[᭒᭐᭐ 200B]
᭒᭐᭐
ᬥᬃᬫ᭄ᬫᬦ᭄ᬪᬝᬵᬭ᭄ᬬᬵᬕᬸᬂ᭞ᬫᬸᬤᬶᬢ᭄ᬣᬭᬶᬂᬚᬦ᭄ᬫᬓᬲ᭄ᬬᬵᬰᬶᬄ᭞ᬢᬦᬺᬋᬤᬶᬂᬓᬲᬡ᭄ᬝᬦ᭄᭞᭠ᬤ᭄ᬯᬦᬶᬂᬓᬤᬶᬳᬶᬗ᭄ᬲᬸᬦ᭄᭞ᬲᬸᬩᬓ᭄ᬢᬶᬧᬫᬦᬄᬢᬶᬢ᭄ᬬᬂ᭞ᬫᬓᬮᬶᬗ᭄ᬕᬵ᭞ᬯᬦ᭄ᬢᬄᬧᬮᬸᬗ᭄ᬕᬸᬄᬪᬝᬵᬭᬶ᭞ᬲ
ᬦᬾᬳᬵᬃᬘ᭄ᬘᬡᬦ᭄ᬢᬶᬢ᭄ᬬᬂ᭟ᬲᬶ᭚ᬫᬾᬭᬢᬸᬢᬦ᭄ᬲᬓᬾᬂᬢᬶᬢ᭄ᬬᬂ᭞ᬗᬍᬫᬸᬄᬭᬾᬄᬳᬦ᭄ᬢᬸᬓ᭄ᬫᬶᬲ᭄ᬓᬶᬦ᭄᭞ᬤᬤᭀᬲ᭄ᬓᬶᬭᬂᬧᬭᬸᬧᬬᬦ᭄᭞ᬬᬦ᭄ᬭᬶᬂᬫᬦᬄᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬦᬾᬦ᭄ᬢᭂᬦ᭄ᬜᬦ᭄ᬤᬂᬫᬮᬶ
ᬳᬶᬦ᭄᭞ᬳᬧᬦ᭄ᬯᬶᬢ᭄ᬳᬤᬸᬂᬲᬢᬸᬚᬸ᭞ᬤ᭄ᬯᬦᬶᬂᬢᬦᬺᬋᬤ᭄ᬢᬶᬢ᭄ᬬᬂ᭞ᬗᬸᬢ᭄ᬧ᭄ᬢᬶᬧ᭄ᬮᬸᬗ᭄ᬕᬸᬄᬪ᭄ᬝᬭᬶ᭞ᬭ᭠ᬢᬸᬳᬦ᭄ᬢᬸᬓ᭄ᬧᬕᭂᬄᬩᬓ᭄ᬢᬶᬓᬸᬫᬳᬸᬮᬵ᭟ᬧᬕᭂᬄᬢᬦ᭄ᬓᬵᬦᬦ᭄ᬩᬭᭀᬩᬄ᭞ᬚᭂᬚᭂᬃᬮ᭄ᬯᬶᬃᬳᬯᬶᬡ᭄ᬟ᭄ᬬᬕᬶᬭᬶ
᭞ᬬᬤᬶᬦ᭄ᬲᬸᬯᬾᬭᬢᬸᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬦᬳᭂᬦ᭄ᬫᬦᬗ᭄ᬓᬶᬮ᭄᭞ᬗᬶᬂᬫᬗ᭄ᬤᬢᬸᬮᬸᬲ᭄ᬳᬸᬕᬶ᭞ᬲᬯᬾᬘᬦ᭄ᬪᬝᬵᬭᬶᬳᬕᬸᬂ᭞ᬫ᭄ᬓᬲᬶᬗᬫ᭄ᬧᬸᬭᬬᬂ᭞ᬜᬦ᭄ᬤᬂᬧᬶᬦ᭄ᬢᭂᬃᬬᬰᬳᬶᬦ᭄᭞ᬭᬢᬸᬳᬦ᭄ᬢᬸᬓ᭄ᬓᬥᬃᬫ᭄ᬫᬦ᭄ᬭᬶᬂ
[᭒᭐᭑ 201A]
ᬧ᭄ᬓᬬᬸᬦᬦ᭄᭟ᬧᬸᬦᬶᬓᬵᬭᬢᬸᬧᬕᭂᬳᬂ᭞ᬳᬗ᭄ᬕᬾᬦ᭄ᬟᬦᬭᬶᬂᬳᬶᬲ᭄ᬤᬶᬄ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬗ᭠ᬮᬮᬶᬬᬂ᭞ᬯᬶᬭᬾᬄᬧᬮᬸᬗ᭄ᬕᬸᬄᬪᬝᬵᬭᬶ᭞ᬭᬸᬫᬕᬲᬜ᭄ᬚᬶᬯᬦᬶ᭞ᬍᬯᬶᬄᬫᬳᬸᬢᬫᬦᬸᬮᬸᬲ᭄᭞
ᬗ᭄ᬭᬸᬯᬢ᭄ᬤᬸᬄᬓᬶᬢᬦ᭄ᬢᬶᬢ᭄ᬬᬂ᭞ᬯᬦ᭄ᬢᬄᬧᬮᬸᬗ᭄ᬕᬸᬄᬪᬝᬵᬭᬶ᭞ᬤ᭄ᬯᬦᬶᬂᬧᬸᬧᬸᬢ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬜᬤ᭄ᬓ᭄ᬭᭀᬱᬬᬂ᭟ᬲᬶ᭚ᬬᬦ᭄ᬢᬶᬭᬢᬸᬯᬳᬸᬢᬶᬢ᭄ᬬᬂ᭞ᬫᬶᬭᬕᬶᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬓᬓᬵᬮᬾᬃᬓ
ᬳᬸᬄᬫᬢᬶᬜ᭄ᬚᭀ᭞ᬬᬦ᭄ᬢᬓᭀᬘᬧ᭄ᬲᬋᬂᬲᬫᬶ᭞ᬳᬭᬶᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬫᬾᬭᬢᬸᬦ᭄ᬢᬶᬢ᭄ᬬᬗᬾᬭᬢᬸ᭞ᬦᬤᬓᬂᬭᬢᬸᬢᬶᬢ᭄ᬬᬂ᭞ᬓᬭᬶᬳᬫᭂᬫᬶᬂᬧᬶᬦᬓᬶᬢ᭄᭞ᬤᬸᬭᬸᬲ᭄ᬢᬶᬢ᭄ᬬᬂ᭞ᬩ᭄ᬗᭀᬂ
ᬲᬯᬢ᭄ᬫᬧᬗᭂᬦᬦ᭄᭟ᬳᬦ᭄ᬢᬸᬓ᭄ᬢᬶᬢ᭄ᬬᬂᬢᬦ᭄ᬜᬶᬤᬬᬂ᭞ᬦᬗ᭄ᬓᬶᬮᬶᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬲᬯᬶᬭᬾᬄᬭᬢᬸᬢᬦ᭄ᬲᬯᭀᬲ᭄᭞ᬫᬓᬳᭂᬱ᭄ᬝᬶᬦᬶᬂᬧᬗᬾᬱ᭄ᬝᬶ᭞ᬭᬓ᭄ᬱᬭᬸᬫᬓ᭄ᬱᬾᬂᬳᬢᬶ᭞ᬯ
Kaca:Bali-lontar-gaguritan-tatuptupan-350ppi.pdf/201
Kaca puniki sampun kauji-wacén
