[᭑᭙᭑ 191B]
᭑᭙᭑
ᬮᬸᬭᬶᬦ᭄ᬓᬳᭂᬫ᭄ᬫᬜ᭄ᬘᬸᬄ᭞ᬢᬶᬢ᭄ᬬᬂᬳᬶᬗᬸᬄᬲᬵᬫ᭄ᬧᬸᬦ᭄ᬫᬶᬭᬕᬶ᭞ᬯᬶᬢ᭄ᬦᬶᬂᬯᬶᬢ᭄ᬓᬫᬦᬸᬱᬦ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬭᬢᬸ᭞ᬦᬾᬦ᭄ᬢᭂᬦ᭄ᬓᬦ᭄ᬢᭂᬦ᭄ᬓᬦ᭄ᬢᭂᬦ᭄ᬫᬦᬄ᭞ᬗᬫᬦᬳᬂ᭞ᬧᬦᬸᬗ᭄ᬓᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬳᬦ᭄ᬢᬸᬓ᭄ᬩ᭠
ᬓ᭄ᬢᬶᬦᬾᬜᬦ᭄ᬤᬂ᭟ᬕᬶ᭟ᬲ᭄ᬫᬮᬶᬄᬪᬝᬵᬭᬶᬳᬕᬸᬂ᭞ᬤᬯᬸᬄᬧᬯᬘᬦᬵᬓᬶᬤᬶᬓ᭄᭞ᬫᬗ᭄ᬤᬢᬶᬢ᭄ᬬᬂᬫᬫᬲ᭄ᬢᬶᬓ᭞ᬧᬓᬵᬃᬤ᭄ᬟᬶᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬫᬶᬲᬵᬫ᭄ᬧᬸᬦ᭄ᬲᬶᬍᬗᭂᬤ᭄ᬧᬶᬲᬦ᭄᭞ᬢᬦ᭄ᬯᬾᬦ᭄ᬢᭂ
ᬦ᭄ᬜᬦ᭄ᬤᬂᬕᬮᬶᬳᬶᬦ᭄᭟ᬳᬭᬄᬚᬳᬶᬮ᭄ᬳᬦᬓᬕᬸᬂ᭞ᬫᬾᬭᬢᬸᬧᬶᬦᭂᬳᬶᬦ᭄ᬳᬸᬕᬶ᭞ᬬᬾᬬᬾᬦᬾᬦ᭄ᬢᭂᬦ᭄ᬧ᭄ᬭᬄᬚᬕᬢ᭄᭞ᬕᬸᬭᬸᬫᬢᬭᬾᬦ᭄ᬓᬾᬦ᭄ᬫᬸᬭᬶᬤ᭄᭞ᬧᬢᬸᬢ᭄ᬫᬸᬭᬶᬤᬾᬗ᭄ᬮᬸᬗ᭄ᬲᬸᬭᬂ᭞ᬳᬚᬄᬭᬶᬂᬲᬂ
ᬗᬫᬭᬳᬶ᭚ᬲᬶ᭚ᬲᬶᬦᭀᬫ᭄ᬳᬫ᭄ᬧᬸᬭᬬᬂᬧᬶᬲᬦ᭄᭞ᬮᬸᬘᬸᬫᬸᬗᬮ᭄ᬫᬵᬢᬹᬃᬫ᭄ᬭᬶᬓᬶ᭞ᬫᬗᬶᬬᭀᬘᭀᬓᭀᬃᬳᬶᬤᬾᬯ᭄ᬯ᭞ᬲ᭄ᬤᭂᬓ᭄ᬦᬫ᭄ᬢᭂᬫᬶᬦ᭄ᬓᬭᬰ᭄ᬫᬶᬦ᭄᭞ᬳᬓᬾᬄᬲᬵᬫ᭄ᬧᬸᬦ᭄ᬗ᭄ᬮᬾᬤᬗᬶᬦ᭄᭞
[᭑᭙᭒ 192A]
ᬢᬹᬃᬫᬤ᭄ᬯᬾᬦᬾᬮᬸᬳᬸᬂᬮᬸᬳᬸᬂ᭞ᬮᬸᬢ᭄ᬢᬶᬢ᭄ᬬᬂᬧᬓ᭄ᬱᬢᬩᬄ᭞ᬧᬗ᭄ᬓᬄᬫᬼᬤ᭄ᬜᬸᬚᬸᬄᬮᬗᬶᬢ᭄᭞ᬩᬢᭂᬓ᭄ᬳᬶᬧᬸᬦ᭄ᬓᬶᬦ᭄ᬢᬮ᭄ᬓ᭄ᬤᭂᬂᬓᬸᬮᬗᬸᬦ᭄᭟ᬲ᭄ᬯᬾᬘᬚᬘᭀᬓᭀᬃᬳᬶᬤᬾᬯ᭄ᬯ᭞ᬜᬫ᭄ᬧᬸᬮᬶᬄᬧᬋᬓ
ᬦ᭄ᬫᬶᬲ᭄ᬓᬶᬦ᭄᭞ᬢᬸᬢᬸᬢ᭄ᬢ᭄ᬯᬭᬢᬳᬾᬦ᭄ᬧᬶᬯᬮ᭄᭞ᬲᬧᬦᬶᬢᬄᬯᬦ᭄ᬢᬄᬗᬶᬭᬶᬂ᭞ᬬᬤᬶᬦ᭄ᬳᬸᬢᬸᬲ᭄ᬗᭂᬲᬾ᭠ᬗᬶᬦ᭄᭞ᬦᬾᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄ᬤᬶᬓᬬᬸᬦ᭄᭞ᬫᬲᬩᬦᬶᬮᬗ᭄ᬕᬦᬵ᭞ᬢᬦ᭄ᬫᬭᬶᬳᬢ᭄ᬯᬂᬫᬕᬸᬲ᭄ᬢᬶ᭞ᬲᬧᬦᬸᬤᬸᬄ
ᬤᬾᬦᬶᬂᬘᬸᬘᬸᬤ᭄ᬢᬸᬢᬸᬩᬤᬄ᭟ᬲᭀᬢᬦᬶᬂᬤᬾᬯᬾᬓ᭄ᬓᬯᬯ᭄ᬯ᭞ᬧᬋᬓᬦ᭄ᬓᬢᬸᬦᬦ᭄ᬓᬾᬃᬢ᭄ᬢᬶ᭞᭠ᬢ᭄ᬯᬭᬗ᭄ᬮᬄᬫ᭄ᬮᬶᬓ᭄ᬳᬯᬓ᭄᭞ᬢᬸᬮᬶᬲ᭄ᬕᬶᬤᬢᬾᬫᬗᭂᬧᬶᬮ᭄᭞ᬫᭂᬗ᭄ᬓᭂᬩ᭄ᬦᭀᬗᭀᬲ᭄ᬤᬶᬤᬸᬭᬶ᭞ᬓᬲᭂᬮᬶᬢ᭄ᬳᬶᬮᬶ
ᬤᬶᬦ᭄ᬧᬸᬓᬸᬓ᭄᭞ᬓ᭄ᬭᬡᬤᬤᬶᬢᬫ᭄ᬧᭀᬭᬵᬢ᭄᭞ᬫᬜᬗ᭄ᬓᬼᬓ᭄ᬤᬶᬩᬸᬘᬸᬫᬢᬶ᭞ᬫᬧᬦ᭄ᬮᬘᬹᬃ᭞ᬫᬲᬸᬭᬵᬢ᭄ᬰᬲ᭄ᬢ᭄ᬭᬘᬄᬘᬳᬦ᭄᭟ᬚ᭄ᬦᭂᬂᬓᬸᬭᬂᬧᬸᬮᬵᬓᬺᬢ᭄ᬣ᭞ᬢᭀᬓᬸᬤ᭄ᬬᬂᬧᬘᬂᬦᬦ᭄ᬤᬶᬗᬶᬦ᭄᭞ᬳᬦ᭠
Kaca:Bali-lontar-gaguritan-tatuptupan-350ppi.pdf/192
Kaca puniki sampun kauji-wacén
