[᭑᭕᭘ 158B]
᭑᭖᭘
ᬢᬗᬶᬫᬗ᭄ᬮᬶᬫᬸᬄ᭞ᬲᬸᬗ᭄ᬓᬦ᭄ᬢᬸᬚᬸᬦᬾᬗᭂᬦ᭄ᬢᬄ᭞ᬫᬸᬮᬦᬶᬸᬢᬸᬚᬸᬧᬗᭂᬦ᭄ᬢᬄᬳᬶᬧᬸᬦᬾᬦᬸᬚᬸ᭞ᬧ᭄ᬭᬫᬡᬦᬾᬗᭂᬳᭂᬲ᭄ᬭᬸᬦ᭄ᬢᬕ᭄᭞ᬳᬯᬦᬦ᭄ᬗᬺᬧ᭄ᬓᬦ᭄ᬢᭀᬲ᭄ᬫᬗ᭄ᬓᬶᬦ᭄᭟ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬭᬯᬸᬄᬲᬸᬭᬵᬢ᭄᭞᭠
ᬳᬢᬹᬃᬘᭀᬓᭀᬃᬳᬶᬤᬾᬯ᭄ᬯᬫᬗᬯᬶᬢᬶᬦ᭄᭞ᬓᬾᬗᬶᬦ᭄ᬫᬕᬾᬩ᭄ᬭᬲ᭄ᬫᬳᬸᬗᬸ᭞ᬗ᭄ᬭᬭᬶᬲ᭄ᬗ᭄ᬭᬯᬸᬳᬶᬦ᭄ᬢᬶᬢ᭄ᬬᬂ᭞ᬦᬦᭂᬂᬦᬦᭂᬂᬭᬶᬂᬧᬺᬫᬦ᭄ᬫᬗᬸᬫᬗᬸ᭞ᬲᬸᬯᬾᬦᬾᬦ᭄ᬢᭂᬦ᭄ᬫᬯᬘᬦᬵ᭞ᬓᬤᬶᬳᬸᬬᬸᬧ᭄ᬧᬭᬫ
ᬗ᭄ᬓᬶᬦ᭄᭟ᬫᬾᬭᬢᬸᬢᬸᬮᬸᬲᬂᬧᬶᬲᬦ᭄᭞ᬳᬸᬲᬤ᭄ᬟᬳᬶᬦ᭄ᬢᬶᬯᬓᬶᬦ᭄ᬓ᭄ᬮᬶᬫᭀᬲᬤ᭄ᬟᬶ᭞ᬩᬶᬮᬶᬄᬜᬓ᭄ᬫᬗ᭄ᬭᬭᬶᬲ᭄ᬤᬬᬸᬄ᭞ᬓᬳᭂᬫᬾᬩᬗᭂᬢ᭄ᬗᬸᬬᬂ᭞ᬬᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂᬪᬝᬵᬭ᭄ᬬᬵᬕᬸᬂ᭞ᬫᬦᬯᬶᬗᭂ
ᬜ᭄ᬘᬄᬓᬢ᭄ᬗᬄ᭞ᬫᬦᬤᭀᬲ᭄ᬓ᭄ᬮᬫ᭄ᬧᭂᬢ᭄ᬕᬸᬫᬶᬕᬶᬮ᭄᭟ᬧᬂ᭚ᬫᬶᬭᬢᬸᬦ᭄ᬢᬶᬢ᭄ᬬᬗᬾᬲ᭠ᬬᬂ᭞ᬤᬸᬄᬳᬫ᭄ᬧᬸᬭᬳᬢᬹᬃᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬭᬢᬸᬲᬂᬓᬢ᭄ᬯᬗᬶᬂᬭᬸᬫ᭄ᬭᬸᬫ᭄᭞ᬤ᭄ᬯᬳᬭᬶᬚᬶᬯ᭄ᬯᬦᬶ
[᭑᭕᭙ 159A]
ᬗ᭄ᬕ᭄ᬯᬂ᭞ᬳᬫ᭄ᬧᬸᬭᬦᭂᬦ᭄ᬓᬳᬸᬮᬵᬲᬶᬗ᭄ᬕᬶᬄᬫᬵᬲ᭄ᬓ᭄ᬯᬶᬩᬸ᭞ᬲᬗ᭄ᬕᬦᭂᬦ᭄ᬳᬢᬹᬃᬓᬳᬸᬮᬵ᭞ᬳᬸᬭᬶᬧᭂᬦ᭄ᬓᬳᬸᬮᬵᬲᬶᬗ᭄ᬕᬶᬄ᭟ᬢᬦ᭄ᬓᬯᬲᬳᬶᬗ᭄ᬲᬸᬦ᭄ᬤᬾᬯ᭄ᬯ᭞ᬗᬸᬤᭂᬧ᭄ᬫᬦᬄᬳᬾᬤᬦ᭄ᬓᬯᬸᬮᬯ᭄ᬬᬓ᭄ᬢᬶ᭞ᬬᬦ᭄ᬢᬦ᭄ᬢᬸᬮᬸᬲ᭄ᬲᬶᬄ
ᬲᬗᬭᬸᬫ᭄᭞ᬜ᭄ᬚᬫ᭄ᬧ᭄ᬬᬦᬶᬮᬭᬦᬶᬗ᭄ᬯᬂ᭞ᬢᬦᬸᬦ᭄ᬧ᭄ᬚᬄᬳᬦᬦ᭄ᬤᬂᬢᬸᬭᬶᬤ᭄ᬟᬮᬸᬮᬸᬢ᭄᭞ᬤᬸᬄᬤᬾᬯ᭄ᬯᬧᬦ᭄ᬤᬦᬶᬗ᭄ᬯᬂ᭞ᬕᬸᬂᬳᬫᬶᬦ᭄ᬢᬲᬜ᭄ᬚᬶᬯᬦᬶ᭟ᬧᬂ᭚ᬦ᭄ᬤᬤᬓ᭄ᬳᬤ᭄ᬟᬢ᭄ᬓᬲᬸᬭᬵᬢ᭄᭞ᬫᬸᬜᬶᬫ
ᬦᬶᬲᬼᬍᬄᬗᭂᬜᬕᬂᬳᬢᬶ᭞ᬤᬶᬓᬾᬢᭀᬦᬾᬫ᭄ᬭᬲᬮᬸᬮᬸᬳ᭄᭞ᬳᬸᬬᬂᬩᬦ᭄ᬫᬃᬡ᭄ᬦᬲᬯᬢ᭄᭞ᬗᬺᬢ᭄ᬫᬦᬄᬬᬾᬦ᭄ᬳᬸᬮᬶᬂᬳᬶᬧᬶᬤᬦ᭄ᬲᬵᬫ᭄ᬧᬸᬦ᭄᭞ᬓᬸᬤᬩᬦ᭄ᬢ᭄ᬬᬂᬦᬸᬗ᭄ᬓᬲᬂ᭞ᬧᬂᬲᬵᬫ᭄ᬧᬸᬦ᭄ᬲ᭠
ᬮᬶᬢ᭄ᬧᬗᬺᬢ᭄ᬢᬶ᭟ᬓᬮᬶᬄᬗᬦ᭄ᬢᬶᬘᬘᭂᬧᭀᬮᬦ᭄᭞ᬳᬦ᭄ᬢᬶᬳᬦ᭄ᬢᬶᬦ᭄ᬢ᭄ᬬᬂᬧ᭄ᬭᬘᬶᬳ᭄ᬦᬵᬚᬢᬶ᭞ᬫᬲᬶᬄᬤᬾᬭᬾᬂᬳᬤ᭄ᬟᬢ᭄ᬧᬸᬓ᭄᭞ᬦᬶᬓᬭᬢᬸᬫᬯᬶᬦᬦ᭄᭞ᬢᬶᬢ᭄ᬬᬂᬜ᭄ᬚᬜ᭄ᬓᬢᬶᬦ᭄ᬤᬓᬦ᭄ᬫᬕᭀᬩ
Kaca:Bali-lontar-gaguritan-tatuptupan-350ppi.pdf/159
Kaca puniki sampun kauji-wacén
