[᭑᭔ 14B]
᭑᭔
ᬭᬫᬗᭀᬤᬕᬂ᭟ᬧ᭄ᬭᬡᬚᬶᬯ᭄ᬯ᭞ᬳᬚᬓ᭄ᬩᬋᬂᬳᬶᬤᬸᬧ᭄ᬫᬢᬶ᭞ᬳᬧᬂᬢ᭄ᬯᬭᬩᬶᬲᬗ᭄ᬮᬲ᭄᭟ᬬᬤᬶᬦ᭄ᬧᬶᬂᬲᬵᬧ᭄ᬢᬩᬭᬦᬸᬫᬤᬶ᭞ᬫᬗ᭄ᬤᬾᬳᬶᬤ᭄ᬟ᭞ᬩᬋᬂᬫᬓᬭᭀᬦᬦ᭄᭞ᬲᬢᬶᬩᬮᬓᬸᬲᬾᬮ᭄ᬯᬦᬾ᭞ᬲᬦ᭄ᬳᬶᬤ
ᬫᬦᬤᬶᬕᬸᬦᬸᬂ᭞ᬦ᭄ᬤᬶᬂᬓᭂᬫ᭄ᬩᬂᬫ᭄ᬭᬶᬓ᭄ᬲᬸᬫᬶᬭᬶᬢ᭄᭞ᬢᬗ᭄ᬲᬄᬫᬗ᭄ᬕᬯᬾᬭᬕᬦ᭄᭞ᬲᬂᬦᬳᭂᬦ᭄ᬩᬸᬂᬮᬸᬮᬸᬢ᭄᭞ᬩᬶᬦᬲ᭄ᬫᬶᬦᬶᬂᬲ᭄ᬫᬭᬦᬮ᭞ᬢᬦ᭄ᬮ᭄ᬬᬦ᭄ᬢᬶᬢ᭄ᬬᬂ᭞ᬗᬶᬲ᭄ᬢᬶᬬᬂᬤᬤᬶᬧ᭄ᬭᬶᬂᬕᬥᬶᬂ᭞ᬓᬶᬦᬬᬸᬳᬦᬶᬂᬚᬗ᭄ᬕᬵ᭟ᬮᬫᬸ᭠
ᬦ᭄ᬳᬶᬤ᭄ᬟᬤᬤᬶᬲᬸᬤ᭄ᬟᬫᬃᬫ᭄ᬭᬶᬓ᭄ᬦ᭄ᬤᭂᬂᬳᬜ᭄ᬚ᭄ᬭᬄ᭞ᬲᬸᬢᬾᬚᬕᬸᬫᬯᬂ᭞ᬭᬶᬢᬼᬂᬗᬶᬂᬫᬦᬲᬭᬦᬾ᭞ᬓᬵᬍᬫ᭄ᬓᬍᬫ᭄ᬓᬲᬸᬫ᭄ᬩᬸᬂ᭞ᬲᬶᬦᬶᬗᬶᬳᬶᬂᬲᬂᬓᬯᬶᬭᬰ᭄ᬫᬶ᭞ᬢᬶᬢ᭄ᬬᬂᬤᬤᬶᬲᬤ᭄ᬧᬤ᭄ᬟ᭞ᬳᬦ᭄ᬫᬭᬶᬫᬗ᭄ᬭᬸᬩᬸᬂ᭞ᬍᬂᬍᬂᬧᬮᬶᬂᬳᬸᬫᬾ
ᬤ᭄ᬭᬦ᭄᭞ᬗᬚᬧ᭄ᬳᬚᬧ᭄᭞ᬫᬗᬶᬲᭂᬧ᭄ᬫᬥᬸᬦᬶᬂᬲᬵᬭᬶ᭞ᬚ᭄ᬦᭂᬓ᭄ᬦᬸᬗ᭄ᬕᬮᬂᬳᬯᬓ᭄᭚᭜᭚ᬤ᭄ᬫᬹᬂᬳᬗ᭄ᬕᬾᬦ᭄ᬲᬭᬶᬦ᭄ᬕᭂᬦ᭄ᬤᬶᬂᬫᬦᬸᬢᬸᬕᬂ᭞ᬢᬼᬂᬳᬶᬥᭂᬧᬾᬮᬶᬗ᭄ᬮᬸᬂ᭞ᬳᬸᬮᬅ᭄ᬕᬍᬂᬮᬸᬮᬸᬄ᭟ᬲᬓ᭄ᬱᬢ᭄ᬓ᭄ᬦᬵᬳᬸ
[᭑᭕ 15A]
ᬧᬲ᭄ᬫᬦ᭄ᬤᬶ᭞ᬬᬦ᭄ᬢ᭄ᬯᬭᬦᬲᬶᬤ᭄ᬟᬦ᭄᭞ᬫᬺᬬᭀᬕ᭄ᬕᬵᬲᬸᬓ᭄ᬱ᭄ᬫᬦᬶᬂᬲᬧᬸᬢ᭄᭞ᬫᬳᭀᬘᬓᬦ᭄ᬭᬭᬲ᭄᭞ᬢ᭄ᬓᬾᬦ᭄ᬳᬶᬤ᭄ᬟᬫᬲ᭄ᬫᬡᬶᬓ᭄᭞ᬫᬢᬸᬗ᭄ᬕᬮᬦ᭄ᬧ᭄ᬭᬡᬚᬶᬯ᭄ᬯ᭞ᬲᬶᬮᬶᬳᬲᬶᬄᬳᬦᬸᬢ᭄ᬲᬤᬸᬮᬸᬃ᭟ᬧ᭄ᬟᬲ᭄ᬢᬶ
ᬢ᭄ᬬᬂᬫᬢᬶᬜᬕ᭄ᬤᬶᬧᬢᭀᬗᭀᬲᬦ᭄᭞ᬦᬄᬳᬶᬘᬾᬦ᭄ᬢᬶᬢ᭄ᬬᬂᬭᬢᬸ᭞ᬲᬵᬭᬷᬦ᭄ᬫᬺᬢ᭄ᬣᬲᬦ᭄ᬢᬸᬦ᭄᭞ᬫᬓᬲᬗᬸᬧᬢᬶᬳᬸᬭᬶᬧ᭄᭞ᬭᬶᬂᬯᬢ᭄ᬬᬥ᭄ᬬᬢ᭄ᬫᬶᬓ᭞ᬢᬦ᭄ᬮ᭄ᬬᬦ᭄ᬳᬶᬦᬶᬲ᭄ᬢᬶᬦᬶᬂᬢᬤᬸ᭞ᬲᬸᬓ᭄ᬱ᭄ᬫᬦᬶᬂᬧᬓ
ᬬᬸᬦᬦ᭄᭞ᬳᬶᬤ᭄ᬟᬲ᭄ᬯᬾᬘ᭄ᬘᬗ᭄ᬯᭀᬘᬶᬦᬶᬦ᭄᭞ᬩᬸᬓᬲᬹᬃᬬ᭄ᬬᬦᬾᬦᬾᬦ᭄ᬩᬸᬮᬦ᭄᭞ᬚᬢᬶᬢᬸᬗ᭄ᬕᬮ᭄ᬢᭀᬗᭀᬲᬾᬲᬸᬭᬸᬧ᭄᭟ᬢ᭄ᬯᬭᬲ᭄ᬟᭂᬂᬗ᭄ᬯᬶᬦ᭄ᬕᬮᬶᬳᬶᬦ᭄ᬫᬦᬄᬢᬶᬢ᭄ᬬᬂ᭞ᬭᬲᬗᬮᬶᬯᬢ᭄ᬯᬶᬦ᭄ᬤᬸ᭞ᬲᬸᬦ᭄ᬬᬗ
ᬯᬂᬗᬸᬯᬸᬂ᭞ᬤᬶᬳᬫ᭄ᬩᬭᬦᬾᬯᬶᬢᬸᬂᬓ᭄ᬮᬶᬃ᭞ᬲᭂᬧᬶᬢᬦᭀᬯᬢᬸᬭᬄ᭞ᬓᬮᬗᭂᬤᬾᬧᬥᬗᬸᬦ᭄ᬗᬸᬦ᭄᭞ᬲᬹᬃᬬ᭄ᬬᬘᬦ᭄ᬤ᭄ᬭᬵᬳᬶᬮᬂ᭞ᬜᬫᬸᬢ᭄ᬫᬯᬓ᭄ᬳᬶᬫᬩᬶᬓ᭄᭞ᬍᬗᭂᬂᬫᭂᬗᭂᬂᬯᬲ᭄ᬳᬧᬶᬲᬦ᭄᭞ᬲᬶᬢᬸᬲᬸᬩᬫᬦᬸ
Kaca:Bali-lontar-gaguritan-tatuptupan-350ppi.pdf/15
Kaca puniki sampun kauji-wacén
