[᭑᭓᭙ 139B]
᭑᭓᭙
ᬢᬸᬲᬬᬂ᭞ᬧᬫᭂᬗ᭄ᬕᬄᬭᬶᬂᬢᬶᬢ᭄ᬬᬂ᭞ᬗᬸᬤ᭄ᬟᬕ᭄ᬟᬾᬲᬦ᭄ᬘᬭᬦᬾ᭞ᬭᬢᬸᬲᬸᬳᬸᬤ᭄ᬓᬾᬩᭂᬦ᭄ᬤᬸ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬫᬳᬢᬹᬃᬲᬶᬲᬶᬧ᭄᭞ᬚᬯᬶᬦᬶᬂᬯᬦ᭄ᬢᬄᬮᬾᬤᬂ᭞ᬢᬶᬢ᭄ᬬᬂᬗᬶᬭᬶᬂᬭᬢᬸ᭞ᬲᬭᬮᬾᬤᬂᬧ᭄ᬓᬬᬸᬦᬦ᭄᭞
ᬗ᭄ᬕᭂᬄᬳᭂᬫ᭄ᬧᭂᬳᬂ᭞ᬲᬓᬬᬸᬦ᭄ᬭᬢᬸᬫᬶᬂᬲᬶᬲᬶᬧ᭄᭞ᬬᬾᬦ᭄ᬢ᭄ᬬᬂᬲᬚᬵᬲᬮᬄ᭟᭐᭚ᬳᬶᬕᬶᬦᬦ᭄ᬢᬶᬢᬶᬢ᭄ᬬᬂᬭᬢᬸ᭞ᬓᬳᬸᬢᬸᬲ᭄ᬧᬋᬓ᭄ᬫᬭᬶᬓᬶ᭞ᬭᬶᬂᬧ᭄ᬮᬶᬗ᭄ᬕᬶᬄᬘᭀᬓᭀᬃᬳᬶᬤᬾᬯ᭄ᬯ᭞ᬗᬦ᭄ᬢᭂᬦᬂᬫᬵᬢᬹᬃᬧᬶ
ᬳᬸᬦᬶᬂ᭞ᬳᬶᬗ᭄ᬕᬶᬄᬭᬢᬸᬧᬶᬤᬕᬶᬗᬦ᭄᭞ᬳᬢᬹᬃᬢᬶᬢ᭄ᬬᬗᬾᬧᬸᬦᬶᬓᬶ᭟ᬳᬭᬸᬄᬬᬓ᭄ᬢᬶᬜᬾᬦ᭄ᬫᬗᬸᬕᬸ᭞ᬮᬓᭀᬦ᭄ᬗᬫᬦᬶᬲᬂᬫᬸᬜᬶ᭞ᬗ᭄ᬕᬶᬄᬩᬗ᭄ᬕᬬᬂᬭᬢᬸᬢᬶᬢ᭄ᬬᬂ᭞ᬦᬾᬲᬬᬂᬲᬵᬫ᭄ᬧᬸᬦ᭄ᬫᬗᬶᬭᬶᬂ᭞ᬳᬶᬭᬶᬓᬶ
ᬯ᭄ᬗᬶᬭᬳᬶᬦᬵ᭞ᬜᬾᬦ᭄ᬩᬦᬶᬧᬘᬂᬫᬳᭂᬓᬶᬦ᭄᭟ᬬᬾᬦ᭄ᬧᬓ᭄ᬱᬢᬶᬢ᭄ᬬᬂᬫᬫᬸᬳᬸᬓ᭄᭞ᬓᬦ᭄ᬢᭂᬦ᭄ᬚᬕᬤᬤᭀᬲ᭄ᬢᬮᬶ᭞ᬫᬗ᭄ᬭᬾᬫ᭄ᬩᬢ᭄ᬭᬾᬫ᭄ᬩᬢᬶᬦ᭄ᬳᬶᬤ᭄ᬟ᭞ᬤᬤᬶᬫᬗᭀᬩᭂᬮ᭄ᬳᭀᬩᭂᬮᬶᬦ᭄᭞ᬓᬦ᭄ᬢᭂᬦ᭄ᬲᬵ
[᭑᭔᭐ 140A]
ᬫ᭄ᬧᬸᬦ᭄ᬳᬢᬸᬃᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬲᬗᭂᬢ᭄ᬲᬮᬄᬢᬫ᭄ᬧᬶ᭟ᬧᬂ᭚ᬫᬾᬭᬢᬸᬦ᭄ᬢ᭄ᬬᬗᬾᬲᬬᬂ᭞ᬳᬭᬄᬬᬦ᭄ᬢᬶᬢᭂᬦ᭄ᬢ᭄ᬬᬂᬮ᭄ᬫᬸᬄᬘᬤᬶᬓ᭄᭞ᬤᭀᬂᬲᬵᬫ᭄ᬧᬸᬦᬂᬢ᭄ᬯᬭᬗᬸᬕᬸ᭞ᬧᬶᬦᭂᬄᬢᬾᬳᬢᬹᬃᬢᬶ᭠
ᬢ᭄ᬬᬂ᭞ᬤᬶᬚᬧ᭄ᬭᬤᭀᬂᬤᬶᬓ᭄ᬦᭂᬄᬗᬮᬶᬄᬢ᭄ᬦᬸᬂ᭞ᬳᬗ᭄ᬕᬾᬦ᭄ᬭᬢᬸᬫᬓᬳᬶᬫ᭄ᬩᬵ᭞ᬢᭂᬦ᭄ᬓᬦ᭄ᬢᬶᬢᬓᭀᬦᬂᬩ᭄ᬯᬶᬦ᭄᭟ᬢ᭄ᬯᬄᬫᬫ᭄ᬲᬶᬓ᭄ᬓᬾᬦᬶᬂᬳᬶᬤ᭄ᬟ᭞ᬢ᭄ᬯᬭᬮᬾᬦ᭄ᬤᬤᬶᬫᬸᬲ᭄ᬢᬶᬓᬾᬂᬳᬢᬶ᭞ᬧᬶᬢ᭄ᬯᬶᬜᬳᬤᬮᬶᬬᬸ᭞ᬲᬶᬂᬳ
ᬤᬗᬸᬓᬳᬶᬤ᭄ᬟ᭞ᬫᬓᬲᬵᬭᬷᬦ᭄ᬫᬦᬄᬢᬶᬢ᭄ᬬᬗᬾᬳᬸᬮᬗᬸᬦ᭄᭞ᬭᬾᬄᬲᭀᬢᬦᬶᬂᬧᬥᬲᭂᬗ᭄ᬓᬵ᭞ᬢᬸᬗ᭄ᬕᬮ᭄ᬢᭂᬧᬸᬓ᭄ᬜᬶᬗ᭄ᬲᬾᬲᬶᬫ᭄ᬧᬶᬃ᭟ᬓᬸ᭚ᬲᬮᬫ᭄ᬲᭂᬫ᭄ᬩᬄᬩᬜᬅ᭄ᬳᬫ᭄ᬧᬸᬦ᭄ᬳᬢᬹᬃᬓᬚᬶ᭞ᬮᬾᬅ᭄ᬕᬸ
ᬧᬢ᭄ᬲᬗ᭄ᬲᬭ᭞ᬳᬮᬸᬩᬦᬶᬓᬶᬭᬶᬫ᭄ᬢᬸᬮᬶᬲ᭄᭞ᬲᬶᬦ᭄ᬧᭀᬅ᭄ᬚᬮᬦ᭄ᬫᬲ᭄ᬓᬸᬫᬫ᭄ᬩᬂ᭞ᬢᬸᬦᬲ᭄ᬳᬵᬃᬫᬢ᭄ᬫᬸᬦ᭄ᬟᬓᬚᬶᬩᬸᬓᬅ᭄ᬢᬸᬮᬶᬲ᭄᭞ᬲᬺᬫᬶᬦ᭄ᬲᬩᬩᬭᬦ᭄᭞ᬮᬾᬅ᭄ᬟᬍᬫ᭄ᬕᭂᬤᭀᬂᬲᭂᬧᬶ᭞ᬩᬍᬲ᭄ᬓᬚᬶᬲᬶ
Kaca:Bali-lontar-gaguritan-tatuptupan-350ppi.pdf/140
Kaca puniki sampun kauji-wacén
