[᭑᭗᭗ 177B]
᭑᭗᭗
ᬭᬬᬂᬧᬶᬲᬦ᭄᭞ᬫᬯᬶᬦᬦ᭄ᬢᬶᬢ᭄ᬬᬂᬦᬾᬳᬶᬩᬶ᭞ᬢᬦ᭄ᬯᬾᬦ᭄ᬢᭂᬦ᭄ᬤᬸᬭᬸᬲ᭄ᬫᬗᭂᬦᬄ᭞ᬳᬦ᭄ᬢᬸᬓᬾᬩᬲ᭄ᬲᬩᭂᬄᬳᬗᬶᬦ᭄᭟ᬩᭀᬬᬲᬓᬾᬂᬢᬶᬢ᭄ᬬᬂᬤ᭄ᬯᬵᬕᬸᬂ᭞ᬧᬸᬭᬸᬦ᭄ᬧᬘᬂᬫᬸᬗ᭄ᬓᬶᬃᬚᬜ᭄ᬚᬶ᭞ᬫᬯᬦ᭠
ᬦ᭄ᬢᬶᬢ᭄ᬬᬂᬜᬭᬢᬂ᭞ᬲᬦᬾᬳᬶᬦᬸᬦᬶᬫᬦᬗ᭄ᬓᬶᬮ᭄᭞ᬧᬂᬦᬾᬦᭂᬦ᭄ᬓᬩᬯᭀᬲ᭄ᬮᭀᬫ᭄ᬧᬂ᭞ᬳᬸᬓᬸᬄᬢᬶᬢ᭄ᬬᬂᬗ᭄ᬮᬸᬗ᭄ᬲᬹᬃᬲᬶᬲᬶᬧ᭄᭟ᬫᬳᬯᬶᬦᬦ᭄ᬢᬶᬢ᭄ᬬᬂᬳᬸᬭᬸᬂ᭞ᬫᬵᬢᬹᬃᬭᬾᬄᬢ᭄ᬩᭂᬫᬦᬗ᭄ᬓᬶᬮ᭄᭞᭠
ᬘᭂᬦ᭄ᬤᭂᬢ᭄ᬫᬸᬧᬸᬢᬂᬭᬶᬂᬫᬦᬄ᭞ᬤ᭄ᬯᬦᬶᬂᬦᭀᬕᬲᬂᬫᬧᬫᬶᬢ᭄᭞ᬫᬾᬭᬢᬸᬮᬾᬤᬗᬂᬧᬶᬲᬦ᭄᭞ᬲᬵᬫ᭄ᬧᬸᬦᬂᬲᬮᬶᬢ᭄ᬧᬦᬫ᭄ᬧᬶ᭟ᬲᬳᬶᬱ᭄ᬡᬸᬪᬝᬵᬭᬶᬳᬕᬸᬂ᭞ᬮᬸᬫᬦᬵᬬᬂᬭᬶᬂᬋᬤ᭄ᬟᬶ᭞ᬬᬦ᭄ᬢᬦ᭄ᬓ᭠
ᬯᬦᬭᬵᬓᬸᬱ᭞ᬩᭀᬬᬢᬶᬢ᭄ᬬᬂᬕ᭄ᬮᬶᬲ᭄ᬫ᭄ᬭᬶᬓᬶ᭞ᬦᬾᬫᬮᬶᬄᬓᬸᬢᬸᬲ᭄ᬭᬳᬶᬦᬵ᭞ᬢᬶᬢ᭄ᬬᬂᬭᬯᬸᬄᬧᬘᬂᬦᬗ᭄ᬓᬶᬮ᭄᭟ᬲᬶ᭚ᬫᬾᬭᬢᬸᬪᬝᬵᬭᬶᬲᬬᬂ᭞ᬲᬬᬗᬦ᭄ᬢᭂᬓᬾᬦᬶᬂᬳᬸᬭᬶᬧ᭄᭞ᬢ᭠
[᭑᭗᭘ 178A]
ᬦ᭄ᬫᬭᬶᬘᭀᬓᭀᬃᬳᬶᬤᬾᬯ᭄ᬯ᭞ᬳᬸᬧ᭄ᬢᬶᬬᬂᬢᬶᬢ᭄ᬬᬂᬲᬳᬶ᭞ᬫᬓᬭᬸᬫᬓ᭄ᬱᬾᬂᬳᬢᬶ᭞ᬦᬗᬶᬂᬳᬶᬤ᭄ᬟᬳᬦᬓᬕᬸᬂ᭞ᬳᬶᬦᬩ᭄ᬓᬤᬶᬓᬮᬾᬧ᭄ᬬᬦ᭄᭞ᬭᬶᬂᬢᬶᬢ᭄ᬬᬂᬳᬶᬓᬯ᭄ᬮᬲᬰᬶᬄ᭞ᬜᬦ᭄ᬤᬂᬤ᭄ᬯᬵᬕᬸᬂ᭞ᬮ᭠
ᬮᬶᬫᬧᬋᬓᬦ᭄ᬢᬶᬢ᭄ᬬᬂ᭟ᬗ᭄ᬕᬶᬄᬩᬗ᭄ᬕᬬᬂᬭᬢᬸᬢᬶᬢ᭄ᬬᬂ᭞ᬲᬸᬰ᭄ᬭᬸᬲᬩᬓ᭄ᬢᬶᬧᬤᬶᬤᬶ᭞ᬦ᭄ᬳᭂᬭᬂᬫᬦᬄᬲᬸᬰ᭄ᬭᬸᬲ᭞ᬯᬶᬭᬾᬄᬓᬢᬸᬤᬸᬄᬫᬕᬸᬲ᭄ᬢᬶ᭞ᬲᬫᬮᬶᬄᬢᬶᬢ᭄ᬬᬂᬓᬭᬶ᭞ᬓᬩᬸᬓ᭄ᬧᬤ᭄ᬟᬭᬢᬸᬤ᭄ᬯᬵᬕᬸᬂ᭞
ᬫᬯᬶᬦᬦ᭄ᬢᬦ᭄ᬓᬶᬲ᭄ᬮᬦ᭄᭞ᬫᬦᬄᬢᬶᬢ᭄ᬬᬗᬾᬳᬲ᭄ᬢᬶᬢᬶ᭞ᬬᬤᬶᬦ᭄ᬘᭀᬓᭀᬃᬳᬶᬤᬾᬯ᭄ᬯᬲᬵ᭠ᬫ᭄ᬧᬸᬦ᭄ᬓᬮᬾᬧ᭄ᬬᬦ᭄᭟ᬩᭀᬬᬲᬄᬲᬸᬩᬓ᭄ᬢᬶᬦ᭄ᬢᬶᬢ᭄ᬬᬂ᭞ᬭᬾᬄᬲᬵᬫ᭄ᬧᬸᬦ᭄ᬓᬫᬦᬄᬯ᭄ᬬᬓ᭄ᬢᬶ᭞ᬫᬳ
ᬯᬦᬦ᭄ᬭᬢᬸᬳᬶᬤ᭄ᬟ᭞ᬦᬾᬦ᭄ᬢᭂᬦ᭄ᬓᬭᬶᬳᬮᬂᬮᬾᬮᬶᬂ᭞ᬳᬦ᭄ᬢᬸᬓ᭄ᬳᬶᬤ᭄ᬟᬵᬦᬾᬫᬗ᭄ᬓᬶᬦ᭄᭞ᬳᬓᬾᬄᬫᬤ᭄ᬯᬾᬳᬸᬫᬹᬃᬲᬢᬸ᭞ᬓᬮᬶᬧᬸᬢ᭄ᬩᬦ᭄ᬓᬸᬫᭂᬦ᭄ᬤᬫ᭄᭞ᬢ᭄ᬭᬂᬳᬦ᭄ᬢᬸᬓ᭄ᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬳᬧᬦ᭄ᬓᬤᬸᬂᬘᭀᬓᭀᬃ
Kaca:Bali-lontar-gaguritan-tatuptupan-350ppi.pdf/178
Kaca puniki sampun kauji-wacén
