[᭘᭗ 87B]
᭘᭗
ᬧ᭄ᬳᬶᬤ᭄ᬟᬵᬲᬂᬳ᭄ᬬᬂᬓᬶᬗ᭄ᬓᬶᬂ᭞ᬯᬯᬸᬳᬶᬤ᭄ᬟᬫᬦᭀᬮᬶᬄ᭞ᬦᬦᭂᬂᬫᬳᬬᬸᬦᬦ᭄ᬓᬯᬸᬄ᭞ᬳᬶᬭᬢᬸᬲᬵᬫ᭄ᬧᬸᬦ᭄ᬮᬶᬦ᭄ᬢᬂ᭞ᬭᬭᬶᬲ᭄ᬳᬶᬤ᭄ᬟᬳᬸᬬᬂᬧᬮᬶᬂ᭞ᬫᬗᬮᬶᬫᬸᬄ᭞ᬳᬦ᭄ᬢᬸᬓ᭄ᬢᭂᬫ᭄ᬩᬾᬗᬓ᭄ᬱᬶᬩᬸᬮᬦ᭄᭚᭜᭚
ᬳᭂᬦᬄᬥᬗ᭄ᬟᬂᬓ᭄ᬫᬦᬾᬚᬦᬶ᭞ᬗᬶᬤᬶᬄᬳᭀᬮᬲ᭄᭞ᬬᬦ᭄ᬢ᭄ᬯᬄᬳ᭄ᬦᬸᬢᬺᬱ᭄ᬡᬵ᭞ᬓ᭄ᬫᬮ᭄ᬯᬲ᭄ᬕᬢᬶᬕᬢᬶ᭞ᬧᬋᬓ᭄ᬭᬶᬂᬳᬦᬓᬕᬸᬂ᭞ᬮᬳᬸᬢᬂᬫᬗᬩᬢᬸᬮᬶᬲ᭄᭞ᬳᬸᬦᬶᬗᬂᬲᬧᬶᬤᬵᬃᬢ᭄ᬣ᭞ᬢᬶᬗ᭄ᬓᬄᬳ᭄ᬬᬗᬾᬗ᭠
ᬤᬸᬄ᭞ᬓᬢᬶᬩᬾᬦᬦ᭄ᬲᬓᬶᬢ᭄ᬧᬦᬲ᭄᭞ᬫᬳᬩᬭ᭞ᬢᬸᬚᬸᬩ᭄ᬭᬳ᭄ᬫᬵᬩᬶᬮᬂᬲᬦ᭄ᬤᬶ᭞ᬩᬸᬓᬢᭀᬂᬫ᭄ᬭᬲᬳᬯᬓ᭄᭟ᬫᬗ᭄ᬮᬶᬫᬸᬄᬫᬳᬸᬬᭂᬗᬦ᭄ᬧᬸᬲᬶᬂ᭞ᬲᬮᬄᬧᬭ᭞ᬮᬮᬶᬬᬢᬾᬢᬸᬕ᭄ᬕᬂ᭞ᬲᬶᬂᬮ᭄ᬬ᭠
ᬢᬶᬦ᭄ᬲᬸᬳᬸᬲ᭄ᬧᬶ᭞ᬗᬸᬍᬂᬲᬯᬢ᭄ᬫᬗᬼᬗᬸᬢ᭄᭞ᬭᬲᬜᬩᬸᬓᬫᬗᬶᬧᬶ᭞ᬧᬶᬦ᭄ᬤᬜᬫᬓᬭᭀᬦᬦ᭄᭞ᬤᬶᬮᬗᬶᬢᬾᬩᬶᬭᬸ᭞ᬗᬶᬭᬶᬂᬳᬶᬤ᭄ᬟᬳᬢᬸᬅ᭄ᬤᬾᬦ᭄ᬟ᭞ᬦᬾᬲᬬᬗᬂ᭞ᬲᬂᬫᬗ᭄ᬕᬵᬤ᭄ᬬᬄᬘ᭠
[᭘᭘ 88A]
ᬦ᭄ᬤ᭄ᬭᬵᬯᬢᬶ᭞ᬫᬸᬲ᭄ᬢᬶᬓᬦᬶᬂᬫᬳᬸᬢᬫ᭟ᬤᬤᬶᬫᬯᬸᬯᬸᬄᬫᬗ᭄ᬭᭀᬗ᭄ᬲ᭄ᬬᬄᬧᬮᬶᬄ᭞ᬧᬢᬶᬕᬩᬕ᭄᭞ᬫᬗᬸᬗ᭄ᬲᬶᬧ᭄ᬤᭂᬫᬦ᭄᭞ᬕᬕᬸᬮᬶᬗᬾᬕᬶᬸᬕᬸᬮᬶᬮᬶᬗᬶᬦ᭄᭞ᬲᬶᬕ᭄ᬲᬶᬕᭂᬦ᭄ᬢᭂᬓᬫᬗᬗ᭄ᬲᬹᬃ᭞ᬫ᭄ᬭ᭠
ᬲᬢᬶᬗ᭄ᬕᬮ᭄ᬲᬗ᭄ᬳ᭄ᬬᬂᬳᬸᬭᬶᬧ᭄᭞ᬧ᭄ᬮᬸᬄᬧᬶᬤᬶᬢ᭄ᬫᬘᬧ᭄ᬘᬧ᭄᭞ᬩᬸᬍᬦ᭄ᬓᬸᬓᬸᬲ᭄ᬕᬸᬦᬸᬂ᭞ᬲᬕᬾᬢ᭄ᬳᬤᬳᬦᬓ᭄ᬢᭂᬓ᭞ᬗᬩᬢᬸᬮᬶᬲ᭄᭞ᬧᬳᬶᬘᬦ᭄ᬭᬢᬸᬫᬵᬲ᭄ᬫᬡᬶᬓ᭄᭞ᬗᬾᬩ᭄ᬭᬲᬂᬮᬸᬢ᭄ᬫᬫᬘᬵ᭟ᬲᬸᬩᬢᬸᬢᬸᬕᬂ
ᬫᬫᬘᬢᬸᬮᬶᬲ᭄᭞ᬲᬳᬶᬲᬶᬜ᭞ᬳᬭᬸᬄᬜᭀᬘᭀᬓ᭄ᬧᬶᬲᬦ᭄᭞ᬤᬤᬶᬫᬯᬸᬯᬸᬄᬲ᭠ᬓᬶᬢᬾ᭞ᬩᬶᬦ᭄ᬧᬶᬤᬦ᭄ᬢᬶᬢ᭄ᬬᬂᬭᬢᬸ᭞ᬫᬜᬶᬤ᭄ᬟᬬᬂᬧᬂᬩᬋᬂᬲᬳᬶ᭞ᬚᬦᬶᬮᬘᬹᬃᬫᬩ᭄ᬮᬲᬦ᭄᭞ᬦᭀ
ᬗᭀᬲ᭄ᬩᬶᬮᬂᬢᬗ᭄ᬕᬸ᭞ᬲ᭄ᬮᬢ᭄ᬕᬸᬦᬸᬂᬳᬮᬲ᭄ᬢᬸᬓᬤ᭄᭞ᬧᬗ᭄ᬓᬸᬂᬚᬸᬭᬂ᭞ᬕ᭄ᬫᭂᬲ᭄ᬲᬚᬲᬂᬳ᭄ᬬᬂᬯᬶᬥᬶ᭞ᬫᬲᬳᬂᬳᬦᬓ᭄ᬧᬶᬢᬺᬱ᭄ᬡᬵ᭟ᬩᬸᬓᬯᬸᬳᬶᬦ᭄ᬲᬓᬶᬢ᭄ᬳ᭄ᬬᬗᬾᬚᬦᬶ᭞ᬚ᭄ᬯᬓᬾᬦ᭄ᬓᬾᬦᬂ᭞ᬬᬤᬶᬦ᭄ᬳᬮ᭄ᬬᬂᬩᬮ᭄ᬬ᭠
Kaca:Bali-lontar-gaguritan-tatuptupan-350ppi.pdf/88
Kaca puniki sampun kauji-wacén
