[᭕᭑ 51B]
᭕᭑
ᬭᬧ᭄ᬭᬾᬦ᭄ᬢᬄᬚᬯᬶ᭟ᬢ᭄ᬯᬭᬳᬳᬶᬮᭀᬦ᭄ᬳᬦᬓ᭄ᬲᬮᬄ᭞ᬧᬶᬢ᭄ᬯᬶᬯᭀᬂᬳᬾᬓᬚᬢᬶ᭞᭠ᬚᬢᬶᬦᬶᬂᬯᭀᬂᬲᬸᬤᬺ᭞ᬮᬫᬸᬦ᭄ᬳ᭄ᬬᬢᬸᬲᬶᬂᬲᬮᬄ᭞ᬗᬸᬤ᭄ᬬᬂᬬᬢᬸᬦ᭄ᬤᬾᬦ᭄ᬗᭂᬫᬲᬶᬦ᭄᭞ᬤᭀᬂᬩᬩᬶᬦ
᭞ᬭᬯᭀᬲᬾᬕᭂᬜ᭄ᬚᬕᭂᬜ᭄ᬚᬶ᭟ᬬᬤᬶᬦ᭄ᬫᬾᬦᬓ᭄ᬮᬫᬸᬦ᭄ᬲᬸᬩᬗ᭄ᬮᬄᬲᬮᬄ᭞ᬫᬲᬶᬄᬳᬸᬭᬸᬲ᭄ᬓᭂᬜ᭄ᬘᬦᬶᬦ᭄᭞ᬬᬾᬦ᭄ᬧᬢᬸᬢ᭄ᬫᬢᬳᬦ᭄᭞ᬫᬲᬸᬓ᭄ᬓᬓᬫᬵᬃᬕ᭄ᬮᬧ᭄᭞ᬢ᭄ᬯᬭᬦᬸᬬᭀᬕ᭄ᬬᬫᬧᬶᬮᬶᬄ᭞ᬭᬾᬄ᭠
ᬗᬸᬓᬸᬫ᭄ᬲᬮᬄ᭞ᬲᬶᬂᬗᬸᬓᬸᬫ᭄ᬩᬗ᭄ᬲᬢᬶᬗ᭄ᬕᬶ᭚ᬘᬂ᭚ᬩᬲ᭄ᬓᬮ᭄ᬩᬶᬄᬲᬓᬶᬢ᭄ᬗᭂᬗ᭄ᬓᬓ᭄ᬲᬳᬶ᭞ᬫᬓ᭠ᬲᬳᬦ᭄᭞ᬗᬭᬸᬄᬳᭀᬢᭂᬂᬮ᭄ᬫᬄ᭞ᬤᬶᬫᬭᬵᬩᬚᭂᬕ᭄ᬲᬹᬃᬬᬦᬾ᭞ᬲᬸᬩᬲᬬᬦ᭄ᬫᬢᬸᬧ᭄ᬢᬸᬧ᭄᭞ᬲᬫ᭄ᬩᭂᬦ᭄ᬗᬶᬗᬸᬄᬓ᭄ᬦᭂᬄᬧ᭠
ᬮᬶᬂ᭞ᬬᬾᬦ᭄ᬳᬧᬢᭀᬫᬓ᭄ᬭᬡ᭞ᬲᬗ᭄ᬓᬦ᭄ᬓᭀᬯᬢ᭄ᬓᬮᬸ᭞ᬲᬓᬶᬢᬾᬓᬤᬸᬂᬫᬳᬸᬫᬄ᭞ᬲᬲᬦ᭄ᬲᬜ᭄ᬚ᭞ᬳᬫ᭄ᬩᬸᬮ᭄ᬳᬤᬫᬜᬸᬲᬸᬧᬶᬦ᭄᭞ᬳᭂᬳᬶᬲ᭄ᬩᬬᬸᬦᬾᬭᬸᬦ᭄ᬢᬕ᭄᭟ᬢ᭄ᬓᬢ᭄ᬯᬭᬢᬳᬾᬦ᭄ᬧ᭄ᬕᬢ᭄ᬲᬳᬶ᭞ᬓ᭄ᬩᬸ
[᭕᭒ 52A]
ᬲ᭄ᬩᬳᬂ᭞ᬳᭀᬲᬄᬫᬫᬸᬮᬗ᭄ᬲᬃ᭞ᬢᬸᬬᬸᬄᬧᬶᬲᬦ᭄ᬥᬸᬳᬸᬳᬦᬾ᭞ᬬᬾᬦ᭄ᬢᬗ᭄ᬓᭂᬓ᭄ᬤᬤᬶᬗᬗ᭄ᬲᬹᬃ᭞ᬳᬗ᭄ᬓᬶᬳᬦᬾᬳᬸᬳᬸᬲ᭄ᬓᬓᭀᬧᬶᬂ᭞ᬍᬍᬄᬳᬮᬄᬧᬦ᭄ᬤᭂᬕᬂ᭞ᬳ᭄ᬩᬄᬫᬭᬩᬗᬸᬦ᭄᭞ᬫᬭᬾᬭᬾᬦ᭄ᬦᬕᬶᬄ
ᬢᬸᬮᬸᬗᬦ᭄᭞ᬩᬶᬮᬂᬤᬗ᭄ᬓᬵ᭞ᬤᬤᬶᬮᬶᬫᬸᬄᬧ᭄ᬮᬸᬄᬧᬶᬤᬶᬢ᭄᭞ᬢ᭄ᬯᬭᬫᬫ᭄ᬧᬸᬄᬫᬚᬮᬦ᭄᭟ᬲᬬᬦ᭄ᬓᬗᭂᬦ᭄ᬫᬯᬸᬯᬸᬄᬗ᭄ᬯᬸᬯᬸᬳᬶᬦ᭄᭞ᬩᬲ᭄ᬢᬦ᭄ᬧᭀᬮᬶᬄ᭞ᬲᬦᬾᬫᬫᬜ᭄ᬚᬓᬂ᭞ᬦ᭄ᬤᬤᬫᬤᬾᬯᬾᬓ᭄ᬢᬶ
ᬢ᭄ᬬᬗᬾ᭞ᬲᬸᬩᬯ᭄ᬓᬲᬶᬂᬩᬸᬳᬸᬢ᭄᭞ᬗᬮᬶᬄᬩᬮ᭄ᬬᬦ᭄ᬲ᭄ᬮᬫ᭄ᬓᬾᬩᬵᬮᬶ᭞ᬫᬗ᭄ᬕᭂᬄᬢ᭄ᬯᬭᬜᬶᬤ᭄ᬟᬬᬂ᭞ᬲᭀᬓ᭄ᬫᬩᬳᬦ᭄ᬢᬸᬬᬸᬄ᭞ᬧᬶᬦᬄᬲᬸᬩᬓᬮ᭄ᬳᬩᬸᬮᬦ᭄᭞ᬫᬲᬶᬄᬮᬸᬯᬢ᭄᭞ᬳᬸᬩᬤᬾᬫᬓ᭄ᬚᬂ
ᬓᬮᬶᬲ᭄᭞ᬢᭀᬦ᭄ᬤᬾᬦ᭄ᬕᬸᬯᬦ᭄ᬫᬢᬗ᭄ᬕᬮ᭄᭟ᬓᬦ᭄ᬢᬶᬳᬸᬬᬂᬜᬧ᭄ᬜᬧ᭄ᬫᬗᬸᬢᬶᬧᬶᬢ᭄᭞ᬧᬢᬶᬲᬫ᭄ᬩᬢ᭄᭞ᬫᬜᬫ᭄ᬩᬢ᭄ᬪᬝᬵᬭ᭞ᬢ᭄ᬯᬭᬮᬾᬦ᭄ᬧᬗᬸᬢ᭄ᬧ᭄ᬢᬶᬦᬾ᭞ᬤᬶᬚᬤᬾᬯᬦᬾᬗᭂᬦ᭄ᬤᬸ᭞ᬤᭀᬂᬲᬵᬫ᭄ᬧᬸ
Kaca:Bali-lontar-gaguritan-tatuptupan-350ppi.pdf/52
Kaca puniki sampun kauji-wacén
