[᭕᭘ 58B]
᭕᭘
ᬧᬭᬲ᭄ᬧᬭᭀᬲ᭄ᬲᬢᬢᬵ᭞ᬲᬚᬧᬢᬸᬄᬗᬫ᭄ᬦᬾᬓᬂᬢ᭄ᬓᬾᬦ᭄ᬢᬸᬳᬸᬦ᭄᭞ᬦᬾᬫᬳᬂᬓᬾᬦᬾᬓᬩᬳᬂ᭞ᬳᬫ᭄ᬩᬸᬮ᭄ᬢᭀᬩᬳᬦ᭄ᬗᬸᬧᬫᬶ᭟ᬳᬸᬧᬫᬶᬦ᭄ᬢᬶᬢ᭄ᬬᬂᬳᬶᬮᬭ᭞ᬫᬮᬭᬧᬦ᭄ᬢᬸᬫ᭄ᬩᬸᬄᬳᬶᬤᭂᬧ᭄ᬫ᭠
ᬗᬯᬶ᭞ᬗᬯᬶᬢ᭄ᬓ᭄ᬭᬡᬫ᭄ᬭᬲᬢᬸᬬᬸᬄ᭞ᬢᬸᬬᬸᬄᬢᭀᬂᬢᬳᬾᬦ᭄ᬗᬸᬤ᭄ᬬᬂ᭞ᬫᬧᬸᬢᬸᬗᬦ᭄ᬲᬓᬶᬢ᭠ᬦ᭄ᬢᭂᬓᬾᬦ᭄ᬫᬳᬶᬜ᭄ᬘᬸᬓ᭄᭞ᬫᬕᬯᬾᬦᬶᬦ᭄ᬓᬭᬳᬬ᭄ᬯᬦ᭄᭞ᬧ᭄ᬭᬤᬾᬦᬾᬫᬲᬶᬄᬢᭀᬂᬤᬤᬶ᭟ᬤᬤᬶ᭠
ᬩᬳᬦ᭄ᬧᬕᬯᬾᬦᬂ᭞ᬧ᭄ᬢᭂᬂᬮ᭄ᬫᬄᬫ᭄ᬭᬄᬫ᭄ᬭᬸᬄᬗᬲ᭄ᬢᬶᬢᬶ᭞ᬧᬕᬤᬗᬂᬓᬦ᭄ᬢᬶᬳᬬᬸᬩ᭄᭞ᬳᬸᬬᬸᬦ᭄ᬗ᭄ᬭᬲᬦᬶᬦ᭄ᬳᬯᬓ᭄᭞ᬫᬗ᭄ᬤᬾᬲᬶᬤ᭄ᬟᬦᬸᬭᬸᬢ᭄ᬓ᭄ᬭᬪᬦᬓ᭄ᬮ᭄ᬬᬸ᭞ᬦᬾᬳᬶᬦᬸᬘᬧ᭄ᬧᬧᬢᬸᬢᬦ᭄᭞ᬲᭀᬮ᭠
ᬳᬾᬜᬦ᭄ᬤᬂᬚᬮᬦᬶᬦ᭄᭟ᬓᬾᬢᭀᬬᬦ᭄ᬧᬓ᭄ᬦᭂᬄᬢ᭄ᬬᬂ᭞ᬢᬢ᭄ᬯᬶᬬᬦ᭄ᬢ᭄ᬯᬭᬫᬓᬸᬩ᭄ᬟᬩ᭄ᬯᬶᬦ᭄᭞ᬳᬗᬶᬂᬢᬸᬲᬶᬂᬳᬤᬗ᭄ᬭᬸᬗᬸ᭞ᬧᬬᬸᬚᬫᬩᬼᬓᬸᬜ᭄ᬘᬂ᭞ᬓᬸᬤ᭄ᬬᬂᬗᭂᬤᬸᬫ᭄᭞ᬗᬾᬓᭀᬓ᭄ᬧᬤᬶᬤᬶᬦᬾᬧᬢᬸᬢ᭄
[᭕᭙ 59A]
ᬲᭀᬢᬦᬶᬂᬳᬯᬓ᭄ᬓᬯᬯ᭄ᬯᬵ᭞ᬢᬓ᭄ᬓᬯᬲ᭄ᬤ᭄ᬭᬸᬯᬾᬩᬸᬤ᭄ᬟᬶ᭟ᬳᬸᬮᬸᬲ᭄ᬳᬯᬓᬾᬳᬫ᭄ᬩᬸᬮᬂ᭞ᬳᬸᬫ᭄ᬩᬂ᭠ᬳᬫ᭄ᬩᬶᬓᬾᬦᬾᬲᬦ᭄ᬓᬼᬩᬶᬄᬕᬢᬶ᭞ᬳᬸᬮᬶᬂᬫᬭᬦ᭄ᬤᬧᭂᬢ᭄ᬮᬘᬹᬃ᭞ᬓᬬᬂᬚᬦᬶᬫᬫ᭄ᬭᬢ᭄᭞ᬩᬲ᭄ᬤᬭᭀ
ᬧᭀᬦ᭄ᬕ᭄ᬫᭂᬲ᭄ᬢᬶᬢᬳᬾᬫᬦᬸᬤᬸᬄ᭞ᬦᬸᬤᬸᬳᬂᬫᬗ᭄ᬤᬓᬢᬶᬢᬄ᭞ᬤᬶᬲᬸᬩᬦᬾᬩᬸᬓᬚᬦᬶ᭟ᬚᬦᬶᬫᬭᬦᬯᬂᬳᬯᬓ᭄᭞ᬳᬯᬓ᭄ᬫᬶᬦ᭄ᬤᬲᬸᬫᬶᬗ᭄ᬓᬶᬦ᭄ᬫᬶᬫ᭄ᬩᬸᬄᬲᬓᬶᬢ᭄᭞ᬳᬸᬧᬫᬶᬬᬂᬧᬸᬜᬦ᭄ᬓᬬᬸ᭞ᬫᬭᬗᭂᬦ᭄ᬢᬶᬓᬂ
ᬘᬭᬂ᭞ᬧᭂᬲᬸᬩᬸᬗ᭄ᬳᬵᬢ᭄ᬓᬳᬗᬶᬦ᭄ᬲᬤ᭄ᬟᬮᬶᬮᬸᬲ᭄᭞ᬤᬸᬮᬸᬭᬶᬦ᭄ᬧᬦᬲᬾᬗᭂᬦ᭄ᬢᬓ᭄᭞ᬧᬸᬋᬢ᭄ᬩᬩᬃᬤᬫᬸᬄᬮ᭄ᬗᬶᬲ᭄᭟ᬲᬾᬧᬦᬦ᭄ᬫᬳᬦ᭄ᬧᬬᬸᬩᬦ᭄᭞ᬧᬦᬲ᭄ᬩᬭᬳᬾᬗ᭄ᬕᬮᬦ᭄ᬲᬸᬩᬫᬵᬢᬶ᭞ᬬᬤᬶ᭠
ᬦ᭄ᬳᬤᬲᭂᬳᬦ᭄ᬤᬬᬸᬄ᭞ᬤᭀᬂᬲᬸᬩᬫᬩᬦᬾᬳᬦ᭄᭞ᬳᬗ᭄ᬲᭂᬗᬦᬾᬦᬾᬫᬸᬮᬫᬓ᭄ᬭᬡᬮᬬᬸ᭞ᬩᬸᬗ᭄ᬓᬶᬮ᭄ᬤᬫᭂᬦ᭄ᬢ᭄ᬯᬭᬗᭂᬦᬄ᭞ᬫᬲᬶᬄᬢᬶᬗ᭄ᬕᬃᬤᭀᬦᬾᬮᬶᬕᬶᬃ᭟ᬢᬸᬲᬶᬂᬢᬳᬾᬦ᭄ᬫᬢ᭄ᬭᬳᬸᬚ᭠
Kaca:Bali-lontar-gaguritan-tatuptupan-350ppi.pdf/59
Kaca puniki sampun kauji-wacén
