[᭑᭑᭖ 116B]
᭑᭑᭖
ᬢ᭄ᬬᬂᬜᭂᬮ᭄ᬲᭂᬮᬂ᭟ᬳᬶᬗ᭄ᬕᬶᬄᬤ᭄ᬯᬵᬕᬸᬂᬲᬭᬮᬾᬤᬂᬫᬗ᭄ᬓᬶᬦ᭄᭞ᬧ᭄ᬓᬬᬸᬦᬦ᭄᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬜ᭄ᬚᬂ᭞ᬯᬦ᭄ᬢᬶᬢᬄᬲᬂᬳ᭄ᬬᬂᬯᬶᬥᬶᬦᬾ᭞ᬧᬦ᭄ᬢᬶᬢ᭄ᬬᬂᬫᬸᬮᬭᬢᬸ᭞ᬢᬸᬲᬶᬂᬧᬶᬲᬦ᭄ᬦᬸᬗ᭄ᬮᬄᬫ᭄ᬮᬶᬓ᭄᭞ᬯᬶᬭᬾ
ᬧᬗ᭄ᬓᬢ᭄ᬤᬶᬩᬯᬅ᭄᭞ᬳᬤ᭄ᬟᬦᭀᬫᭂᬃᬲᬢᬸ᭞ᬢᭀᬓᬸᬤ᭄ᬬᬂᬚᬦᬶᬫᬶᬭᬶᬬᬂ᭞ᬓᬾᬄᬳᬾᬗ᭄ᬕᬮᬦ᭄᭞ᬫᬫᬸᬦ᭄ᬢᬕ᭄ᬫᬦ᭄ᬢᬶᬕ᭄ᬧᬤᬶᬤᬶ᭞ᬦᬾᬓ᭄ᬦᭂᬳᬂᬬᬾᬦ᭄ᬤᬶᬚᬵ᭟ᬫᬾᬦᬓᬕᬸᬂᬤᭀᬂᬦᬾᬲᬧᬸᬦᬶᬓᬶ᭞ᬭᬢᬸ
ᬳᬶᬤ᭄ᬟᬵ᭞ᬓᬭᬶᬫᬤᬦ᭄ᬲ᭄ᬯᬾᬘᬵ᭞ᬤᭀᬂᬳᬲᬶᬄᬳᬫ᭄ᬩᬸᬮ᭄ᬧᬢᬸᬢᬾ᭞ᬲᬵᬫ᭄ᬧᬸᬦ᭄ᬩᬲ᭄ᬓᬢ᭄ᬮᬜ᭄ᬚᬸᬃ᭞᭠ᬦᬵᬍᬃᬤ᭄ᬯᬕᬸᬂᬫᬶᬦᭂᬄᬫᬶᬦᭂᬳᬶᬦ᭄᭞ᬫᬲᬶᬄᬭᬢᬸᬯᬾᬦ᭄ᬢᭂᬦᬂ᭞ᬯᬘᬡᬳᬩᬸᬓᬸ᭞ᬢ᭄ᬯᬭᬳᬤᬓᬧᬳᬶ
ᬘᬵ᭞ᬢ᭄ᬓᬾᬦ᭄ᬢ᭄ᬬᬂ᭞ᬦᬾᬓᬾᬦᬾᬦᬸᬫᬤᬓ᭄ᬳᬾᬮᬶᬂ᭞ᬓᬬᬸᬦ᭄ᬫᬗᬓ᭄ᬯᬶᬦ᭄ᬧᬜ᭄ᬚᬓ᭄᭟ᬦᬗ᭄ᬳᬶᬂᬭᬲᬬᬂᬢᬶᬢ᭄ᬬᬂᬤᬶᬳᬢᬶ᭞ᬲ᭄ᬯᬾᬘᬦ᭄ᬳᬶᬤ᭄ᬟ᭞ᬢᬦ᭄ᬫᬮᬶᬄᬭᬶᬂᬢᬶᬢ᭄ᬬᬂ᭞ᬲᬯ᭄ᬬᬓ᭄ᬢᬶᬮᬾᬤᬂᬓᬬᬸᬦᬾ᭞ᬢ᭄ᬭᬸᬲ᭄ᬢ᭄ᬯᬶᬚᬢᬶ
[᭑᭑᭗ 117A]
ᬢᬸᬮᬸᬲ᭄᭞ᬓᬲᬸᬰ᭄ᬭᬸᬲᬦ᭄ᬢᬶᬢ᭄ᬬᬗᬾᬓᬭᬶ᭞ᬫ᭄ᬓᬤᬶᬲᬋᬂᬲᬫ᭄ᬬᬦ᭄᭞ᬫᬶᬮᬶᬂᬫᬗ᭄ᬕᭂᬄᬤ᭄ᬤ᭄ᬯᬕᬸᬂ᭞ᬬᬤ᭄ᬬᬧᬶᬦ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬜᬭᬸᬜᬭ᭄ᬯᬂ᭞ᬮᬕᬸᬢᬾᬧᬸᬮᬶᬄᬫᬶᬮᬶᬳᬶᬦ᭄᭞ᬫᬸᬦ᭄ᬤᬸᬃᬦᬾᬓᬤᬶᬢᬶ
ᬢ᭄ᬬᬂ᭟ᬧᬂ᭚ᬤᭀᬂᬲᬵᬫ᭄ᬧᬸᬦᬂᬲᬧᬸᬦᬶᬓ᭞ᬫᬧᬧᬶᬦᭂᬄᬩᬲ᭄ᬩᬗᭂᬢ᭄ᬫᬗᬸᬮᬸᬭᬶᬦ᭄᭞ᬫᬦᬸᬓᬂᬕᬢᬶᬤ᭄ᬯᬵᬕᬸᬂ᭞ᬮᬕᬸᬢᬾᬲᬬᬂᬤᬺᬫᬦ᭄᭞ᬫᬦᬶᬲ᭄ᬜᬸᬜᬹᬃᬢᬹᬃᬫᬶᬦᭂᬄᬫᬦ᭄ᬢᬸᬓ᭄ᬭᬶᬂᬓᬬᬸᬦ᭄᭞ᬳᬤᬾᬗᬂ
ᬫᬮᬸᬗᬸᬗ᭄ᬓᬸᬗᬂ᭞ᬲᬮᬾᬤᬂᬓᬬᬸᬦ᭄ᬗ᭄ᬮᬾᬤᬗᬶᬦ᭄᭟ᬫᬾᬓᬲᭀᬩ᭄ᬓᭀᬭᬢᬸᬢᬶᬢ᭄ᬬᬂ᭞ᬭᬶᬂᬧᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯ᭄ᬯᬫᬗ᭄ᬓᬶᬦ᭄᭞ᬢᬦ᭄ᬧ᭄ᬭᬄᬧᬶᬲᬦ᭄ᬤᬾᬯ᭄ᬯᬕᬸᬂ᭞ᬳᬦ᭄ᬢᬸᬓ᭄ᬘᭀᬓᭀᬃᬳᬶᬤᬾ
ᬯ᭄ᬯ᭞ᬫᬗ᭄ᬮᬮᬸᬜᬸᬄ᭞ᬢᬶᬢ᭄ᬬᬂᬲᬫᬗ᭄ᬤᬾᬦᬾᬮᬸᬳᬹᬃ᭞ᬗᬶᬂᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬦᬦ᭄ᬤ᭄ᬭᬸᬳᬕ᭄᭞ᬤᬸᬭᬸᬲ᭄ᬫᬗ᭄ᬕᬶᬄᬲᬧᬸᬦᬶᬓᬶ᭟ᬳ᭄ᬦᬶᬂᬢ᭄ᬓᬲᬬᬦ᭄ᬳ᭄ᬦᬂ᭞ᬤᭀᬂᬦᬾᬓᬾᬦᬾᬫᬳᬤᬦ᭄ᬓᬭᬶᬫᬾᬮᬶᬂ᭞ᬲᬵᬫ᭄ᬧᬸᬦᬂᬚᬤᬭᬶᬤ᭄ᬯ
Kaca:Bali-lontar-gaguritan-tatuptupan-350ppi.pdf/117
Kaca puniki sampun kauji-wacén
