[᭑᭒᭘ 128B]
᭑᭒᭘
ᬢ᭄ᬬᬂᬮᬶᬦ᭄ᬢᬂᬓᭀᬮᬸᬕ᭄᭞ᬫᬗᬯᬶᬫᬧᬶᬧ᭄ᬭᬚ᭄ᬜᬦ᭄᭞ᬫᬗ᭄ᬤᬢᬍᬃᬢᬶᬢ᭄ᬬᬂᬗᬶᬭᬶᬂᬲᬧᬓᬬᬸᬦ᭄ᬤᭀᬄᬓᭀᬭᬢᬸᬫᬦᬄᬢᬶᬢ᭄ᬬᬂ᭞ᬧᬘᬂᬫᬶᬦᬬᬂᬲᬸᬩᬓ᭄ᬢᬶ᭟ᬲᬧᬸᬦᬶᬓᬫᬦᬄᬢᬶᬢ᭄ᬬᬂ᭞ᬦᬗᬶᬂᬢ᭠
ᬦ᭄ᬲᬄᬫᬗᬚᬧ᭄ᬳᬚᬧ᭄ᬳᬶᬫᬡᬶᬓ᭄᭞ᬤᬶᬫᬢ᭄ᬣᬫᬢ᭄ᬣᬫᬕᬦ᭄ᬢᬸᬂ᭞ᬫᬓ᭄ᬮᬧ᭄ᬭᬲᬵᬢ᭄ᬓᬵ᭞ᬫᬗᬚᬓᬶᬦ᭄ᬫᬗ᭄ᬮᬶᬮᬵᬗ᭄ᬮᬂᬮᬂᬳᬸᬮᬗᬸᬦ᭄᭞ᬭᬲᬩᬋᬂᬫᬓᬭᭀᬦᬦ᭄᭞ᬢᭀᬂᬤᬤᬶᬳᭂᬗ᭄ᬲᬧ᭄ᬳᬯᬳᬶ᭟᭐᭚
ᬲᬶᬦᭀᬫ᭄ᬭᬢᬸᬳᬢᬹᬃᬢᬶᬢ᭄ᬬᬂ᭞ᬧᬶᬳᬵᬃᬱᬳᬢᬹᬃᬳᬶᬫᬶᬲ᭄ᬓᬶᬦ᭄᭞ᬧᬸᬦᬶᬓᬶᬫᬸᬗ᭄ᬕᬸᬄᬭᬶᬂᬲᬸᬭᬵᬢ᭄᭞᭠ᬯᬮᬸᬬᬢᬶᬢ᭄ᬬᬂᬫᬦᬗ᭄ᬓᬶᬮ᭄᭞ᬭᬶᬂᬳᬚᭂᬂᬮᬶᬗ᭄ᬕᬶᬄᬳᬶᬫᬡᬶᬓ᭄᭞ᬕᭂᬂᬋᬡᬳᬫ᭄ᬧᬸᬭᬭᬢᬸ᭞ᬲ᭄ᬫᬢ᭄ᬭᬫᬵᬢᬹᬃ
ᬳᬸᬦᬶᬗ᭞ᬓᬩᬢᭂᬦ᭄ᬫᬦᬳᬾᬧᬮᬶᬂ᭞ᬩᬸᬗᭂᬂᬓᬶᬗ᭄ᬮᬸᬂ᭞ᬲᬢᬢ᭄ᬣᬫᬗᬚᬧ᭄ᬳᬶᬤ᭄ᬟ᭟ᬧ᭄ᬢᭂᬂᬮ᭄ᬫᬄᬢᬶᬢ᭄ᬬᬂ᭠ᬜᬧ᭄ᬜᬧ᭄᭞ᬫᬗᬸᬢᬶᬧᬶᬢ᭄ᬢᭂᬓᬲ᭄ᬤᬶᬄ᭞ᬳᬤᬸᬄᬭᬢᬸᬲᬬᬂᬧᬶᬲᬦ᭄᭞ᬕ᭄ᬫᭂᬲ᭄ᬭᬢᬸᬫᬜᬓᬶᬢᬶᬦ᭄᭞ᬗ᭄ᬮᬸᬤᬶ
[᭑᭒᭙ 129A]
ᬦ᭄ᬦᬲᬵᬫ᭄ᬧᬸᬦ᭄ᬫᬢᬶ᭞ᬫᭀᬃᬩᭀᬃᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬳᬯᬸ᭞ᬦᬾᬮᬩᬸᬄᬩ᭄ᬯᬶᬦ᭄ᬢᬸᬮᬸᬤᬂ᭞ᬲᬵᬓ᭄ᬱᬢ᭄ᬢᬶᬯᬂᬩᬳᬂᬘ᭄ᬝᬶᬓ᭄᭞ᬦ᭄ᬕᭂᬦ᭄ᬜᬸᬳᬸᬦ᭄᭞ᬳᬸᬮᬸᬗᬦᬾᬩᬲ᭄ᬓᬮᬶᬦ᭄ᬢᬂ᭟ᬢ᭄ᬯᬭᬮᬾᬦ᭄ᬯᬦ᭄ᬢᬄᬳᬶᬫᬶᬭᬳᬄ᭞ᬫᬓᬵ᭠
ᬓᬢᬢ᭄ᬯᬦᬶᬂᬳᬢᬶ᭞ᬳᬲ᭄ᬢᬯ᭄ᬯᬦ᭄ᬢᬶᬢ᭄ᬬᬂᬤᬶᬫᬦᬄ᭞ᬲᬓ᭄ᬟᬧ᭄ᬦᭀᬭᬦᬮᬮᬶ᭞ᬢᬶᬢ᭄ᬬᬂᬯᬦ᭄ᬢᬄᬳᬲ᭄ᬢᬶ᭠ᬢᬶ᭞ᬭᬶᬂᬲ᭄ᬯᬾᬘᬦ᭄ᬭᬢᬸᬓᬮᬗ᭄ᬓᬸᬂ᭞ᬓᬾᬯᬦ᭄ᬢᭂᬦ᭄ᬫᬺᬲᬶᬤ᭄ᬟᬬᬂ᭞ᬲᬢ᭄ᬳᬗ᭄ᬕᬾᬦ᭄ᬧᬗᬾᬮᬶᬂᬗᬾᬮᬶᬂ᭞ᬢᬍᬤ᭄ᬳᬢᬹᬃ
ᬕᬫᭂᬮ᭄ᬭᬢᬸᬫᬦᬄᬢᬶᬢ᭄ᬬᬂ᭟᭐᭚ᬥᬂᬥᬂᬗᬭᬸᬄᬩᬲ᭄ᬓᬮ᭄ᬩᬶᬄᬕᬢᬶ᭞ᬫᬧᬗᭂᬦᬦ᭄᭞ᬚ᭠ᬤᭀᬚᬤᭀᬮᬸᬯᬲ᭄᭞ᬢ᭄ᬯᬭᬮᭀᬕᬲ᭄ᬧᬚᬮᬦᬾ᭞ᬩᬳᬦᬾᬢ᭄ᬯᬭᬧᬬᬸ᭞ᬳᬶᬤ᭄ᬟᬩᬋᬂᬳᬚᬓ᭄ᬫᬮ᭠
ᬮᬶ᭞ᬦᬤᬓᬂᬓᬲᭂᬗ᭄ᬓᬮ᭞ᬰᬭᬦᬵᬦᬾᬩᬸᬳᬸᬂ᭞ᬫᬮᬄᬦᬸᬮᬶᬄᬩᬸᬲᬦ᭄ᬩᬸᬲᬦ᭄᭞ᬫ᭄ᬭᬲᬳᬶᬤ᭄ᬟ᭞ᬫᬓᬯᬸᬓᬦ᭄ᬦᬕᬶᬄᬳᬦ᭄ᬢᬶ᭞ᬢᬸᬮᬸᬲ᭄ᬚᬢᬶᬢ᭄ᬬᬂᬲ᭄ᬫᬂ᭟ᬲ᭄ᬫᬂᬗᬫᬸᬦ᭄ᬗᬭᬾᬫᭀᬦ᭄ᬗᬳᬶᬓ᭄ᬫᬶᬓ᭄ᬫᬤ᭄ᬢᭂᬧᬦ᭄᭞
Kaca:Bali-lontar-gaguritan-tatuptupan-350ppi.pdf/129
Kaca puniki sampun kauji-wacén
