[᭓᭒ 32A]
᭓᭒
ᬘᬓᬦ᭄᭞ᬬᬸᬬᬸᬘᬄᬲᬳᬶᬂᬲᬳᬶᬂ᭟ᬗᬭᬭᬶᬲ᭄ᬫᬚᬚᬸᬗᬦ᭄᭞ᬗᬸᬗ᭄ᬲᬶᬢ᭄ᬗᬄᬳᬭᬸᬗᬦᬾᬧᬢᬶᬢᬶᬲ᭄᭞ᬳᬶᬭᬶᬓᬵᬕ᭄ᬦᬄᬳᬸᬮᬗᬸᬦ᭄᭞ᬩ᭄ᬘᬶᬓᬂ᭞ᬳᬢᬢᬶᬫ᭄ᬩᬂ᭞ᬬᬦᬶᬂᬮ᭄ᬯᬄᬩᬶᬤᬓᬾᬲᬶᬗ᭄ᬲᭂᬢᬂᬕᬸᬮᬸᬂ᭞
ᬢᬶᬢ᭄ᬬᬂᬗᬶᬭᬶᬂᬫᬩᬢᭂᬓᬦ᭄᭞ᬫᬢᭀᬕᬲ᭄ᬫᬤᬬᬸᬂᬗᬸᬦ᭄ᬢᬶᬢ᭄᭟ᬬᬦ᭄ᬯᬦᭂᬄᬫᬚᬚᬸᬓᬸᬗᬦ᭄᭞ᬦᬸᬦᬲ᭄ᬢᭂᬤᬸᬦ᭄ᬫᬗᬸᬗ᭄ᬲᬶᬬᬂᬧᬲᬶᬲᬶ᭞ᬬᬦ᭄ᬲᬵᬫ᭄ᬧᬸᬦ᭄ᬫᬭᬵᬲᬍᬲᬸ᭞ᬫᬭᬶᬓᬶᬤ᭄ᬯᬵᬕᬸᬂᬲᬬᬂ᭞ᬗᬫᬦ᭄ᬚᬸᬓᬸᬂᬢ᭄ᬓᭂ
ᬓᬂᬳᬦ᭄ᬢᬸᬓ᭄ᬫᬗ᭄ᬮᬸᬢ᭄᭞ᬤᬾᬦᬶᬂᬗᬫᬃᬕᬶᬦᬶᬦ᭄ᬩᬶᬲᬲ᭄᭞ᬘ᭄ᬮᬰ᭄ᬘᭂᬮᭀᬲ᭄ᬭᭀᬩᭂᬤ᭄ᬫᬫᬵᬃᬕ᭄ᬕᬶ᭟ᬤᬸᬄᬭᬢᬸᬫᬵᬲ᭄ᬳᬢ᭄ᬫᬚᬶᬯ᭄ᬯ᭞ᬗᬶᬂᬲᬵᬫ᭄ᬧᬸᬭᬳᬸᬲᬦᬂᬫᬜᬓᬶᬢᬶᬦ᭄᭞ᬤᬤᬶᬧᬮᬶᬂᬧᬢᬶᬳᬸᬲᬸᬤ᭄᭞ᬧ᭄ᬢᭂᬂᬮ᭄ᬫᬄᬫᬸᬮᬂᬲᬃ
᭞ᬫᬲᬲᬵᬫ᭄ᬩᬢ᭄ᬳᭂᬗ᭄ᬲᬸᬧ᭄ᬢᭂᬓᬾᬦ᭄ᬓᬗᬶᬦ᭄ᬓᬯᬸᬄ᭞ᬓᬸᬤᬩᬸᬮᬦ᭄ᬫᭂᬦ᭄ᬤᬾᬢ᭄ᬫᬢ᭄ᬣ᭞ᬩᭂᬗᬸᬮ᭄ᬓᬤ᭄ᬢᬶᬦᬦ᭄ᬤᬂᬲᭂᬤᬶᬄ᭟ᬢᬦ᭄ᬩᬶᬦᬵᬧᬶᬢ᭄ᬭᬓᬲᬲᬃ᭞ᬫᬚᬫ᭄ᬩᬗᬦ᭄ᬗᭂᬩᬸᬲ᭄ᬳᬮᬄᬢᬦ᭄ᬤᬸᬲᬶᬦ᭄᭞ᬫᬢᭂᬫ᭄ᬩᬸᬂᬤᬶᬓᬯᬄᬳᭂᬦ᭄ᬤᬸ
[᭓᭓ 33A]
ᬢ᭄᭞ᬬᬦ᭄ᬢᬦ᭄ᬤᬶᬘᬳᬶᬫᬶᬭᬄ᭞ᬫᬗᬮᬸᬓᬢ᭄ᬳᬦ᭄ᬢᬸᬓ᭄ᬲᬸᬓ᭄ᬱ᭄ᬫᬦᬶᬂᬓᬬᬸᬦ᭄᭞ᬓᬢᬲᭀᬤᬾᬤᬶᬧᬫᬺᬫᬦ᭄᭞ᬧᬸᬚᬳᬶᬦ᭄ᬩᬢᬦ᭄ᬭᬋᬗᬶᬄ᭟ᬢᬦ᭄ᬧᬕᬯᬾᬬᬗᭂᬦ᭄ᬢᭂᬦᬂ᭞ᬓᬤᬶᬲ᭄ᬓᬃᬫᬦ᭄ᬤᭂᬂᬫ᭄ᬭᬶᬓ᭄ᬲᬸ
ᬫᬶᬭᬶᬢ᭄᭞ᬬᬦ᭄ᬤᬬᬸᬯᬦ᭄ᬲᬬᬦ᭄ᬮᬬᬸ᭞ᬫᬥᬸᬦᬾᬫᬭᬭᬤᬦ᭄᭞ᬗ᭄ᬕᬶᬄᬧᬶᬘᬬᬂ᭞ᬫᬸᬂᬧᬸᬂ᭠ᬦ᭄ᬤᭂᬂᬫᬶᬳᬶᬓ᭄ᬳᬭᬸᬫ᭄᭞ᬢᬫ᭄ᬩᬸᬮᬶᬮᬶᬗᬦᬾᬗᬚᬧ᭄᭞ᬜᬤ᭄ᬬᬫᬗᬢᬸᬭᬂᬳᬸᬭᬶᬧ᭄᭟ᬩ᭄ᬘᬶᬓ᭄ᬭᬢᬸᬧᬧᬸ
ᬢ᭄ᬭᬦᬂ᭞ᬓᬳᬬᭀᬦᬾᬢᬶᬢ᭄ᬬᬂᬜᬕᭂᬃᬗᬦᬓᬶᬦ᭄᭞ᬢ᭄ᬤᬸᬦᬂᬤᬶᬚ᭄ᬭᭀᬦᬶᬂᬓᬲᬹᬃ᭞ᬬᬦᬶᬂᬗᭂᬮᭀᬂᬳᬤᬶᬦ᭞ᬗ᭄ᬕᬶᬄᬧᬶᬗ᭄ᬕᭂᬮᬂᬧᬭᬵᬤᬾᬦᬾᬦ᭄ᬢᭂᬦ᭄ᬦᬯᬹᬃ᭞ᬳᬶᬭᬶᬤ᭄ᬩᬦ᭄ᬲᭂᬗ᭄ᬓᬂᬫᬲᬸᬭᬵᬢ᭄᭞ᬚᬚ᭄ᬦᭂ
ᬗᬦ᭄ᬩᬳᬦ᭄ᬡᬶᬢᬶ᭟ᬲᬫᬮᬶᬄᬬᬦᬶᬂᬫᬫᬵᬦ᭄ᬤᬮ᭄᭟ᬭᬭᬶᬲ᭄ᬗᬱ᭄ᬝᬡᬳᬦ᭄ᬡᬸᬮᬂᬲᬸᬦ᭄ᬢᬕᬶ᭞ᬧᬤᭂᬫᬂᬤᬶᬚ᭄ᬭᭀᬦᬶᬂᬓᬲᬹᬃ᭞ᬢ᭄ᬩᭂᬓ᭄ᬩᬳᬦ᭄ᬘᬭᬶᬓ᭄᭞ᬤᬚᬗ᭄ᬓᬬᬦ᭄ᬲᭂᬧᭂᬕ᭄ᬩᬦ᭄ᬫᬶᬦ᭄ᬩᬫᬍᬘᬸᬢ᭄᭞ᬓ᭄ᬮᬾᬯᬗᬶᬦ᭄ᬭ
Kaca:Bali-lontar-gaguritan-tatuptupan-350ppi.pdf/33
Kaca puniki sampun kauji-wacén
