[᭑᭙᭓ 193B]
᭑᭙᭓
ᬕ᭄ᬗᬦ᭄ᬓᭂᬮᬂᬓ᭄ᬭᭀᬥ᭞ᬦᬄᬮᬳᬸᬢᬂᬫᬮᬸᬗᭀᬯᬾᬮ᭄ᬳᬧᬂᬮᬶᬬᬸ᭞ᬳ᭄ᬬᬂᬤ᭄ᬫᭂᬦ᭄ᬫᬤᬶᬗᭂᬳᬂ᭞ᬲᬓ᭄ᬓᭂᬦᭂᬄᬲᬸᬩᬵᬗᬤᬶᬦᬶᬦ᭄᭟ᬧᬂ᭚ᬩᬦᬾᬲᬸᬩᬮ᭄ᬩᬶᬄᬗᬫ᭄ᬧᬓ᭄᭞ᬢᭀᬂᬫ᭄ᬤᬬᬲᬬᬦ᭄ᬩᬶᬦᬮ᭄᭠
ᬗ᭄ᬮᬩᬶᬦ᭄᭞ᬩᬄᬩᬵᬬᬫᬲᬯᬂᬩᬶᬗᬸᬂ᭞ᬩᬩᬃᬗᬸᬫ᭄ᬩᬓᬶᬦ᭄ᬩᬶᬓᬲ᭄᭞ᬫᬭᬮᬾᬗᬵᬲᬸᬫᬶᬗ᭄ᬓᬶᬦ᭄ᬲᬼᬕ᭄ᬫᬗ᭄ᬭᬸᬓ᭄ᬭᬸᬓ᭄᭞ᬳᭂᬦ᭄ᬤᭂᬧᬂᬲᬗ᭄ᬓ᭄ᬭᬸᬭᬓᬵᬭ᭞ᬢᭀᬂᬩᬶᬲᬩᬓᬮ᭄ᬫᬩᬮᬶᬄ᭟ᬳᬾᬯᬾᬃᬫᬲ᭄ᬩᭂᬂᬩ᭠
ᬚᬶᬕᬃ᭞ᬳᬭᬄᬩ᭄ᬦᭂᬂᬩᬸᬭᬸᬄᬩᬓᬢ᭄ᬢᬶᬫ᭄ᬧᬮᬶᬦ᭄᭞ᬩᬶᬮᬶᬄᬓ᭄ᬮᬶᬧᬸᬢ᭄ᬩᬾᬦ᭄ᬳᬶᬤ᭄ᬯᬵᬕᬸᬂ᭞ᬲᬾᬍᬩ᭄ᬓ᭠ᬮᬶᬲ᭄ᬜᭀᬮᬳᬂ᭞ᬮᬓᭀᬦ᭄ᬧᬘᬸᬅ᭄ᬢ᭄ᬯᬭᬓᬾᬗ᭄ᬕᬸᬄᬧᬘᬂᬕᬸᬮ᭄ᬕᬸᬮ᭄᭞ᬧ᭄ᬭᬕᬢ᭄ᬗ᭄ᬮᬸᬦᬸᬓᬢᬭᬬᬂ᭞ᬢᭀᬂ
ᬧᬶᬲᬦ᭄ᬓᬩᭂᬢ᭄ᬓᬩᬶᬮ᭄ᬩᬶᬮ᭄᭟ᬫᬭᬳ᭄ᬮᬾᬦᬶᬦ᭄ᬮᬮ᭄ᬬᬢ᭄᭞ᬲᬬᬦ᭄ᬚᬸᬫ᭄ᬩᬸᬄᬫ᭄ᬭᬲᬦᬭᬾᬓᬂᬕᬢᬶ᭞ᬢ᭄ᬓᬳᬤᬳᬫ᭄ᬩᬸᬮ᭄ᬗᬓᬸ᭞ᬓᬧᭀᬩᬦ᭄ᬢ᭄ᬬᬂᬦᬳᬦᬂ᭞ᬗᬸᬤ᭄ᬬᬂᬲᬶᬧᭀᬓ᭄ᬩ᭄ᬭᬕᬄᬢ᭄ᬯᬭᬦᬸᬳᬸᬢ᭄ᬲᬶᬓᬸᬢ᭄᭞
[᭑᭙᭔ 194A]
ᬦᬄᬤ᭄ᬧᬶᬦ᭄ᬫᬮᬸᬲᬶᬬᭂᬧᬂ᭞ᬧᬦ᭄ᬢᭂᬂᬦᬸᬳᬸᬓᬶᬦ᭄ᬓᬧ᭄ᬢᬶ᭟ᬚ᭄ᬦᬂᬢ᭄ᬯᬄᬭᬳᬢ᭄ᬓᬮᬾᬧ᭄ᬬᬦ᭄᭞ᬜᬦ᭄ᬤᬂᬘᭀᬓᭀᬃᬳᬶᬤᬾᬯ᭄ᬯᬫᬧᬸᬮᬶᬮᬶᬢ᭄᭞ᬮᬲ᭄ᬬᬢ᭄ᬯᬭᬢᬳᬾᬦ᭄ᬓᭂᬦ᭄ᬤᬸ᭞ᬲᬶᬂᬲᬸᬳᬸᬤ᭄ᬗᬸᬳᬸᬢ᭄ᬫᬸᬭᬸᬢ᭄ᬫᬸᬭᬸᬢ᭄ᬢᬂ᭞ᬲᬶᬫ᭄ᬧᬶᬭ
ᬚᬳᬓ᭄ᬢᭂᬦ᭄ᬲᬶᬭᬲᬶᬢᬦ᭄ᬤ᭄ᬭᬸᬄ᭞ᬓᬸᬭᬶᬂᬓᬦ᭄ᬢᬶᬧ᭄ᬮᬸᬢ᭄ᬩᬦ᭄ᬳᬸᬩᬤ᭄᭞ᬜᬾᬦ᭄ᬓᭀᬦᬾᬦᬤᬾᬦᬂᬳᬶᬫ᭄ᬩᬶᬄ᭟ᬫᬓᬤᬶᬢᭀᬓᬮ᭄ᬳᬫ᭄ᬩᬸᬮᬂ᭞ᬢᬸᬮᬸᬲ᭄ᬢᬸᬮᬸᬲ᭄ᬗᬸᬓᬸᬭᬂᬳᬯᬓ᭄ᬮᬦ᭄ᬢᬶᬄ᭞ᬳᬾᬤᬍᬫᬂᬲᬬᬦ᭄ᬗᬸ᭠
ᬗ᭄ᬕᬸᬮ᭄᭞ᬚᬦᬶᬚᬧ᭄ᬤᬲ᭄ᬧᬶᬲᬦ᭄᭞ᬓᬧᭀᬓᭂᬲ᭄ᬓᭂᬲ᭄ᬤᬄᬤ᭄ᬧᬶᬦ᭄ᬧᬂᬤᬤᬶᬳᬤᬸᬃ᭞ᬳ᭄ᬫᭂᬤ᭄ᬫᬜᭂᬧᭂᬮ᭄ᬩᬶᬮ᭄ᬦ᭞ᬳᬄᬮ᭄ᬯᬦ᭄ᬲᬮᬶᬂᬮᬶᬫ᭄ᬧᬤᬶᬦ᭄᭟ᬓᬤᬸᬂᬢᬸᬫᬦ᭄ᬩᬗ᭄ᬕᬫᬹᬃᬓ᭄ᬓ᭞ᬓᭂᬫ᭄ᬩᭀᬅ᭄ᬘᭀᬓᭀᬃ
ᬳᬶᬤᬾᬯ᭄ᬯᬚ᭄ᬮᬧ᭄ᬗᬶᬮᭀᬦᬶᬦ᭄᭞ᬗᬍᬫ᭄ᬳᬍᬫ᭄ᬲᬗ᭄ᬓᬅ᭄ᬫᬸᬫᬸᬓ᭄᭞ᬫᬲᭀᬓ᭄ᬢ᭄ᬭᬄᬗᬳᬾᬕᬶ᭠ᬮ᭞ᬗᬸᬫᭂᬦ᭄ᬤᭂᬮᬂᬳᬯᬓᬾᬲᬸᬩᬧᬧᬥᬸ᭞ᬫᬧᬶᬲᬤᬸᬲᬬᬂᬤᬺᬫᬦ᭄᭞ᬫᭀᬫᭀᬫᬭᬫᬳᬸᬮᬸ
Kaca:Bali-lontar-gaguritan-tatuptupan-350ppi.pdf/194
Kaca puniki sampun kauji-wacén
