[᭒᭐᭒ 202B]
᭒᭐᭒
ᬫᬕᬸᬲ᭄ᬢᬶ᭟ᬲᬶ᭚ᬫᬾᬭᬢᬸᬪᬝᬵᬭᬶᬦ᭄ᬢᬶᬢ᭄ᬬᬂ᭞ᬲᬂᬫᬸᬱ᭄ᬝᬶᬓᬦᬶᬂᬧᬢᬶᬢᬶᬲ᭄᭞ᬫᬳᬗ᭄ᬕᬵᬫᬺᬢ᭄ᬣᬲᬜ᭄ᬚᬶᬯ᭄ᬯ᭞ᬫᬓᬮᬶᬗ᭄ᬕᬦᬶᬂᬧᬗᬾᬱ᭄ᬝᬶ᭞ᬧᬜᭂᬦ᭄ᬤᭂᬢ᭄ᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦ᭄ᬤᬯᭂᬕᬂᬤᬾᬯᬕᬸᬂ᭞
ᬗ᭄ᬮᬸᬗ᭄ᬲᬸᬃᬕᬸᬂᬲᬶᬦᬵᬫ᭄ᬧᬸᬭ᭞ᬳᬦ᭄ᬢᬸᬓ᭄ᬧᬮᬸᬗ᭄ᬕᬸᬄᬪᬝᬵᬭᬶ᭞ᬫᬧᬳᬶᬘᬵᬲᬸᬭᬵᬢ᭄ᬧᬫᬍᬲ᭄ᬭᬶᬂ᭠ᬢᬶᬢ᭄ᬬᬂ᭟ᬤᬕᬶᬂᬋᬦ᭄ᬢᭂᬳᬶᬂᬯᬘᬦᬵ᭞ᬳᬸᬫᬸᬗ᭄ᬕ᭄ᬯᬶᬂᬲᬸᬭᬵᬢ᭄ᬧᬗᬯᬶ᭞ᬫᬦᬶᬲ᭄ᬳᬭᬸᬫ᭄ᬳᬸᬫᬵᬃᬤ᭄ᬟᬯ᭄ᬯ᭞ᬗᬮᬧ᭄ᬓᬲᭀᬃ
ᬦᬸᬤᬸᬢ᭄ᬳᬢᬶ᭞ᬦᬗᬶᬂᬫᬤᬕᬶᬂᬚᬳᬶᬮ᭄᭞ᬧᬘᬸᬅ᭄ᬗᬃᬱᬬᬂᬫᬳᬸᬭᬸᬓ᭄᭞ᬫᬾᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞᭠ᬧᬮᬶᬮᬵᬮᬾᬤᬗᬂᬳᬸᬕᬶ᭞ᬲᬵᬫ᭄ᬧᬸᬦ᭄ᬭᬢᬸᬲᬮᬶᬢ᭄ᬧᬦᬫ᭄ᬧᬭᬶᬂᬢᬶᬢ᭄ᬬᬂ᭟ᬭᬢᬸᬢᬶᬢ᭄ᬬᬂᬤᬸᬭᬸᬂᬧᬶ᭠
ᬲᬦ᭄᭞ᬢᬢᬲ᭄ᬭᬶᬂᬓᬓ᭄ᬘᬧ᭄ᬳᬚᬶ᭞ᬭᬗ᭄ᬓᬸᬂᬭᬶᬩᬸᬢ᭄ᬲᬸᬗᬶᬸᬯ᭄ᬢᬵᬧᬶᬲᬦ᭄᭞ᬫᬲᬢᬦ᭄ᬳᬸᬫᬸᬗ᭄ᬕᬸᬄᬯ᭄ᬬᬓ᭄ᬢᬶ᭞ᬭᬶᬂᬳ᭄ᬬᬸᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬢᬶᬢ᭄ᬬᬂᬚᬤ᭄ᬫᬵᬩᬸᬍᬄᬓ᭄ᬮᬸ᭞ᬤᬸᬄᬫᬳᬮ᭄ᬩᬬᬂᬧᬶᬲᬦ᭄᭞ᬢᬦ᭄ᬲᬓᬾᬂ᭠
[᭒᭐᭓ 203A]
ᬢᬶᬢ᭄ᬬᬂᬫᬓ᭄ᬮᬶᬤ᭄᭞ᬭᬢᬸᬕᬫᭂᬮ᭄ᬲᬸᬩᬓ᭄ᬢᬶᬦ᭄ᬧᬫᬦᬄᬢᬶᬢ᭄ᬬᬂ᭟ᬤᭀᬄᬧᬘᬂᬧᬸᬭᬸᬦ᭄ᬫ᭠ᬦᬸᬮᬓ᭄᭞ᬯᬘᬦᬦ᭄ᬧ᭄ᬮᬸᬗ᭄ᬕᬸᬄᬪᬵᬝᬵᬭᬶ᭞ᬯᬦ᭄ᬢᬄᬯ᭄ᬬᬓ᭄ᬢᬶᬭᬢᬸᬢᬶᬢ᭄ᬬᬂ᭞ᬳᬶᬦᬩ᭄ᬮᬗ᭄ᬖᬡᬫᬕᬸᬲ᭄ᬢᬶ᭞
ᬲ᭄ᬭᬶᬂᬦᬸᬮᬓ᭄ᬫᬶᬯᬮᬶᬦ᭄᭞ᬳᬜ᭄ᬚᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭ᭄ᬬᬵᬕᬸᬂ᭞ᬭᬢᬸᬢᬦ᭄ᬲᬓᬾᬂᬢᬶᬢ᭄ᬬᬂ᭞ᬧ᭄ᬭᬲᬗ᭄ᬖᬮᬸᬘᬸᬫᬕᬸᬲ᭄ᬢᬶ᭞ᬳᬾᬮᬶᬂᬳᬦ᭄ᬢᬸᬓ᭄ᬤᬾᬯᬾᬓ᭄ᬦᬫ᭄ᬧᭂᬓ᭄ᬓᬩᬸᬓ᭄ᬧᬥ᭟ᬧᬂ᭚ᬬᬦ᭄ᬢᬦ᭄ᬯᬶᬢ᭄ᬩᬓ᭄ᬢᬶᬲᬸᬰ᭄ᬭᬸᬲ᭞
ᬩᭀᬬᬦ᭄ᬤᬸᬕᬶᬧᬸᬭᬸᬦ᭄ᬲᬸᬓᬤᬶᬫᬗ᭄ᬓᬶᬦ᭄᭞ᬭᬾᬄᬘᭀᬓᭀᬃᬳᬶᬤᬾᬯ᭄ᬯᬤ᭄ᬯᬵᬕᬸᬂ᭞ᬭᬗ᭄ᬓᬸᬂ᭠ᬲ᭄ᬯᬾᬘᬭᬶᬂᬢᬶᬢ᭄ᬬᬂ᭞ᬫᬳᬯᬦᬦ᭄ᬢᬶᬢ᭄ᬬᬂᬢᬦ᭄ᬚᬗ᭄ᬓᬤᬾᬯ᭄ᬯᬵᬕᬸᬂ᭞ᬫᬜᬭᬾᬦ᭄ᬘᭀᬓᭀᬃᬳᬶᬤᬾᬯ᭄ᬯ᭞
ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬗᬸᬩ᭄ᬤᬫᬮᬶᬄ᭟ᬦᬗᬶᬂᬬᬦ᭄ᬲᬸᬰ᭄ᬭᬸᬲᬦ᭄ᬢᬶᬢ᭄ᬬᬂ᭞ᬲᬵᬦ᭄ᬫᬯᬸᬯᬸᬄᬗᭂᬦ᭄ᬢᬶᬓᬂᬫᬦᬄᬩᬓ᭄ᬢᬶ᭞ᬳᬶᬗ᭄ᬕᬶᬄᬭᬢᬸᬪᬝᬵᬭ᭄ᬬᬵᬕᬸᬂ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬲᬦ᭄ᬤᬾᬬ᭞ᬭᬶᬂᬧᬫᬦᬄᬢᬶᬢ᭄ᬬᬗᬾᬭ
Kaca:Bali-lontar-gaguritan-tatuptupan-350ppi.pdf/203
Kaca puniki sampun kauji-wacén
