[᭑᭔᭓ 143B]
᭑᭔᭓
ᬧᭂᬗ᭄ᬓᬸᬂᬫᬸᬭᬸᬓ᭄ᬢᬦ᭄ᬧᬗᬸᬕᬸᬕᬢᬶ᭞ᬬᬾᬦ᭄ᬢ᭄ᬬᬂᬲᬚᬲᬮᬄ᭞ᬲᬮᬾᬤᬂᬭᬢᬸᬫᬶᬂᬲᬶᬲᬶᬧ᭄᭞ᬲᬸ᭠ᬓᬢ᭄ᬩᬾᬩᬲ᭄ᬢ᭄ᬯᬭᬧᬶᬯᬮ᭄᭟ᬲᬧ᭄ᬓᬬᬸᬦᬦ᭄ᬧᬶᬢ᭄ᬯᬶᬫᬢᬳᭂᬦ᭄ᬳᬶᬭᬶᬓᬶ᭞ᬢᭀᬂᬓᬶᬲ᭄ᬮᬦ᭄ᬜᬦ᭄ᬤᬂ᭞ᬫᬩ᭄ᬯᬶᬩ᭠
ᬦᬼᬕᬦ᭄ᬳᬢᬶ᭞ᬫᬳᬸᬓᬸᬫ᭄ᬤᬶᬄᬚ᭄ᬭᭀᬦᬶᬂᬓᬫᬃ᭟ᬬᬦ᭄ᬫᬮᬾᬗ᭄ᬓᬲ᭄ᬩᭂᬮᭀᬓ᭄ᬩᬦ᭄ᬓᭂᬜᬶᬗᬾᬲᬳᬶ᭞᭠ᬫᬲᬸᬓ᭄ᬓᬫᬃᬕ᭄ᬮᬧ᭄᭞ᬩᬦ᭄ᬭᬜ᭄ᬚᬂᬫᬓ᭄ᬮᬫ᭄ᬩᬸᬧᬸᬢᬶᬄ᭞ᬩᬾᬦ᭄ᬢᬾᬂᬩᬳᬦ᭄ᬭᬓᭂᬢ᭄ᬢᬺᬱ᭄ᬡᬵ᭟ᬲᬶ᭚
ᬳᬫ᭄ᬧᬸᬭᬤ᭄ᬯᬵᬕᬸᬂᬳᬫ᭄ᬧᬸᬭ᭞ᬳᬢᬸᬭᬾᬫᬸᬗ᭄ᬕ᭄ᬯᬶᬂᬧᬯᬗᬶ᭞ᬦᬗᬶᬂᬫᬤᬸᬮᬸᬭᬦ᭄ᬲᬸᬭᬵᬢ᭄᭞ᬳᬗ᭄ᬕᬾᬦ᭄ᬢᬦ᭄ᬤᬘᬶᬭᬶᬦ᭄ᬯ᭄ᬬᬵᬓ᭄ᬢᬶ᭞ᬢᬶᬢ᭄ᬬᬂᬲᬸᬰ᭄ᬭᬸᬲᬩᬓ᭄ᬢᬶ᭞ᬭᬶᬂᬤ᭄ᬯᬵᬕᬸᬂᬩᬸᬤᬸᬄᬳᬸᬮᬗᬸᬦ᭄᭞ᬬᬤᬶᬦ᭄ᬤᭀᬄᬫ
ᬩ᭄ᬮᬲᬦ᭄᭞ᬳᬢ᭄ᬫᬦ᭄ᬢᬶᬢ᭄ᬬᬗᬾᬢᬦ᭄ᬫᬭᬶ᭞ᬫᬫᬋᬓᬦ᭄ᬤ᭄ᬭᬶᬓᬶᬗᬶᬭᬶᬂᬤ᭄ᬯᬵᬕᬸᬂᬲᬬᬂ᭟᭐᭚ᬥᬂᬥᬂᬭᬢᬸᬲᬵᬫ᭄ᬧᬸᬭᬬᬂᬳᬸᬕᬶ᭞ᬦᬶᬓᬶᬢᬶᬢ᭄ᬬᬂ᭞ᬲᬫᬢ᭄ᬭᬗᬢᬸᬭᬂ᭞ᬮᬾᬤᬗᬂᬧ᭄ᬓᬬᬸᬦᬦᬾ᭞᭠
[᭑᭔᭔ 144A]
ᬯᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬓᬵᬢᬹᬃ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬓᬧ᭄ᬭᬘᬶᬭᬶ᭞ᬘᬶᬳ᭄ᬦᬦᬶᬂᬫᬗ᭄ᬕᭂᬄᬢᬺᬱ᭄ᬡᬵ᭞ᬢᬺᬱ᭄ᬡᬦᬾᬫᬦ᭄ᬭᬸᬲ᭄᭞ᬢ᭄ᬭᬸᬲ᭄ᬢᬦ᭄ᬧᬯᬍᬢᭂᬳᬦ᭄᭞ᬗᬶᬂᬳᬫ᭄ᬧᬸᬭᬵ᭞ᬤᬸᬄᬓᬶᬢ᭄ᬣᬫᬲᬶᬄᬫᬲᬦ᭄ᬤᬶᬂ᭞᭠
ᬩᬦᬾᬚᭀᬄᬫᬩ᭄ᬮᬲᬦ᭄᭟ᬲᬯᬢ᭄ᬲᬵᬫ᭄ᬧᬸᬦ᭄ᬭᬲᬜᬓᬧᬗ᭄ᬕᬶᬄ᭞ᬢ᭄ᬓᬾᬦ᭄ᬳᬶᬤ᭞᭠ᬤᬾᬭᬾᬂᬫ᭄ᬭᬲᬶᬤ᭄ᬟᬬᬂ᭞ᬩᬲ᭄ᬓᬮ᭄ᬩᬶᬄᬲᬦ᭄ᬲ᭄ᬭᬦ᭄ᬢᬦᬾ᭞ᬮᬫᬫᬶᬭᬶᬩ᭄ᬳᬯᬶᬡ᭄ᬥᬸ᭞ᬢᬶᬢ᭄ᬬᬂᬢ᭄ᬯᬭᬢ
ᬳᬾᬦ᭄ᬦᭂᬧᬸᬓᬶᬦ᭄᭞ᬫᬳᬦ᭄ᬫᬗᭂᬦᭀᬢ᭄ᬳᬶᬤ᭄ᬟ᭞ᬤᬤᬶᬩᬸᬓᬳᬸᬬᬸᬧ᭄᭞ᬧ᭄ᬭᬕᬢ᭄ᬲᬳᬶᬤᬶᬧ᭠ᬗᬶᬧ᭄ᬬᬦ᭄᭞ᬫᬧ᭄ᬦᭂᬫᬦ᭄᭞ᬲᬸᬓᬫᬗᬸᬮᬸᬭᬶᬦ᭄ᬩᬸᬤ᭄ᬟᬶ᭞ᬤᬾᬦᬶᬂᬳᬫ᭄ᬩᬶᬮ᭄ᬤᬶᬧᬶᬗᭂᬢᬦ᭄᭟᭐᭚
ᬥᬂᬥᬂᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬜᬮᬶᬫᬸᬭᬂ᭞ᬳᬶᬩᬸᬓᬾᬓᬮᬶᬯᬢ᭄᭞ᬫᬾᬭᬢᬸᬭᬢᬸᬦ᭄ᬢᬶᬢ᭄ᬬᬗᬾ᭞ᬫᬶᬦ᭄ᬢᬅ᭄ᬧᬺᬫᬶᬲᬶᬢ᭄ᬭᬸᬲ᭄᭞ᬧᬶᬦ᭄ᬤᬄᬤᬭᬶᬓᭂᬕ᭄ᬭᬶᬤᬶᬲᬶᬦᬶ᭞ᬳᬭᬶᬩᬾᬲᭀ᭠
Kaca:Bali-lontar-gaguritan-tatuptupan-350ppi.pdf/144
Kaca puniki sampun kauji-wacén
