[᭘ 8B]
᭘
ᬤᬭᬢᬸ᭞ᬢᬶᬢ᭄ᬬᬂᬫᬗᬶᬭᬶᬂᬳᬶᬫᬡᬶᬓ᭄᭞ᬮᬸᬯᬲ᭄ᬳᬚᬓ᭄ᬤᬤ᭄ᬯ᭞ᬧᬋᬓᬦ᭄ᬘᭂᬦᬶᬓ᭄ᬢᬢ᭄ᬮᬸ᭞ᬗᬩᬧᬘᬦᬗᬦ᭄᭞ᬲᬳᬗᬩᬧᬶᬲᬮᬶᬦ᭄᭞ᬭᬭᬶᬲᬂᬭᬢᬸᬫᬲᬶᬭᬫ᭄᭞ᬮᬳᬸᬢ᭄ᬩᬋᬂᬫᬗᬮᬧ᭄ᬢᬸᬜ᭄ᬚᬸᬂ᭟ᬢᬸ
ᬜ᭄ᬚᬸᬂᬢᬸᬢᬸᬭᬾᬯᬶᬮᬶᬳᬶᬦ᭄ᬦᬾᬤᬶᬢ᭄ᬗᬄ᭞ᬮᬯᬾᬦ᭄ᬜᬦᬾᬫᬢᬸᬭᬸᬦ᭄᭞ᬫᬚᬫ᭄ᬩᬗᬦ᭄ᬫᬸᬭᬸ᭞ᬩ᭄᭞ᬕ᭄ᬟᬄᬫᬲᬲᭀᬘᬦ᭄ᬍᬯᬶᬄ᭞ᬫᭂᬬᬾᬄᬦᬵᬯᬕᬗ᭄ᬕ᭞ᬲᬸᬯᬶᬦᬶᬃᬫ᭄ᬫᬮᬯᬓ᭄ᬭᬸᬲ᭄᭞ᬫᬭᬶᬲᬸ᭠
ᬤ᭄ᬟᬫᬤᬄ᭞ᬢᬶᬢ᭄ᬬᬂᬳᬶᬓᬦ᭄ᬤᭂᬳᬦ᭄ᬲᬶᬄ᭞ᬢᭀᬫᬵᬯᬓᬧᬫ᭄ᬭᬬᬲ᭄ᬘᬶᬢ᭄ᬣ᭞ᬲᬸᬤ᭄ᬟᬳᬶᬂᬫᬦᬳᬾᬤᬶᬢᬸ᭟ᬧᬫᬸᬧᬸᬮᬦ᭄ᬩᬸᬗᬯᬶᬳᬶᬦ᭄ᬰᬰᬶᬄᬓᬥᬢ᭄᭞ᬲᬯᬃᬡ᭄ᬦᬤᬶᬂᬓᬮᬗᬸᬦ᭄᭞ᬭᬲᬲᬸᬜᬭᬸᬗ᭄ᬕᬸᬮ᭄᭞
ᬢ᭄ᬢᬾᬦ᭄ᬳᬶᬲ᭄ᬕᬭᬕᭂᬦ᭄ᬤᬶᬲ᭄᭞ᬕᬸᬦᬸᬂᬕᬸᬮᬤ᭄ᬭᬯ᭄ᬯ᭞ᬫᬦᬶᬲᬾᬢᭀᬂᬩᬓᬢ᭄ᬧᬶᬕᬸᬂ᭞ᬦᬧᬶᬓᬾᬦ᭄ᬢᭂᬦ᭄ᬢᬶ᭠ᬬᬂ᭞ᬧᬘᬶᬗᬶᬫ᭄ᬩᬗᬂᬫᬮᬶᬄ᭞ᬓᬫ᭄ᬮᬳᬦ᭄ᬲᬸᬩᬳᭀᬗᬵ᭞ᬓᬧᭂᬲ᭄ᬩᬢᬦ᭄ᬭᬯᬸᬲᬗ᭄ᬳᬬᬸ᭟ᬧᬸᬤᬓ᭄ᬘᬶᬦ᭄ᬤᬕ
[᭙ 9A]
ᬦᬾᬫᬶᬳᬶᬓ᭄ᬱ᭄ᬤᬶᬄᬗ᭄ᬮᬮᬬᬓ᭄᭞ᬗᭂᬦᭀᬢ᭄ᬩᬸᬗᬦᬾᬮᬬᬸ᭞ᬧᬥᬫᬦᬾᬗᬸᬦ᭄ᬢᬸᬓ᭄᭞ᬩᬳᬦᬾᬓᬲᭀᬭᬦ᭄ᬯᬗᬶ᭞ᬕᬫ᭄ᬩᬶᬭᬾᬫᬲᬄᬲᬄ᭞ᬩᬳᬦ᭄ᬳᬶᬢᬜ᭄ᬚᬸᬗᬾᬮᬫ᭄ᬧᬸᬲ᭄᭞ᬳ᭄ᬮᬲ᭄ᬗᬸᬢᬂᬳᬯᬓ᭄᭞ᬩᬸ᭠
ᬓᬳᬤᬬᬦ᭄ᬫᬢᬶ᭞ᬫᬢᬶᬦᬾᬳ᭄ᬦᬸᬓᬲᬗ᭄ᬲᬂ᭞ᬓᬲᬗ᭄ᬕᬵᬩᬦ᭄ᬤᬶᬲᬸᬂᬲᬸᬂᬕᬸᬬᬸ᭟ᬢᬸᬮᬸᬲ᭄ᬫᬢᬶᬢ᭄ᬬᬂᬤᬤᬶᬤᬳᭂᬦ᭄ᬫᬦᬄ᭞ᬤᬶᬢᬫᬦ᭄ᬲᬵᬭᬷᬲᬸᬳᬸᬂ᭞ᬕ᭄ᬦᬄᬕ᭄ᬬᬂᬭᬢᬸ᭞ᬫᬢᬶᬢ᭄ᬯᬭᬵᬤᬗᭀᬮᬲᬶᬦ᭄᭞ᬲᬦ᭄ᬢᬦ᭄ᬳᬶᬤ᭄ᬟ
ᬫᬶᬭᬄ᭞ᬲ᭄ᬯᬾᬘᬳᬶᬭᬢᬸᬫᬢᬬᬸ᭞ᬭᬸᬭᬸᬩᬶᬦ᭄ᬩᬦ᭄ᬲ᭄ᬓᬃ᭞ᬫᬢᬶᬃᬢ᭄ᬣᬳᬶᬲ᭄ᬦᬶᬂᬳᬦ᭄ᬱᬶ᭞ᬢᬸᬫ᭄ᬧᬂᬲᬮᬸᬲᬵᬗ᭄ᬕᬵᬦᬱ᭞ᬦᬧᬗ᭄ᬮᬶᬮᬸᬢ᭄ᬳᭂᬦ᭄ᬢᬶᬓᬦ᭄ᬕᬥᬸᬂ᭟ᬳᬲ᭄ᬣᬯᬩᬦ᭄ᬫᬸᬜᬶᬫᬦᬶᬲ᭄ᬕ᭄ᬭᬄᬫᬦ᭄ᬤ᭄ᬭ᭞ᬫᬕᭂᬦ᭄ᬢᬩᬮᬂᬳᬸᬫᬸᬂ᭞
ᬤᬸᬧᬤᬶᬧᬮᬸᬳᬸᬂ᭞ᬓᬲᬸᬦ᭄ᬤᬭᬦ᭄ᬕᬮᬂᬰᬰᬶᬄ᭞ᬤᬭᬾᬧᬦ᭄ᬫᬫ᭄ᬓᬃ᭞ᬫᬧᬓ᭄ᬚᬶᬲ᭄ᬧᬸᬲᬸᬄᬩᬦᬸᬂ᭞ᬲᬳᬯᬶᬚᬧ᭄ᬚᬓ᭄᭞ᬧᬸᬲᬸᬄᬫ᭄ᬦᬸᬳᬾᬫᬶᬳᬶᬓ᭄᭞ᬫᬓᭂᬫ᭄ᬩᬗᬸᬭᬧᬮᬰ᭞ᬫᬘᬡ᭄ᬟᬦᬳᬶᬫᬥᬸᬚᬸᬭᬸᬄ᭟
Kaca:Bali-lontar-gaguritan-tatuptupan-350ppi.pdf/9
Kaca puniki sampun kauji-wacén
