[᭒᭔ 24B]
᭒᭔
ᬲ᭄ᬫᬭ᭞ᬓ᭄ᬦᬵᬲᬶᬭᭀᬧᬢ᭞ᬮᬶᬦᬵᬭᬮᬭᬳᬸᬭᬶᬧᬾ᭞ᬳᬗᬾᬮ᭄ᬳᬗᬶᬥᭂᬧ᭄ᬓᬸᬂ᭞ᬮᬶᬦᬶᬮᬢᬦ᭄ᬓᬳᬦᬦ᭄ᬮᬮᬶ᭞ᬳᬸᬫᬸᬂᬧᬗᬺᬗᬶᬂᬲᬸᬫ᭄ᬩᬂ᭞ᬳᬋᬩᬢ᭄ᬲᬭ᭄ᬬᬵᬭᬸᬫ᭄᭞ᬲᬸᬫᬮᬶᬳᬗ᭄ᬮᬶᬧᬹᬃᬮᬭ᭞᭠
ᬲᬬᬦᬫ᭄ᬭᬢ᭄᭞ᬳᬫᭂᬯᭂᬳᬶᬮᬭᬦᬶᬂᬦᬶᬂ᭞ᬮ᭄ᬯᬶᬃᬧ᭄ᬚᬳᬶᬂᬧᬮᬸᬗ᭄ᬕᬸᬳᬦ᭄᭟ᬳᬕᬸᬂᬓᬧᭀᬧᬶᬤᭂ᭠ᬦ᭄ᬤᬦᬶᬂᬯᬶᬥᬶ᭞ᬢᬦ᭄ᬧᬦᬳ᭞ᬳᬯᬾᬄᬮᬭᬩᬭ᭞ᬓᭀᬂᬳᬯᬓ᭄ᬧᬭᬦ᭄ᬚᬦ᭄ᬫᬦᬾ᭞ᬳᬯᬾᬦᬶᬸ
ᬢ᭄ᬓᬭᬶᬢᬸᬫᬸᬯᬸᬄ᭞ᬳᬗᭂᬮᬓᭂᬦ᭄ᬮᬭᬓᬶᬂᬓᬶᬂ᭞ᬓᬶᬃᬤᭀᬦ᭄ᬳᬸᬭᬶᬧ᭄ᬫᬸᬳᬦ᭞ᬢ᭄ᬯᬲᬫᬗ᭄ᬕᬶᬄᬓᬾᬯᬸᬄ᭞ᬲᬶᬂᬓᬢᭀᬦᬂᬕᬢᬺᬕᬢᬺ᭞ᬳᬗ᭄ᬤᬾᬳᬸᬬᬂ᭞ᬢᬦ᭄ᬓᭂᬦᬵᬭᬶᬂᬢᬥᬄᬕᬸᬮᬶᬂ᭞ᬳᬤᬭᬂᬢᬶᬃᬢ᭄ᬣᬦᬶᬂᬤ᭄ᬭᬶ
ᬬ᭟ᬭᬢᬸᬳ᭄ᬫᬲ᭄ᬲᬂᬮ᭄ᬯᬶᬃᬳᬸᬫᬤ᭄ᬟᬯᬢᬶ᭞ᬯᬳᬸᬫ᭄ᬓᬃ᭞ᬳᬧᬲᬶᬃᬲᬵᬃᬓᬭ᭞ᬳᬕᬸᬦᬸᬂᬕᬸᬍᬫᬦᬶᬲᬾ᭞ᬳᬲᬸᬓᭂᬢᬶᬂᬲᬮᬸᬮᬸᬢ᭄᭞ᬧᬫᬸᬧᬸᬮᬦ᭄ᬲᬵᬃᬯ᭄ᬯᬦᬶᬂᬫᬦᬶ᭞ᬤᬹᬃᬕ᭄ᬕᬧᬦᬶᬦᬵᬓ᭄ᬱᬦ᭞ᬓᬶᬦ᭄ᬫᬶ
[᭒᭕ 25A]
ᬢᬦᬶᬂᬩᬸᬦᬸᬂ᭞ᬫᬺᬕ᭄ᬕᬲᬶᬗ᭄ᬕᬕᬚᬄᬯᬭᬓ᭄᭞ᬮᬾᬗᬤᬵᬃᬩ᭄ᬪ᭞ᬳᬲ᭄ᬭᬂᬧ᭄ᬭᬲᬫᬳᬗᬯᬶᬢ᭄᭞ᬫᬾᬤ᭄ᬭᬦ᭄ᬳᬦᬯᬮᬾᬂᬗᬯᬦ᭄᭟ᬤᬹᬃᬕ᭄ᬕᬦᬶᬂᬲᬕᬭᬳᬗᬶᬭᬶᬂ᭞ᬫᬶᬦᬵᬭᭀᬤ᭄ᬭ᭞ᬳᬸᬧᬬᬳᬗᬗ᭄ᬲᬃ᭞ᬮᬸᬫ᭄ᬩ
ᬮᬸᬫ᭄ᬩᬧᬗᬤᬗᬾ᭞ᬳᬲᬸᬓᭂᬢ᭄ᬦᬶᬓᬂᬗᬲ᭄ᬮᬸᬃ᭞ᬳᬸᬮᬍᬫ᭄ᬧᬾᬕᬫᬶᬱ᭄ᬬᬦᬶ᭞ᬩᬭᬵᬭᬾᬓᬲᬭᬓᬵᬢ᭄᭞ᬲᬜ᭄ᬘᬲᬦᬶᬂᬫᬺᬢ᭄ᬬᬸ᭞ᬲ᭄ᬬᬧᬯᬦᬶᬬᬦ᭄ᬫᬦ᭄ᬢᬸᬳ᭞ᬫᬭᬾᬂᬢ᭄ᬗᬄ᭞ᬳᬦᭂᬫ᭄ᬧᬮ᭄ᬭᬸᬫ᭄ᬢᬫᬵᬲ᭄ᬓ᭄ᬯᬭᬶ᭞᭠
ᬬᬦ᭄ᬢᬦ᭄ᬲᬶᬦᬬᬦᬶᬂᬤᬾᬯ᭄ᬯ᭟ᬳᬸᬤᬸᬄᬦᬫᬸᬪᬝᬵᬭᬳ᭄ᬬᬂᬯᬶᬥᬶ᭞ᬯᬶᬮᬲᬵᬦ᭞ᬫᬦᬄᬢᬮ᭄ᬯᬶᬃᬲᬺᬗ᭄ᬕᬵ᭞ᬲᬶᬤ᭄ᬟᬓᭂᬦ᭄ᬧᬫᬶᬲᬥ᭄ᬬᬦᬾ᭞ᬳᬗᬸᬗ᭄ᬲᬶᬭᬸᬫ᭄ᬦᬶᬂᬫᬥᬸ᭞ᬳᬲᬵᬫ᭄ᬪᬯᬤᬳᬢ᭄ᬓᬧᬗ᭄ᬕᬶᬄ᭞ᬬᬦ᭄ᬢᬦᬵᬦ
ᬤᬾᬦᬶᬗ᭄ᬯᬂ᭞ᬧᬲᬄᬚ᭄ᬮᬤᬶᬕᬸᬦᬸᬂ᭞ᬫ᭄ᬯᬄᬚᬸᬭᬂᬯᬦᬵᬩ᭄ᬭ᭞ᬳᬸᬧᬫᬶᬜ᭞ᬢᬦ᭄ᬲᬄᬳᬶᬗᬸᬮᬸᬦ᭄ᬳᬗᬧ᭄ᬢᬶ᭞ᬗᬸᬮᬢᬶᬭᬹᬫ᭄ᬢᬤᬾᬯ᭄ᬯᬵ᭚ᬦᬸ᭚ᬧᬸᬧᬸᬢ᭄ᬜᬸᬭᬵᬢ᭄ᬓᬓᬯ᭄ᬬᬦᬾᬧᬸᬦᬶᬓᬶ᭞ᬢᭂᬫ᭄ᬩᬂᬜᬦᬾᬥᬂ
Kaca:Bali-lontar-gaguritan-tatuptupan-350ppi.pdf/25
Kaca puniki sampun kauji-wacén
