[᭗᭗ 77B]
᭗᭗
ᬭᬄᬧᬭᬄ᭞ᬢᬶᬢᬄᬤᬾᬯ᭄ᬯ᭞ᬲᬯᬢ᭄ᬓᬯᬸᬄᬲᬯᬢ᭄ᬓᬗᬶᬦ᭄᭞ᬦᬸᬫᬤᬶᬫᭂᬦ᭄ᬢᭂᬓ᭄ᬫᬜᬤ᭄ᬫ᭟ᬢᭀᬫᬓ᭄ᬭᬡᬢᬶᬢ᭄ᬬᬂᬳᬶᬗᬸᬄᬧᬮᬶᬂᬲᬗᭀᬲᬯᬢ᭄᭞ᬩ᭄ᬗᭀᬂᬫᬧᬦ᭄ᬕᬦ᭄᭞ᬗᭂᬦᭂᬳᬂᬚᬢᬸᬓᬵᬃ
ᬫ᭄ᬫᬦᬾ᭞ᬳᬭᬄᬬᬾᬦ᭄ᬧᬶᬤᬦ᭄ᬭᬢᬸ᭞ᬭᬢᬸᬳᬬᬸᬩ᭄ᬯᬶᬦ᭄ᬫᬧᬗ᭄ᬕᬶᬄ᭞ᬩᬋᬂᬲᬮᬓᬸᬲᬾᬮ᭄ᬯᬦ᭄᭞ᬭᬶᬂᬪᬝᬵᬭᬶᬳᬕᬸᬕ᭄᭞ᬲ᭄ᬓᬮᬦ᭄ᬧᬸᬓᬶᬦ᭄ᬲ᭄ᬯᬃᬕ᭄ᬕᬦ᭄᭞ᬬᬦ᭄ᬲᬯᬗᬂ᭞ᬳᬶᬤᭂᬧᬾᬓᬤᬸᬂᬫᬫᭂᬲᬶᬓ᭄
᭞ᬍᬍᬄᬮᬸᬮᬸᬄᬢ᭄ᬓᬾᬦ᭄ᬳᬶᬤ᭟ᬦᬤᬓ᭄ᬲᬭᬓᬢᬸᬚᬸᬓᬧᬗ᭄ᬕᬶᬄᬤᬶᬧᬚᬮᬦ᭄᭞ᬓᭂᬲ᭄ᬬ᭠ᬩ᭄ᬫ᭄ᬭᬲᬳ᭄ᬜᬕ᭄᭞ᬢᬗ᭄ᬓᭂᬚᬸᬢ᭄ᬢᬶᬢ᭄ᬬᬂᬗᬶᬯᬲᬶᬦ᭄᭞ᬭᬸᬦ᭄ᬤᬄᬩᬬᬸᬦᬾᬗᬗ᭄ᬲᬹᬃ᭞ᬓ᭄ᬩᬸᬲ᭄ᬕ᭄ᬭᬄᬧ᭄ᬮᬸᬄᬧᬶᬤᬶᬢ᭄
ᬓᬩᬶᬮ᭄ᬩᬶᬮ᭄ᬫᬢᭀᬮᬶᬳᬦ᭄᭞ᬕ᭄ᬮᬶᬧ᭄ᬧᬢᬶᬜ᭄ᬮᬸᬕ᭄ᬜᬸᬕ᭄᭞ᬳᬢ᭄ᬫᬦᬾᬩᬸᬓᬫᬮ᭄ᬘᬢ᭄᭞ᬢᬲᬓ᭄ᬱᬡ᭞ᬩᬶᬮᬂᬳᬢᬶᬦ᭄ᬤᬓᬦᭀᬮᬶᬄ᭞ᬓᬗᭂᬦ᭄ᬦᬶᬗ᭄ᬕᬮᬶᬦ᭄ᬭᬢᬸᬫᬵᬲ᭄᭟ᬢ᭄ᬓᭂᬤ᭄ᬚᬸᬫᬄᬫᬧ᭄ᬮᬗ᭄ᬲ
[᭗᭘ 78A]
ᬭᬦ᭄ᬲ᭄ᬤᬶᬄ᭞ᬤᬶᬧ᭄ᬤᭂᬫᬦ᭄᭞ᬗᬓᭂᬩᬶᬦ᭄ᬧᭀᬢ᭄ᬭᬾᬓᬦ᭄᭞ᬯᬯᬬᬗᬦ᭄ᬭᬢᬸᬳᬸᬬᬦᬾ᭞ᬳᬭᬲ᭄ᬲᬶᬮᬸᬂᬮᬸᬂᬓᬸᬧ᭄ᬓᬸᬧ᭄᭞ᬲᬳᬸᬧ᭄ᬲᬗ᭄ᬓᬮ᭄ᬭᬸᬫ᭄ᬭᬸᬫ᭄ᬦᬲᬶᬳᬶᬦ᭄᭞ᬳᬸᬓᬸᬢ᭄ᬳᬸᬓᬸᬢ᭄ᬲᬚᬬᬂ᭞
ᬳᬸᬢᬫᬬᬂᬲᬸᬂᬲᬸᬂ᭞ᬳᬗ᭄ᬕᭀᬦ᭄ᬳᬃᬘ᭄ᬘᬓᬓ᭄ᬫᬶᬢᬦ᭄᭞ᬳᬢ᭄ᬫᬭᬵᬓ᭄ᬱ᭞ᬯᬮᬸᬬᬧ᭄ᬭᬢᬶᬫᬫᬡᬶᬓ᭄᭞ᬫᬡᬶᬓᬶᬂᬳᬚ᭄ᬜᬡᬲᬹᬓ᭄ᬱ᭄ᬫᬵ᭟ᬦᬄᬤᬸᬫᬤᬓ᭄ᬭᬢᬸᬳᬧᬂᬳᬾᬮᬶᬂ᭞ᬢ᭄ᬓᬾᬦ᭄ᬢᬶᬢ᭄ᬬᬂ᭞ᬬᬦ᭄ᬳᬓᬸᬤᬂ
ᬩᬸᬮᬦ᭄ᬩᬳᬦ᭄ᬢᬶᬢ᭄ᬬᬂᬫᬗᬸᬢᬶᬧᬶᬢ᭄᭞ᬮ᭄ᬫᬄᬮ᭄ᬫᭂᬂᬲᬳᬶᬦ᭄ᬤᬸᬳᬸᬄ᭞ᬩᬸᬓᬳᬧᬵᬳᭂᬗ᭄ᬲᬧ᭄ᬳᬯᬳᬶ᭞ᬗ᭄ᬕᬶᬄᬦᬄᬢᬸᬮᬸᬲ᭄ᬧᬜ᭄ᬚᬓᬂ᭞ᬳᬶᬧᬋᬓᬦ᭄ᬮᬸᬘᬸ᭞ᬢᬫ᭄ᬩᭂᬢ᭄ᬓᬶᬦᬸᬓ᭄ᬘᭀᬘᭀᬓ᭄ᬧᬗ᭄ᬓᬄ᭞ᬲᬵᬫ᭄ᬧᬸ
ᬭᬬᬂ᭞ᬢᬶᬢ᭄ᬬᬂᬓᬢᬸᬤᬵᬬᬦ᭄ᬓᬯᬶ᭞ᬡᬡ᭄ᬟᬲ᭄ᬫᬭᬤᬳᬡ᭄ᬦᬵ᭚ᬲᬶ᭚ᬤᬸᬄᬭᬢᬸᬲᬂ᭠ᬓᬤᬶᬩᬸᬮ᭞ᬧᬶᬋᬗᬂᬭᬢᬸᬧᬸᬦᬶᬓᬶ᭞ᬳᬢᬹᬃᬢᬶᬢ᭄ᬬᬂᬗᬾᬳᬶᬮᬭ᭞ᬓᬮᬭᬦ᭄ᬲᬤᬶᬦᬵᬲ᭄ᬤᬶᬄ᭞
Kaca:Bali-lontar-gaguritan-tatuptupan-350ppi.pdf/78
Kaca puniki sampun kauji-wacén
