Kaca:Bali-lontar-gaguritan-tatuptupan-350ppi.pdf/91

Kaca puniki sampun kauji-wacén

[᭙᭐ 90B]
᭙᭐
ᬧᬯᬘᬃᬡ᭟ᬓᬤᬯᬸᬄᬭᬶᬂᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬫᬗ᭄ᬤᬢᬶᬢ᭄ᬬᬂᬫᬫᬯᭀᬲᬂ᭞ᬭᬶᬂᬳᬶᬤ᭄ᬟᬭᬓᬦ᭄ᬤᬾᬯᬵᬕᬸᬂ᭞ᬫᬶᬭᬢᬸᬢᬶᬢ᭄ᬬᬂᬦᬯ᭄ᬕᬂ᭞ᬫᬵᬢᬹᬃᬲᬶᬲᬶᬧ᭄᭞ᬲᬵᬫ᭄ᬧᬸᬦ᭄ᬭᬢᬸᬲᬮᬶᬢ᭄ᬳᬵᬃᬱ᭟ᬫᬗ᭄ᬤᬲᬵ
ᬫ᭄ᬧᬸᬦ᭄ᬭᬢᬸᬢᬶᬢ᭄ᬬᬂ᭞ᬫᬶᬦᬩ᭄ᬢᬶᬢ᭄ᬬᬂᬲᬧᬸᬦᬧᬶ᭞ᬢᬍᬃᬧᬶᬦᭂᬳᬦ᭄ᬧᬜ᭄ᬚᬗᬂ᭞ᬧᬂᬤᬓᬸᬘᬧ᭄ᬲ᭠ᬮᬄᬳᬸᬦ᭄ᬤᬸᬓ᭄᭞ᬦᬾᬦ᭄ᬢᭂᬦ᭄ᬧ᭄ᬭᬄᬲᬧᬸᬦᬶᬓ᭞ᬫᬧᬫᬵᬃᬕ᭄ᬕᬶ᭞ᬚᬤ᭄ᬫᬦᬾᬦᬾᬓᬤᬶᬢᬶᬢ᭄ᬬᬂ᭟ᬬᬦ᭄ᬲᬵ
ᬫ᭄ᬧᬸᬦ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬫᬮᬶᬄᬫᬵᬢᬹᬃᬗᬮᬸᬯᭂᬤᬶᬦ᭄᭞ᬭᬶᬂᬭᬓᬦ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬫᬦᬯᬶᬳᬾᬭᬂᬓᬧᬗ᭄ᬕᬸᬄ᭞ᬲᬧᬸᬦᬧᬶᬧᬓᬬᬸᬦᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬲᬭᬮᬾᬤᬂᬧᬓᬬᬸ᭠
ᬦᬦ᭄᭟ᬫᬸᬗ᭄ᬕ᭄ᬯᬶᬂᬧᬗᬩᬓ᭄ᬢᬶᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬫᬮᬶᬳᬶᬦ᭄᭞ᬭᬢᬸᬭᬶᬂᬘᭀᬓᭀᬃ᭠ᬳᬶᬤᬾᬯ᭄ᬯ᭞ᬲᬦᬾᬲᬸᬂᬲᬸᬂᬢᬶᬢ᭄ᬬᬂᬤ᭄ᬯᬕᬸᬂ᭞ᬦᬗᬶᬂᬭᬢᬸᬲᬶᬦᬫ᭄ᬧᬸᬭ᭞ᬢᬶᬢ᭄ᬬᬂᬫᬶᬲ᭄ᬓᬶᬦ᭄᭞ᬢᬫ᭄ᬩᭂᬢ᭄ᬓᬶᬭᬂ
[᭙᭑ 91A]
ᬧᬗᬺᬢ᭄ᬬᬦ᭄᭚᭜᭚ᬭᬢᬸᬫ᭄ᬭᬕᬵᬧᬫᬸᬧᬸᬮᬦ᭄᭞ᬯᬮᬸᬬᬩᬮᬩᬹᬃᬕᭂᬦ᭄ᬤᬶᬲ᭄᭞ᬫᬕᬸᬦᬸᬂᬳᬵᬃᬡ᭄ᬦᬯ᭄ᬯᬓᬶᬮᬂ᭞ᬫᬹᬃᬢ᭄ᬢᬶᬦᬶᬂᬭᬭᬲ᭄ᬓᬭᬲ᭄ᬫᬶᬦ᭄᭞ᬯ᭄ᬬᬓ᭄ᬢᬶᬓᬮᬶᬦ᭄ᬢᬂᬮ᭄ᬯᬶᬄ᭞ᬫᬗᬸᬦ᭄ᬳᬵᬃᬱᬦᬶᬂᬯᭀᬂ
ᬦ᭄ᬤᬸᬮᬸ᭞ᬩ᭄ᬭᬫᬶᬢ᭄ᬣᬵᬗᬚᬧᬚᬧ᭄᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬓᬧᬸᬚᬶ᭞ᬫᬓᬢᬸᬂᬢᬸᬂᬳᬸᬧᬲᬾᬭᬶᬂᬲ᭄ᬫᬭᬧᬸᬭ᭟ᬧᬗ᭄ᬕᬬᬦ᭄ᬭᬘᬸᬦ᭄ᬲᬓᬵᬮ᭞ᬜᬜᬧ᭄ᬮ᭄ᬯᬶᬃᬯ᭄ᬲᬶᬯᬭᬡᬶ᭞ᬯ᭄ᬬᬓ᭄ᬢᬶᬦ᭄ᬤᬢᬦ᭄ᬧᬲᬶᬭᬶᬗᬦ᭄
᭞ᬗᬲᭀᬭᬂᬲᬩᬢᬦ᭄ᬮᬗᬶᬢ᭄᭞ᬧᬦ᭄ᬫᬸᬮᬫᬬᬯᬕ᭄ᬫᬶ᭞ᬯᬶᬤᬕ᭄ᬟᬵᬳ᭄ᬬᬂᬲᬭᬰ᭄ᬯᬢᬶ᭞ᬢ᭄ᬯᬶᬧᬶᬢ᭄ᬦᬶᬂᬕᬶᬢᬓᬵᬭ᭞ᬧ᭄ᬭᬚ᭄ᬜᬦ᭄ᬯᬶᬘᬓ᭄ᬱᬦᬾᬂᬳᬚᬶ᭞ᬳᬦᭀᬫ᭄ᬯᬶᬯᬾᬓᬓᬯᬶ᭞
ᬓ᭄ᬢᬶᬫᬢᬦ᭄ᬤᬶᬂᬤᬗ᭄ᬲᬄ᭞ᬭᬶᬂᬳᬶᬤ᭄ᬟᬳ᭄ᬬᬂᬲᬭᬰ᭄ᬯᬢᬶ᭞ᬢ᭄ᬯᬶᬯᬶᬢ᭄ᬦᬶᬂᬕᬶᬢᬓᬵᬭ᭞ᬧ᭄ᬭᬚ᭄ᬜᬦ᭄ᬯᬶᬘᬓ᭄ᬱᬦᬾᬂᬳᬚᬶ᭞ᬳᬦᭀᬫ᭄ᬯᬶᬯᬾᬓᬓᬯᬶ᭞ᬭᬸᬫᬕᬕᬸᬭᬸᬦᬶᬂᬕᬸᬭᬸ᭞ᬚᬦᬦᬸᬭᬵᬕᬾᬂᬲᬭᬵᬢ᭄᭞ᬢ᭠