[᭙᭓ 93B]
᭙᭓
ᬫᬶᬦᭂᬄᬢᬶᬢ᭄ᬬᬂᬳᬾᬤᬦ᭄᭞ᬫᬶᬦᬓᬵᬤᬶᬗᬗ᭄ᬕᬾᬦ᭄ᬭᬯᭀᬲ᭄ᬕᬕᭀᬜ᭄ᬚᬓᬦ᭄᭟ᬯᬶᬢ᭄ᬲᬓᬶᬂᬲ᭄ᬫᭂᬦ᭄ᬫᬜᬸᬭᬵᬢ᭄᭞ᬧᬂᬯᬾᬦ᭄ᬢᭂᬦ᭄ᬧᬗᬾᬮᬶᬂᬗᬾᬮᬶᬂ᭞ᬓᬵᬮᬩ᭄ᬗᭀᬂᬤᬶᬧ᭄ᬤᭂᬫᬦ᭄᭞ᬧᬘᬂᬯᬜᬭᬸᬯᬂ
ᬳᬶᬩᬸᬓ᭄᭞ᬳᬧᬂᬫᬲᬶᬄᬫᬕᬺᬂᬕᭂᬗᬦ᭄᭞ᬬᬾᬦ᭄ᬩᬲ᭄ᬲᭂᬧᬶᬕᬸᬮᬓ᭄ᬕᬸᬮᬶᬓ᭄ᬢ᭄ᬯᬭᬓᬭ᭄ᬯᬦ᭄᭞᭚᭜᭚ᬧᬗ᭄ᬓᬸᬃᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬗ᭄ᬤᬾᬲ᭄ᬓᭂᬦ᭄ᬳᭀᬓᬲᬶᬦ᭄ᬢᭀᬬᬂᬫᬳᬶ᭞ᬫᬵᬢᬹᬃᬫᬦᬸᬓᬲᬂᬭᬢᬸ᭞ᬳᬦ᭄ᬢᬸᬓ᭄ᬳᬶ᭠
ᬭᬢᬸᬳᬶᬤ᭄ᬟ᭞ᬗᬦ᭄ᬤᬶᬓᬬᬂᬫᭂᬦ᭄ᬤᬓᬶᬦ᭄ᬫᬭᬶᬓᬶᬭᬢᬸ᭞ᬦᬾᬧᬫᭂᬦ᭄ᬤᬓ᭄ᬲᬸᬩᬢ᭄ᬓᬵ᭞ᬓᬾᬦ᭄ᬓᬾᬦ᭄ᬜᬶᬤ᭄ᬟᬬᬂᬦᬾᬫᬗ᭄ᬓᬶᬦ᭄᭚᭜᭚ᬥᬂᬥᬂᬮᬭᬮᬭᬦᬶᬂᬯᭀᬂᬗᬲᬶᬄ᭞ᬧ᭄ᬭᬲᬶᬤ᭄ᬟᬦ᭞ᬧᬗ᭄ᬮᬦ᭄ᬢᬸᬤ᭄ᬧᬗ᭄ᬭᬾᬫ᭄ᬩ
ᬢ᭄᭞ᬧᬜ᭄ᬭᬦ᭄ᬢᬾᬦ᭄ᬓᬬᬸᬦ᭄ᬳᬶᬤ᭄ᬟᬦᬾ᭞ᬦᬄᬗ᭄ᬕᬶᬄᬢᬶᬦ᭄ᬤᬶᬳᬂᬭᬢᬸ᭞ᬩᬸᬓᬲᬗ᭄ᬕᬸᬧ᭄ᬳᬶᬤ᭄ᬟᬦᬾᬳᬶᬩᬶ᭞ᬭᬾᬄᬢᬢᬸᬦᬸᬦ᭄ᬤᬾᬦ᭄ᬢᬶᬬᬂ᭞ᬲᬧᬸᬦᬧᬶᬤᬸᬭᬸᬲ᭄᭞ᬬᬾᬦ᭄ᬢ᭄ᬯᬭᬜᬶᬤ᭄ᬟᬬᬂᬢ᭄ᬓ᭞ᬳᬧᬂᬳᬤ᭞ᬧᬫᬍᬲ᭄ᬢᬸᬮᬶ
[᭙᭔ 94A]
ᬲ᭄ᬳᬓᬶᬓᬶᬢ᭄᭞ᬧᬂᬯᬾᬦ᭄ᬢᭂᬦ᭄ᬢᬫ᭄ᬧᬶᬦ᭄ᬢᬶᬬᬂ᭟ᬥᬂᬥᬂᬭᬢᬸᬳᬸᬢᬸᬲ᭄ᬢᬶᬢ᭄ᬬᬂᬫᬳᬶ᭞ᬫᬫᬋᬓᬦ᭄᭞ᬢᬫ᭄ᬧᬶᬤᬅ᭄ᬦᬸᬮᬓᬂ᭞ᬲᬢ᭄ᬫᬓᬳᬯᬓ᭄ᬢᬶᬬᬗᬾ᭞ᬤᬶᬦᬶᬗᬶᬭᬶᬂᬲᬢᬸᬳᬸᬓ᭄᭞ᬲᬦᬾᬯᬮᬫᬳᬯᬦ᭄ᬢᬸᬮᬶᬲ᭄᭞᭠
ᬜᬶᬮᬶᬩ᭄ᬫᬧᬋᬓ᭄ᬳᬶᬤ᭞ᬤᬅ᭄ᬜᬦ᭄ᬭᬢᬸᬩᭂᬦ᭄ᬤᬸ᭞ᬫᬶᬦᭂᬄᬢᬶᬢ᭄ᬬᬂᬲᬓᬶᬂᬮᬗ᭄ᬕ᭄ᬬ᭞ᬫᬫᬋᬓᬦ᭄᭞ᬳᬦᬓ᭄ᬫᬸᬮᬢ᭄ᬓᬬᬓ᭄ᬢᬶ᭞ᬮ᭄ᬗᭂᬂᬢ᭄ᬓᭂᬤ᭄ᬓᬚᬚᬄ᭟ᬤᬅ᭄ᬢᬾᬧᭂᬗ᭄ᬓᬸᬂᬢ᭄ᬯᬭᬫᬗᬸᬕᭀᬦᬶᬦ᭄᭞ᬳᬢᬹᬃᬧᬜ᭄ᬚᬓ᭄᭞ᬩ
ᬓ᭄ᬢᬶᬢᬦ᭄ᬓᬧᬮᬂ᭞ᬗᬸᬤᬢᬦ᭄ᬲᭂᬗ᭄ᬓᬓᬬᬸᬦᬾ᭞ᬬᬾᬦ᭄ᬩᭂᬦ᭄ᬤᬸᬓᭀᬦᬓᬕᬸᬂ᭞ᬢ᭄ᬯᬭᬧᬶᬲᬦ᭄ᬦᬸᬳᬮᬂᬳᬶᬮᬶᬂ᭞ᬳᬶᬗᭂᬢ᭄ᬫᬜ᭄ᬚᬓᬂᬢᬶᬢ᭄ᬬᬂ᭞ᬯᬶᬭᬾᬄᬳᬤᬮᬶᬬᬸ᭞ᬓ᭄ᬭᬡᬮᬚᬸᬮᬲ᭄ᬫᬗᬸᬢᬂ᭞ᬚᭀᬄ
ᬫᬢᬶᬗ᭄ᬕᬮ᭄᭞ᬜᬾᬦ᭄ᬢᬦ᭄ᬤ᭄ᬭᬸᬄᬧᬦ᭄ᬫᬸᬮᬮ᭄ᬯᬶᬄ᭞ᬲᬂᬫᬓᬘᬢ᭄ᬭᬦᬶᬂᬲᬭᬵᬢ᭄᭟᭐᭚ᬳᬶᬧᬗ᭄ᬓᬸᬃᬧ᭄ᬭᬲᬶᬤ᭄ᬟᬫᬯᬓ᭄᭞ᬫᬗ᭄ᬯᭂᬓᬲᬂᬳᬢᬹᬃᬢᬶᬢ᭄ᬬᬗᬾᬫᬳᬶ᭞ᬫᬾᬭᬢᬸᬪᬝᬵᬭᬶᬳᬕᬸᬂ᭞᭠
Kaca:Bali-lontar-gaguritan-tatuptupan-350ppi.pdf/94
Kaca puniki sampun kauji-wacén
