄ᬭᬦᬾᬳᬢᬸᬭᬶᬦ᭄᭞ᬳᬶᬗ᭄ᬕᬶᬄᬭᬢᬸ᭞ᬧᬸᬦᬶᬓᬶᬲᬸᬓ᭄ᬮᬬᬂᬧᬶᬲᬦ᭄᭞ᬬᬲᬶᬂᬲᬫ᭄ᬧᬸᬦ᭄ᬓᬲᬸᬓ᭄ᬱ᭄ᬫ᭞ᬭᬶᬂᬢᬸᬢᬸᬃᬲᬶᬦᭀᬫ᭄