[᭑᭙᭕ 195B]
᭑᭙᭕
ᬤᬸᬮᬸᬭᬦ᭄ᬲᬸᬰ᭄ᬭᬸᬲᬢ᭄ᬭᬸᬲ᭄᭞ᬭᬢᬸᬮᬾᬤᬗᬂᬧᬶᬲᬦ᭄᭞ᬤᬕᬶᬂᬧᬮᬸᬗ᭄ᬕᬸᬄᬪᬝᬵᬭᬶ᭞ᬫᬗ᭄ᬕᬵᬮᬘᬹᬃ᭞ᬫᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬋᬓᬦ᭄᭟ᬕ᭄ᬭᬢ᭄ᬓᬮᬶᬄᬓᬢᬦᭂᬳᬦ᭄᭞ᬳᬦ᭄ᬢᬸᬓ᭄ᬮᬭᬦᬶᬂᬧᬶᬦᬓᬶᬢ᭄᭞᭠
ᬫᬯᬦ᭄ᬓᬶᬭᬗᬦ᭄ᬫᬦᬄ᭞ᬢᬶᬢ᭄ᬬᬂᬚᬕᬗᬫᬦᬳᬶᬦ᭄᭞ᬲ᭄ᬯᬾᬘᬦ᭄ᬧ᭄ᬮᬸᬗ᭄ᬕᬸᬄᬪᬵᬝᬵᬭᬶ᭞ᬫᬯ᭠ᬦᬦ᭄ᬢᬶᬢ᭄ᬬᬂᬤᬾᬯ᭄ᬯᬵᬕᬸᬂ᭞ᬲ᭄ᬭᬶᬂᬩ᭄ᬗᭀᬂᬫᬫᬦᬄ᭞ᬭᬾᬄᬳᬾᬮᬶᬂᬭᬶᬂᬤᬾᬯᬾᬓ᭄ᬫᬶᬲ᭄ᬓᬶᬦ᭄᭞ᬭᬭᬶᬲ᭄ᬘᭀ
ᬓᭀᬃᬳᬶᬤᬾᬯ᭄ᬯᬫᬭᬗ᭄ᬓᬸᬂᬲ᭄ᬯᬾᬘᬵ᭟ᬲᬶ᭚ᬫᬾᬭᬢᬸᬪᬝᬵᬭᬶᬦ᭄ᬢᬶᬢ᭄ᬬᬂ᭞ᬲᬂᬫᬓᬤᬕᬶᬂᬧᬢᬶᬢᬶᬲ᭄᭞ᬭᬢᬸᬧ᭄ᬬᬵᬃᬱᬬᬂᬧᬶᬲᬦ᭄᭞ᬳᬢᬹᬃᬢᬶᬢ᭄ᬬᬂᬗᬾᬧᬸᬦᬶᬓᬶ᭞ᬫᬸᬗ᭄ᬕᬸᬄᬫᬸᬗ᭄ᬕ᭄ᬯᬶᬂᬧᬗᬯᬶ᭞ᬳᬦ᭄ᬢᬸᬓ᭄ᬧ᭄ᬮᬸ
ᬗ᭄ᬕᬸᬄᬪᬝᬵᬭ᭄ᬬᬵᬕᬸᬂ᭞ᬫᬧᬳᬶᬘᬭᬶᬂᬢᬶᬢ᭄ᬬᬂ᭞ᬩᬚᬸᬳᬸᬫᬹᬃᬲᬢᬸᬳᬮᬶᬫ᭄᭞ᬫᬤᬸᬮᬸᬭᬦ᭄ᬩᬩᬯᭀᬲ᭄ᬫᬸᬗ᭄ᬕ᭄ᬯᬶᬂᬮᬶᬓᬶᬢ᭄ᬣ᭟ᬤᬕᬶᬂᬋᬦ᭄ᬢᭂᬳᬶᬂᬯᬡᬡ᭞ᬭᬾᬄᬢᬶᬢ᭄ᬬᬂᬓᬵᬢᬹᬃᬧᬶᬦᬓᬶᬢ᭄᭞ᬫᬗ᭄ᬤᬕ᭄ᬮᬶᬲ᭄ᬧᭀ
[᭑᭙᭖ 196A]
ᬮᬶᬄᬢᬫ᭄ᬩᬵ᭞ᬲᬵᬫ᭄ᬧᬸᬦ᭄ᬓᬧ᭄ᬭᬢ᭄ᬬᬵᬓ᭄ᬱᬲᬫᬶ᭞ᬲᬤᬕᬶᬗᬶᬂᬋᬋᬧᬶ᭞ᬜᬸᬲᬸᬧ᭄ᬫᬾᬢᬾᬮ᭄ᬓᬸᬮᬸᬧᬸᬳᬸᬦ᭄᭞ᬲᬸᬓ᭄ᬱ᭄ᬫᬦ᭄ᬫᬦᬄᬢᬶᬢ᭄ᬬᬂ᭞ᬢᬦ᭄ᬲᬯᭀᬲ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬢᬸᬂᬢᬸᬂ᭠
ᬩᬸᬗ᭄ᬓᬳᬶᬂᬧᬫᬦᬄ᭟ᬓᬸ᭚ᬭᬢᬸᬧᬸᬧᬸᬢ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬜᬸᬓ᭄ᬱ᭄ᬫᬬᬂ᭠ᬧᬶᬲᬦ᭄᭞ᬲ᭄ᬯᬾᬘᬦ᭄ᬧᬮᬸᬗ᭄ᬕᬸᬄᬪᬝᬵᬭᬶ᭞ᬧᬶᬂᬲᬧ᭄ᬢᬢᬶᬢ᭄ᬬᬂᬫᬜᬤ᭄ᬫ᭟ᬫᬗ᭄ᬤᬢᬶᬢ᭄ᬬᬂᬫᬮᬶᬄ᭠
ᬓᬢᬸᬤᬸᬄᬫᬕᬸᬲ᭄ᬢᬶ᭞ᬭᬾᬄᬢᬢ᭄ᬭᬸᬲᬦ᭄ᬧᬶᬲᬦ᭄᭞ᬮᬾᬤᬂᬳ᭄ᬬᬸᬲᬦ᭄ᬧᬶᬲᬦ᭄᭞ᬮᬾᬤᬂᬳ᭄ᬬᬸᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬫᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬋᬓᬦ᭄᭟ᬕᬶ᭚ᬧᬶᬢᬸᬮᬸᬲ᭄ᬢᬸᬮᬸᬲᬂᬭᬢᬸ᭞ᬲᬶᬦᬸᬓ᭄ᬱ᭄ᬫᬲᬸᬓ᭄ᬱ᭄ᬫᬢᬸ᭠
ᬮᬸᬲᬶᬄ᭞ᬳᬗ᭄ᬕᬾᬦ᭄ᬧᬓ᭄ᬯᭂᬮ᭄ᬭᬶᬂᬳᬶᬳᬦᬓ᭄᭞ᬲᬵᬫ᭄ᬧᬸᬦᬂᬩᬲ᭄ᬫᬫᬸᬘᬶᬗᬶᬦ᭄᭞ᬳᬾᬫᬦ᭄ᬳ᭄ᬬᬦ᭄ᬢᬦ᭄ᬧᬶᬢᬸᬮᬸᬲᬦ᭄᭞ᬫᬾᬭᬢᬸᬲ᭄ᬯᬾᬘᬦᬶᬦ᭄ᬳᬸᬕᬶ᭟ᬯᬶᬭᬾᬄᬧ᭄ᬮᬸᬗ᭄ᬕᬸᬄᬪᬝᬵᬭ᭄ᬬᬵᬕᬸᬂ᭞ᬧᬗ᭄ᬕᬬᬦ᭄ᬳᬸ
Kaca:Bali-lontar-gaguritan-tatuptupan-350ppi.pdf/196
Kaca puniki sampun kauji-wacén
