[᭑᭐ 10B]
᭑᭐
ᬦᬶᬦ᭄᭞ᬫᬶᬭᬶᬩ᭄ᬫᬳᬮᬶᬗᬦ᭄᭞ᬤᬶᬢᬫ᭄ᬩᬸᬩᬸᬦᬾᬫᬦᭂᬧᬶ᭞ᬫᬢᭂᬧᬶᬩᬭᬓ᭄ᬗᬢᬶᬭᬄ᭟ᬬᬾᬦ᭄ᬧᬃᬡ᭄ᬦᬬᬂᬦᬸᬦᬸᬲᬾᬳᬶᬮᬲᭀᬦ᭄ᬲᬵᬭᬷ᭞ᬲᬵᬭᬷᬦ᭄ᬦᬕᬧᬸᬱ᭄ᬧ᭞ᬫᬲᭂᬧᬸᬦ᭄ᬳᬫ᭄ᬧᭂᬳᬂᬳᬗᬶᬦ᭄᭞ᬳ
ᬗᬶᬦ᭄ᬲᬳᬕᬺᬄᬫᬦ᭄ᬤ᭄ᬭᬵ᭟ᬫᬦ᭄ᬤ᭄ᬭᬓᬤᬶᬧᬗ᭄ᬭᬶᬂᬭᬶᬂᬳᬶᬢᬥᬳᬰᬶᬄ᭞ᬓᬢᬶᬗ᭄ᬕᬮᬦ᭄ᬩᬸᬮᬦ᭄᭞ᬫ᭠ᬢᬶᬗ᭄ᬕᬮ᭄ᬦᬸᬳᬮᬶᬦᬮᬶᬦ᭄᭞ᬫᬦᭀᬮᬶᬄᬳᬶᬮᬬᭀᬦ᭄ᬲ᭄ᬓᬃ᭟ᬓᭂᬫ᭄ᬩᬂᬳᬶᬋᬂᬲᬗ᭄ᬕᬮᬗᬶᬢ᭄ᬢᭀᬤᬶᬂᬯᬭᬶᬄ
ᬮᬗ᭄ᬕᭂᬂᬦᬗ᭄ᬕᬸᬂᬦ᭄ᬢ᭞ᬓᬯ᭄ᬮᬲᬰᬶᬄᬳᬫ᭄ᬮᬤᬰᬶᬄ᭞ᬓᬲᬶᬳᬦ᭄ᬢᬦ᭄ᬧᬳᬸᬲᬤ᭄ᬟ᭟ᬫᬳᭀᬱᬰᬶᬲᬤ᭄ᬟᬦᬦᬶᬂᬗᬮᬧ᭄ᬰᬶᬄ᭞ᬓᬰᬶᬳᬦᬶᬂᬬᬬᬄ᭞ᬳᬲᬸᬦᬸᬢᬦ᭄ᬧᬯᬢ᭄ᬕᬢᬶ᭞ᬕᬢᬶᬦᬶᬂᬓᬦ᭄ᬤᭂᬳᬦ᭄ᬤ᭄ᬭᬶᬬ᭟ᬓᬤᬶ
ᬕᭂᬦ᭄ᬢᬳᬾᬃᬢᬮᬶᬳᬶᬲ᭄ᬦᬶᬂᬳᬓ᭄ᬱᬶ᭞ᬤ᭄ᬬᬸᬲᭂᬦ᭄ᬚ᭄ᬭᭀᬦᬶᬂᬢᬶᬮᬫ᭄᭞ᬫ᭄ᬩᬸᬓ᭄ᬢ᭄ᬬᬂᬳᬶᬮᬮᭀᬦ᭄ᬲᬵᬭᬷ᭞ᬧ᭄ᬭᬮᬶᬦᬵᬰᬸᬤ᭄ᬟᬦᬶᬂᬫᬦᬄ᭟ᬲᬸᬓ᭄ᬱ᭄ᬫᬮᬶᬖᬦᬶᬃᬯᬲ᭄ᬚᬸᬭᬱᬤᬶᬂᬳᬢᬶ᭞ᬢᬢᬦ᭄ᬧᬳᬫᭂᬗᬦ᭄᭞ᬭᬲ
[᭑᭑ 11A]
ᬦᬶᬂᬲᬸᬓ᭄ᬱ᭄ᬫᬧᬶᬦᬗ᭄ᬕᬶᬄ᭞ᬲᬸᬓ᭄ᬱ᭄ᬫᬫᬸᬓ᭄ᬢᬶᬰ᭄ᬫᬭᬮᬬ᭟ᬮᬬᬢ᭄ᬦᬫᬸᬦᬫᬸᬢᬦ᭄ᬧᬭᬯᬢ᭄ᬫᬮᬶᬄ᭞ᬲᬯᬢ᭄ᬫᬗ᭄ᬕᬕᬡ᭞ᬳᬫᬸᬂᬓᬸᬓᬸᬲ᭄ᬳᬸᬕᬶᬤᬭᬶ᭞ᬲᬫᬵᬃᬲᬭᬸᬫᬢᬺᬫᬢᬺ᭟ᬮᬶᬦ᭄ᬢᬂᬲᬢ᭄ᬳᭂᬚᭀᬄᬲᬦᬾᬦᬾᬳᬸᬧ
ᬤᬶ᭞ᬲᬳᬶᬧ᭄ᬢᭂᬮ᭄ᬫᬄ᭞ᬭᬲᬜᬳᬸᬲᬸᬤ᭄ᬳᬸᬲᬸᬤᬶᬦ᭄᭞ᬩᬗᬸᬦ᭄ᬩᬩᬂᬗᬸᬲᬫ᭄ᬫᬸᬯ᭟ᬳᬤᬸᬄᬭᬢᬸᬭᬲᬜᬳᬶᬭᬢᬸᬤᬶᬦᬶ᭞ᬲᬳᬶᬧ᭄ᬢᭂᬂᬮ᭄ᬫᬄ᭞ᬧᬶᬦ᭄ᬤᬜᬢ᭄ᬬᬂᬫᬗᬶᬭᬶᬂ᭞ᬳᬶᬤ᭄ᬟᬲᬳᬶᬫᬓᬮ᭄ᬕᬦ᭄᭟ᬤᬤᬶᬳᬶᬗᭂᬢ᭄ᬢᭂ᭠
ᬓᬦ᭄ᬤᬯᬦ᭄ᬫᬦᬸᬫᬤᬶ᭞ᬤᬶᬕᬸᬫᬶᬦᬾᬕᬬᬂ᭞ᬲᬶᬂᬮᬓᬸᬦᬶᬩᬬᬂᬧ᭄ᬮᬶᬄ᭞ᬧ᭄ᬮᬶᬄᬩᬦ᭄ᬫᬚᬾᬳᬦ᭄ᬕᭂᬦᬄ᭟ᬮᬘᬹᬃᬫᭂᬦ᭄ᬢᬶᬓ᭄ᬢᬸᬫ᭄ᬩᬸᬄᬤᬶᬕᬸᬫᬶᬦᬾᬓᬵᬮᬶ᭞ᬓᬮᬶᬯᬢ᭄ᬲᬗ᭄ᬲᬭ᭞ᬓᬲᬂᬲᬂᬧᬋᬓᬦ᭄ᬳᬶᬫᬡᬶᬓ᭄᭞ᬤᬶᬚᬪᬝ
ᬭᬦᬾᬲ᭄ᬯᬾᬘ᭄ᬘ᭟ᬤᬸᬄᬳᬫ᭄ᬧᬸᬭᬭᬵᬢᬸᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬭᬸᬧᬓᬤᬶᬰᬧᬄ᭞ᬢᬶᬢ᭄ᬬᬂᬫᬫᬋᬓ᭄ᬳᬶᬫᬡᬶᬓ᭄᭞ᬲᬵᬫ᭄ᬧᬸᬦ᭄ᬫᬦᭂᬄᬢᬸᬦᬫᬦᬄ᭟ᬫᬦᬄᬢᬶᬢ᭄ᬬᬂᬲᬵᬢ᭄ᬲᬵᬫ᭄ᬧᬸᬦ᭄ᬫᬋᬓᬦ᭄ᬲᬳᬶ᭞᭠
Kaca:Bali-lontar-gaguritan-tatuptupan-350ppi.pdf/11
Kaca puniki sampun kauji-wacén
