[᭑᭕᭖ 156B]
᭑᭕᭖
ᬦᬧᬘᬂᬳᬶᬭᬶᬂ᭞ᬭᬾᬄᬕᬸᬫᬦᬵᬫᬸᬮᬳᬚᬧ᭄᭞ᬚᬫ᭄ᬮᬶᬫᬮᬳᬸᬢ᭄ᬫᬫᬵᬃᬕ᭄ᬕᬶ᭞ᬕᬶᬭᬂᬓ᭄ᬦᭂᬳᬾᬤᬤᬓᬦ᭄᭞ᬓ᭄ᬭᬡᬕᬤᬓ᭄ᬤᬤᬶᬗᬯᬶ᭟ᬯᬶᬢᬼᬕᬦ᭄ᬫᬦᬳᬾᬢ᭄ᬧᬸᬓ᭄᭞ᬬᬾᬦ᭄ᬧᬸᬍᬲᬂᬲᬕᬾ
ᬢ᭄ᬗᬶᬧᬶ᭞ᬗᬶᬧᬶᬫ᭄ᬭᬲᬦᬵᬫ᭄ᬧᬓᬭᬲ᭄᭞ᬓᬭᬲ᭄ᬫᬶᬦᬾᬦᬕᬶᬄᬢᬸᬮᬶᬲ᭄᭞ᬢᬦᬄᬕᬭᬸᬗᬾᬍᬗ᭄ᬓᬭ᭞ᬓᬭᬗᬂᬫᬯᬓᬺᬋᬧᬶ᭟᭐᭚ᬓᬧᬸᬗᬹᬃᬗ᭄ᬕᬶᬄᬳᬫ᭄ᬧᬸᬭᬬᬂ᭞ᬳᬢᬹᬃᬢᬶᬢ᭄ᬬᬂᬓᬓ᭄ᬘᬧ᭄ᬚ᭠
ᬯ᭄ᬯᬩᬵᬮᬶ᭞ᬲᬶᬕᬸᬕ᭄ᬢᬫᬩᬢᭂᬓ᭄ᬮᬸᬘᬸ᭞ᬘᬸᬘᬸᬤ᭄ᬳᬗ᭄ᬕᭀᬦ᭄ᬳᭂᬫ᭄ᬩᬦᬦ᭄᭞ᬫᬗᬢᬹᬭᬂᬓᬶᬤᬸᬂᬫ᭠ᬓᬗ᭄ᬮᬶᬮᬵᬓᬬᬸᬦ᭄᭞ᬦᬸᬚᬸᬲ᭄ᬮᬵᬤᬶᬧᬫᬺᬫᬦ᭄᭞ᬫᬗ᭄ᬤᬯᬾᬦ᭄ᬢᭂᬦ᭄ᬢᬦ᭄ᬤᬳᬓ᭄ᬱᬶ᭟ᬧᬳᭀᬲ᭄ᬤ᭄ᬯᬵᬕᬸᬂᬤ
ᬓᬮᬗ᭄ᬳᬵ᭞ᬮᬗ᭄ᬳᬵᬗᬸᬗᬂᬤᬶᬳᬸᬦ᭄ᬤᬕᬾᬓᬗᬶᬦ᭄᭞ᬗ᭄ᬢᬶᬲ᭄ᬲᬫ᭄ᬩᬶᬮ᭄ᬗᬯᬲ᭄ᬕᬸᬦᬸᬂ᭞ᬧᬲᬶᬄᬳᬸᬚᬸᬗᬾᬢᬶᬗ᭄ᬕᬃ᭞ᬓᭂᬲᬶᬃᬓᭂᬲᬶᬃᬳᬗᬶᬦᬾᬢ᭄ᬓᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬳᬸᬮᬓ᭄ᬳᬸᬍᬓ᭄ᬤᬶᬓ᭄ᬮᬗ᭄ᬕᬵ᭞ᬦᬸᬗ᭄ᬓᬸᬮᬂᬳᬭᬶᬲ᭄ᬗᭂᬧᭂ᭠
[᭑᭕᭗ 157A]
ᬢᬶᬦ᭄᭟ᬕᬺᬄᬫᬤᬺᬗᬢᬕ᭄ᬳᬸᬚᬦ᭄᭞ᬲᬮᬶᬂᬢᬶᬫ᭄ᬩᬮ᭄ᬓ᭄ᬭᬸᬕ᭄ᬢᬢᬶᬢᬾᬢᬶᬢᬶᬃ᭞ᬢᬶᬧᬶᬲ᭄ᬕᬸᬍᬫᬾᬫᬗ᭄ᬫᬸ᭞ᬭᬶᬭᬶᬲ᭄ᬦᬶᬂᬘᬾᬢᬺᬫᬲ᭞ᬩᬶᬦ᭄ᬢᬂᬫᬓᬲᬧᬸᬢᬦ᭄ᬩᬦ᭄ᬳᬫ᭄ᬩᬸᬩᬸ᭞ᬲᬸᬭᬸᬧ᭄ᬗ᭄ᬭᬜ᭄ᬚᬶᬂᬓᬾᬓᬮᬗᬵ᭞ᬗᬸᬗ᭄ᬲᬶ
ᬕ᭄ᬤᭀᬂᬫᬹᬃᬤ᭄ᬟᬫᬡᬶᬓ᭄᭟ᬧᬂ᭚ᬫᬶᬭᬢᬸᬪᬝᬵᬭᬶᬦ᭄ᬢᬶᬢ᭄ᬬᬂ᭞ᬩᬲ᭄ᬓᬮ᭄ᬩᬶᬄᬢ᭄ᬓᬗᬮᬫᬮᬫᬶᬦ᭄᭞ᬓᬸᬤᬸᬲᬜ᭄ᬚᬓᬤᬶᬸᬕᬸᬂᬭᬯᬸᬄ᭞ᬫ᭄ᬭᬶᬓᬮᬸᬢ᭄ᬳᬚ᭄ᬮᬧ᭄ᬚᬧᬦ᭄᭞ᬤᬸᬭᬸᬲ᭄ᬢᬶᬢ᭄ᬬᬂᬫᬓᬯ᭄ᬗᬶᬤᬳᬄᬤᬸ
ᬳᬸᬄ᭞ᬢᬸᬗ᭄ᬕᬶᬮ᭄ᬳᬶᬮᬶᬂᬫᬤ᭄ᬓᭂᬲᬦ᭄᭞ᬫᬗᭂᬦᬂᬧ᭄ᬮᬸᬗ᭄ᬕᬸᬄᬪᬝᬵᬭᬶ᭟ᬫ᭄ᬭᬄᬫ᭄ᬭᬸᬄᬤᬶᬧ᭄ᬤᭂᬫᬦ᭄᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬳᬶᬤ᭄ᬟᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬭᬶᬂᬳᬸᬮᬸᬦ᭄ᬳᬢᬶᬫᬕᬦ᭄ᬢᬸᬂ᭞ᬫᬓ᭄ᬮᬧ᭄ᬓᭂᬮᬧ᭄ᬭᬶᬂᬫᬢ᭄ᬣ᭞ᬢᬗ᭄ᬲᬄᬤ᭄ᬯᬕᬸᬂ᭠
ᬫᬓᬲᬸᬫ᭄ᬮᬧᬶᬂᬧᬦ᭄ᬤᬸᬮᬸ᭞ᬮᬶᬮᬬᬂᬢᭀᬂᬓᬮᬶᬮᬬᬦ᭄᭞ᬬᬾᬦ᭄ᬧᬸᬍᬲᬂᬤᬤᭀᬲ᭄ᬗᬶᬧᬶ᭟ᬧᬶᬦ᭄ᬤᬵᬗᬶᬭᬶᬂᬓᬵᬕᬸᬂᬲᬬᬂ᭞ᬤᬶᬳᬫ᭄ᬩᬾᬦᬾᬫᬘᬦ᭄ᬤᬵᬲᬵᬫ᭄ᬩᬶᬮ᭄ᬗᬸᬧᬶ᭞ᬳᬭᬄᬩ᭄ᬯᬶᬦ᭄ᬮᬶᬬᬸᬮᬶᬬᬸ᭞ᬘᭂᬦ᭄ᬤᭂᬢ᭄ᬳ
Kaca:Bali-lontar-gaguritan-tatuptupan-350ppi.pdf/157
Kaca puniki sampun kauji-wacén
