[᭗᭒ 72B]
᭗᭒
ᬲᬵᬭᬷ᭞ᬲᬵᬭᬷᬦᬾᬲᬸᬫᬵᬃᬫ᭄ᬭᬶᬓ᭄ᬳᬭᬸᬫ᭄᭞ᬭᬸᬫᬕᬧᬧᬶᬗᬶᬢᬦ᭄᭞ᬧᬧᬶᬗᬶᬢᬦ᭄ᬤᬾᬯ᭄ᬯᬤᬾᬯ᭄ᬯᬶ᭞ᬤᬾᬯ᭄ᬯᬵᬦᬸᬭᬸᬦ᭄ᬦᬸᬭᬸᬦᬶᬦ᭄ᬲᬂᬓᬯᬶᬰ᭄ᬯᬭ᭟ᬰ᭄ᬯᬭᬦ᭄ᬧᬓ᭄ᬱᬶᬦᬾᬫᬩ᭄ᬭᬶᬬᬓ᭄᭞ᬫᬩ᭄ᬭᬶᬬᬓ᭄ᬫᬶᬭᬶᬩ᭄ᬫᬕᭂ᭠
ᬦ᭄ᬤᬶᬂ᭞ᬕᬶᬸᬗᭂᬦ᭄ᬤᬶᬗᬂᬲᬧᬸᬚᬵᬲ᭄ᬣᬯ᭄ᬯ᭞ᬗᬲᬺᬯᬲᬂᬫᬳᬵᬋᬱᬶ᭞ᬲᬶᬤ᭄ᬟᬲᬵᬫ᭄ᬧᬸᬦ᭄ᬫᬗ᭄ᬭᬜ᭄ᬚᬶᬂ᭞ᬗ᭄ᬭᬜ᭄ᬚᬶᬂᬭᬶᬂᬕᬶᬮᬶᬦᬾᬲᬫᬸᬦ᭄᭞ᬲᬫᬸᬦ᭄ᬲᬫᬶᬗᬮᬸᬦ᭄ᬢᬂ᭞ᬗᬮᬸᬦ᭄ᬢᬂᬗᬭᬂᬗ᭄ᬭᬯᬸᬳᬶᬦ᭄᭞ᬳᬶᬧᬸᬦ᭄ᬲᬭᬸᬳᬫᭀᬭᬶᬂᬧ᭄ᬭ᭠
ᬡᬯᬰᬹᬦ᭄ᬬ᭟ᬭᬶᬂᬰᬹᬦ᭄ᬬᬦᬾᬓᬧᬸᬧᬸᬢᬂ᭞ᬢᬢ᭄ᬯᬦ᭄ᬲᬢ᭄ᬯᬦᬾᬓᬳᬯᬶ᭞ᬳᬯᬶᬦᬦ᭄ᬲᬤᬸ᭐ᬓ᭄ᬭᬶᬂᬤᬶᬦ᭞ᬤᬶᬦᬦ᭄ᬳᬶᬧᬸᬦ᭄ᬲᬸᬓᬺᬧᬳᬶᬂ᭞ᬳᬶᬗᬦ᭄ᬧᬗ᭄ᬮᭀᬂᬧᬶᬂᬓᬮᬶᬄ᭞ᬓᬮᬶᬄᬭᬶᬂᬰᬰᬶᬄᬓᬧᬶᬢᬸ᭞ᬢᬸᬯᬶ᭠
ᬳᬸᬕᬸᬳᬸᬓᬸᬜ᭞ᬜᬓ᭄ᬳᬶᬰᬓᬲ᭄ᬬᬩᬗ᭄ᬲᬶᬢ᭄᭞ᬲᬶᬤ᭄ᬟᬦᬗ᭄ᬕᬸᬫᬢᬗ᭄ᬕᬸᬲᬾᬓᭂᬢ᭄ᬮᬮᬶᬫ᭚᭜᭚ᬚᬕ᭄ᬲᬸᬩᬳᬫᬮᬂᬢ᭄ᬗᬄ᭞ᬧᬜᬭᬶᬢ᭄ᬣᬦ᭄ᬲᬢ᭄ᬯᬦᬾᬓᬳᬯᬶ᭞ᬓ᭄ᬜᭂᬓᬦ᭄ᬲᬓᬶᬢ᭄ᬫᬗ᭄ᬩᬸᬲ᭄᭞ᬫᬮᬃᬬ᭄ᬬ
[᭗᭓ 73A]
ᬢ᭄ᬭᭀᬧᬶᬓ᭞ᬧᬶᬢᬸᬂᬤᬶᬦᬳᬦᬲᬾᬢ᭄ᬯᬭᬵᬤᬲᬸᬭᬸᬤ᭄᭞ᬓᬧ᭄ᬢᬶᬧ᭄ᬢᬂᬤᬰᬳ᭄ᬭᬢ᭄᭞ᬲᬗ᭄ᬓᬦ᭄ᬜ᭠ᬧ᭄ᬜᬧ᭄ᬳᬸᬬᬂᬧᬮᬶᬂ᭟ᬓᬧᬸᬗ᭄ᬓᬹᬃᬢ᭄ᬯᬄᬧᬫ᭄ᬭᬕᬢ᭞ᬧᬘᬂᬢᬫᬳᬮᬳᬬᬸᬦᬶᬂᬕᬢᬶ᭞ᬚᬦᬶᬦᬸᬲᬢ᭄ᬧᬸᬜᬦ᭄ᬓᬬᬸ
᭞ᬳᬶᬤᬸᬧ᭄ᬗᬶᬤᬸᬧᬂᬳᬯᬓ᭄᭞ᬲᬗ᭄ᬓᬦ᭄ᬳᬤᬳᬾᬦ᭄ᬤᬾᬧ᭄ᬳᬤᬵᬕᬸᬂᬚᬮᬸᬳᬹᬃ᭞ᬳᬤᬫᬩ᭄ᬯᬄᬳᬤ᭠ᬢ᭄ᬯᬭ᭞ᬳᬤᬲᬫᬄᬳᬤᬮᬶᬕᬶᬃ᭟ᬧᬥᬗᬶᬗᭂᬢᬶᬦ᭄ᬲᬗ᭄ᬓᬜ᭞ᬲᬗ᭄ᬓᬦ᭄ᬤᬶᬤᬢᬦ᭄ᬤ᭄ᬭᬸᬄᬢ᭄ᬓᬾᬦᬶᬂᬤᬤᬶ᭞ᬤ᭠
ᬤ᭄ᬬᬜᬫᬧ᭄ᬯᬭᬗ᭄ᬭᬸᬫᬸᬦ᭄᭞ᬫᬜᭂᬮ᭄ᬲᭂᬮ᭄ᬧᬸᬮᬓᬺᬢ᭄ᬢᬵ᭞ᬭᬾᬄᬚᬢᬶᬜᬧᬥᬫᬗ᭄ᬕᭂᬄᬓᬧᬶ᭠ᬢᬸᬤᬸᬄ᭞ᬳᬦ᭄ᬢᬸᬓ᭄ᬳᬶᬤᬲᬂᬳ᭄ᬬᬂᬦᬶᬂᬳ᭄ᬬᬂ᭞ᬢ᭄ᬯᬭᬤᬤᬤᬶᬓ᭄ᬮᬶᬤᬶᬦ᭄᭟ᬦᬾᬮᬘᬸᬭᬾᬩᬸᬓᬢᬶᬢ᭄ᬬᬂ᭞ᬲᬤ᭄ᬟᬧᭂᬧᭂ
ᬲ᭄ᬫᬦᬳᭂᬦᬶᬦ᭄ᬧᬜᬓᬶᬢ᭄᭞ᬗᬶᬂᬲᬤ᭄ᬬᬦᬾᬳᬤᬮᬶᬬᬸ᭞ᬫᬗ᭄ᬮᬧᬦᬓ᭄ᬲᭀᬫᬄ᭞ᬧᬘᬂᬦᬸᬮᬸᬂᬤᬶᬦᬸᬚᬸᬦᬾᬤᬳᬄᬤᬸᬳᬸᬄ᭞ᬲᬓ᭄ᬟᬧ᭄ᬢᭂᬓᬭᬦ᭄ᬢᬩᬦ᭄᭞ᬧᬥᬫᬬᭀᬦᬶᬦ᭄ᬗᬼᬕᬦᬶᬦ᭄᭟ᬧᬥᬲᬶᬸᬤ
Kaca:Bali-lontar-gaguritan-tatuptupan-350ppi.pdf/73
Kaca puniki sampun kauji-wacén
