[᭑᭘᭑ 181B]
᭑᭘᭑
ᬓ᭄ᬱ᭄ᬫᬬᬂᬧᬶᬲᬦ᭄᭞ᬤᭀᬂᬲᬵᬫ᭄ᬧᬸᬦᬂᬮᬮᬶᬭᬶᬂᬳᬶᬫᬸᬤ᭄ᬟᬧᬸᬗ᭄ᬕᬸᬂ᭞ᬳᬾᬮᬶᬗᬂᬩᬦ᭄ᬢᬲ᭄ᬦᬓᬾᬦᬂ᭞ᬳᬩᬸᬓᬸᬲᬸᬓ᭄ᬱ᭄ᬫᬕᬢᬶ᭟ᬲᬵᬓ᭄ᬱᬢ᭄ᬓᬶᬘᬾᬦ᭄ᬯᬭᬵᬫᬺᬢ᭄ᬣ᭞ᬓᬫᬦ᭄ᬤᬮᬸᬗ᭄ᬭᬸᬯᬢ᭄ᬧᬧᬵᬤᬸ
ᬲ᭄ᬓᬺᬢ᭄ᬢᬶ᭞ᬫᬶᬱ᭄ᬝᬶᬲ᭄ᬕᭂᬃᬢᬶᬢ᭄ᬬᬂᬭᬢᬸ᭞ᬬᬦ᭄ᬲᬵᬫ᭄ᬧᬸᬦ᭄ᬭᬢᬸᬳᬶᬤ᭄ᬟ᭞ᬫᬜ᭄ᬯᬾᬘᬦᬶᬦ᭄ᬩᬦ᭄ᬧᬯᬘᬡᬳᬩᬸᬓᬸ᭞ᬯᬶᬭᬾᬄᬳᬶᬤ᭄ᬟᬧᬳᬗ᭄ᬕᬬᬦ᭄᭞ᬤᭀᬓ᭄ᬢᭂᬃᬲᬶᬓᭂᬢ᭄ᬲᬶᬤ᭄ᬟᬶᬫᬦ᭄ᬤᬶ᭟᭐
᭚ᬥᬂᬥᬂᬳᬭᬸᬄᬩᬲ᭄ᬗᬮᬫ᭄ᬳᬮᬫᬶᬦ᭄᭞ᬭᬢᬸᬳᬶᬤ᭄ᬟ᭞ᬜᬫ᭄ᬩᭀᬅ᭄ᬧᬶᬲᬦ᭄ᬢᬶᬢ᭄ᬬᬂ᭞ᬫᬭᬶᬕ᭄ᬬᬂᬯᬘᬦᬦᬾ᭞ᬳᬄᬳᬶᬗᬸᬄᬢᬶᬢ᭄ᬬᬂᬤ᭄ᬯᬵᬕᬸᬂ᭞ᬗ᭄ᬕᬶᬄᬓᬾᬫᬮᬶᬄᬤ᭄ᬯᬵᬕᬸᬂᬫᬗᬯᬶ᭞ᬫᬗ᭄ᬤᬦᬭ
ᬲᬄᬧᬶᬲᬦ᭄᭞ᬫᬧᬦ᭄ᬤᬸᬭᬸᬂᬧᬸᬧᬸᬢ᭄᭞ᬧᬯᬘᬦᬦᬾᬭᬶᬂᬢᬶᬢ᭄ᬬᬂ᭞ᬳᬶᬓᬮᬭᬦ᭄᭞ᬬᬦ᭄ᬳᬸᬧᬫᬶᬢᬫ᭄ᬩᬦ᭄ᬲᬓᬶᬢ᭄᭞ᬭᬸᬫᬱᬕ᭄ᬲᬶᬤ᭄ᬟᬰ᭄ᬭᬡ᭟ᬭᬾᬄᬧᬦᬓᬶᬢ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬮᬫᬶ᭞᭠
[᭑᭘᭒ 182A]
ᬬᬦ᭄ᬢᬦ᭄ᬳᬲ᭄ᬢ᭄ᬭᬾᬦ᭄᭞ᬢᬸᬢᬫᬧᬶᬘᬬᬂ᭞ᬤᬶᬓᬧᬦ᭄ᬧᬘᬂᬭᬸᬯᬢᬾ᭞ᬲᬯᬶᬭᬾᬄᬢᬫ᭄ᬩᬦ᭄ᬢᬸᬚᬸ᭞ᬫᬸᬮᬦᬸᬚᬸᬯᬘᬡᬫᬦᬶᬲ᭄᭞ᬫᬧᬦ᭄ᬧᬮᬶᬂᬯᬓ᭄ᬩᬚᬺ᭞ᬧᬸᬦᬄᬫᬦᬄᬳᬶᬗᬸᬄ᭞ᬧ
ᬦ᭄ᬚᬕᬶᬓ᭄ᬫᭂᬢᬂᬢᬶᬢ᭄ᬬᬂ᭞ᬚ᭄ᬭᭀᬦᬶᬂᬫᬦᬄ᭞ᬲᬢ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬓᬾᬮᬶᬂ᭞ᬘᬶᬳ᭄ᬦᬦ᭄ᬤ᭄ᬯᬵᬕᬸ᭠ᬗᬾᬲ᭄ᬯᬾᬘ᭟ᬗᬳᬸᬮᬬᬂᬢᬶᬢ᭄ᬬᬂᬳᬶᬓᬲ᭄ᬬᬲᬶᬄ᭞ᬓᬤᬸᬄᬓᬶᬢᬦ᭄᭞ᬧᬸᬦᬶᬓᬫᬯᬦᬦ᭄ᬢᬶ᭠
ᬢ᭄ᬬᬂᬫᬓᬤᬶᬮᬸᬘᬸᬦᬾ᭞ᬗᬶᬬᭀᬪᬝᬵᬭᬶᬳᬕᬸᬂ᭞ᬧᬓ᭄ᬓᬳᬯᬢ᭄ᬫᬦᬄᬲᬸᬩᬓ᭄ᬢᬶ᭞ᬲᬓᬾᬯᬦ᭄ᬢᭂᬦ᭄ᬮᬾᬤᬗᬂ᭞ᬦᬯᬶᬯᬾᬦ᭄ᬢᭂᬦ᭄ᬭᬢᬸ᭞ᬲᬶᬲᬶᬧ᭄ᬳᬢᬹᬃᬳᬶᬲᬗ᭄ᬲᬭ᭞ᬲ᭄ᬯᬾᬘᬳᬶᬤ᭄ᬟ᭞ᬗᬫ᭄ᬧᬸᬭᬢᬶ
ᬢ᭄ᬬᬂᬳᬶᬫᬶᬲ᭄ᬓᬶᬦ᭄᭞ᬲᬳᬶᬱ᭄ᬡᬸᬚ᭄ᬭᭀᬦᬶᬂᬋᬤ᭄ᬟ᭟᭐᭚ᬫᬲ᭄ᬓᬸᬫᬫ᭄ᬩᬂᬓᬳᬢᬹᬃᬭᬢᬸ᭠ᬧᬸᬦᬶᬓᬶ᭞ᬲᬵᬓ᭄ᬱᬢ᭄ᬭᬢᬸᬢᬶᬢ᭄ᬬᬂ᭞ᬜᬶᬮᬶᬩ᭄ᬫᬫᬋᬓ᭄ᬫᬭᬶᬓᬶ᭞ᬜᬸᬲᬸᬧ᭄ᬫᬤᬾᬯᬾᬓ᭄ᬮᬶᬓᬶᬢ᭄ᬣ᭟ᬲ
Kaca:Bali-lontar-gaguritan-tatuptupan-350ppi.pdf/182
Kaca puniki sampun kauji-wacén
