[᭑᭐᭔ 104B]
᭑᭐᭔
ᬕᬤᬓ᭄᭞ᬫᬯᬸᬯᬸᬄᬯᬸᬯᬸᬄᬓᭀᬩᭂᬢᬾ᭞ᬫᬯᬶᬦᬦ᭄ᬢᬶᬢ᭄ᬬᬂᬭᬢᬸ᭞ᬧ᭄ᬭᬫᬗ᭄ᬓᬶᬦᬦ᭄ᬭᬯᬸᬄᬫᬭᬶᬓᬶ᭞ᬗ᭄ᬭᬭᬶᬲᬼᬮᭂᬩ᭄ᬫᬋᬓᬦ᭄᭞ᬓᬵᬗ᭄ᬕᬾᬦ᭄ᬧᬫᬶᬂᬢᬸᬳᬸ᭞ᬫᬤᬾᬯᬾᬓ᭄ᬲᬸᬭᬵᬢ᭄ᬧᬗᬭᬂ᭞ᬫᬸᬗ᭄ᬕ᭄ᬯᬶᬂᬓᬺᬢᬲ᭄᭞ᬲ᭄ᬯᬾᬘ
ᬳᬶᬭᬢᬸᬫᬯᭀᬲᬶᬦ᭄᭞ᬢ᭄ᬭᬶᬫᬲᬵᬫ᭄ᬧᬸᬦ᭄ᬗᭂᬦ᭄ᬢᬸᬗᬂ᭚ᬓᬸ᭚ᬭᬢᬸᬤ᭄ᬯᬵᬕᬸᬂᬦᬶᬃᬫᬍᬳᬦ᭄ᬤᬵᬯ᭄ᬯᬲᬸᬘᬶ᭞ᬕᬫᭂᬮ᭄ᬫᬦᬄᬢᬶᬢ᭄ᬬᬂ᭞ᬢ᭄ᬬᬂᬫᬗᬢᬸᬭᬂᬳᬸᬭᬶᬧ᭄᭞ᬭᬶᬂᬲᬸᬭᬵᬢᬾᬳᬓ᭄ᬱᬶᬦ᭄ᬳᬶᬤ᭄ᬟᬵ᭟ᬦᬶᬓᬶᬳᬶᬧᬸᬦ᭄ᬦᬃᬢᬬᬂ᭠
ᬗᬢᬸᬭᬂᬲᬫᬶ᭞ᬘᬘᬶᬭᬾᬦᬾᬧᬶᬲᬦ᭄᭞ᬫᬯᬱ᭄ᬝᬳᬶᬮᬬᬂᬲᬵᬭᬷ᭞ᬫᬶᬚᬶᬮ᭄ᬲᬓᬶᬂᬚ᭄ᬭᭀᬦᬶᬂᬫᬦᬄ᭟ᬓᬭᬶᬳᬮᬶᬢ᭄ᬤᬸᬭᬸᬂᬢᬢᬲ᭄ᬦᬫ᭄ᬧᬶᬫᬸᬜᬶ᭞ᬘᬸᬘᬸᬤᬾᬓᬮᬶᬦ᭄ᬢᬂ᭞ᬓᬾᬬᭂᬧ᭄ᬫᬭᬗᬶᬗᭂᬃᬫᬸᬜᬶ᭞ᬓᬮᬶᬄᬤᬸᬭᬸᬂᬦᬳᭂ᭠
ᬦ᭄ᬧᬶᬯᬮ᭄᭟ᬭᬾᬄᬢᬦ᭄ᬫᭂᬳᬢᬶᬢ᭄ᬬᬂᬯᬯᬸᬓᬢᬶᬗ᭄ᬕᬮᬶᬦ᭄᭞ᬗᬶᬭᬶᬂᬗᬚᬩᬬᬂ᭞ᬭᬯᬸᬄᬭᬶᬂᬩᬜ᭄ᬘᬶᬗᬄᬯ᭄ᬬᬓ᭄ᬢᬶ᭞ᬩ᭄ᬗᭀᬂᬢᬶᬢ᭄ᬬᬂᬫᬧᬗᭂᬦᬦ᭄᭟ᬭᬭᬶᬲ᭄ᬫᬸᬗ᭄ᬕᬄᬓᬫᭀᬢᭀᬭᬾᬲᬋᬂᬲᬫᬶ᭞ᬮᬶᬦ᭄ᬢᬂᬲᬶᬗ᭄ᬳᬭ
[᭑᭐᭕ 105A]
ᬚ᭞ᬗᭂᬲᭂᬃᬢᭀᬂᬩᬓᬢ᭄ᬮ᭄ᬬᬢᬶᬦ᭄᭞ᬲᬵᬫ᭄ᬧᬸᬦ᭄ᬳᬤᭀᬄᬓ᭄ᬮᬧ᭄ᬓᭂᬮᬧ᭄᭟ᬩ᭄ᬗᭀᬂᬲᬯᬢ᭄ᬫᬦ᭄ᬢᬸᬓᬦ᭄ᬫᬓᬜ᭄ᬘᬶᬂᬓᬸᬭᬶ᭞ᬢᬦ᭄ᬲᬄᬤᬶᬧ᭄ᬤᭂᬫᬦ᭄᭞ᬬᬾᬄᬫᬢ᭄ᬣᬦᬾᬤᬺᬲ᭄ᬫᬶᬚᬶᬮ᭄᭞ᬫᬾᬮᬶᬂᬢᬶᬢ᭄ᬬᬂᬓᬢᬶᬗ᭄ᬕᬮᬦ᭄᭟ᬯ᭠
ᬯᬸᬧᬸᬍᬲ᭄ᬢᬦ᭄ᬫᭂᬳᬵᬲᬕᬾᬢᬦ᭄ᬗᬶᬧᬶ᭞ᬢᬦ᭄ᬲᬳᭀᬲ᭄ᬦᬾᬳᬚᬧ᭄᭞ᬧᬶᬦ᭄ᬤᬜᬭᬯᬸᬄᬦᬶ᭠ᬜ᭄ᬚᬾᬯᬶᬦ᭄᭞ᬗᬶᬘᬾᬦ᭄ᬤᬾᬫ᭄ᬧᭀᬲᬲᭀᬗ᭄ᬓᬢᬦ᭄᭟ᬥ᭄ᬫᬸᬂ᭚ᬥ᭄ᬫᬸᬂᬕᬸᬤᬶᬕ᭄ᬫᬯᬲ᭄ᬢᬳᬶᬲᬸᬤᬚ᭄ᬜ᭠
ᬦ᭞ᬢᬶᬢ᭄ᬬᬂᬲᬤ᭄ᬬᬓᬳᬸᬢᬸᬲ᭄᭞ᬧᬋᬓ᭄ᬭᬶᬂᬳᬶᬭᬢᬸ᭞ᬫᬤᬾᬯᬾᬓ᭄ᬓᬶᬤᬸᬂᬧᬗᬯᬶ᭞ᬫᬶᬤᬃᬢ᭄ᬣᬬᬂ᭠ᬢᬶᬗ᭄ᬓᬄ᭞ᬳᬶᬤ᭄ᬟᬭᬳᬶᬦ᭄ᬘᭀᬓᭀᬭᬢᬸ᭞ᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬳᬶᬤᬳᬶᬤ᭄ᬯᬵᬕᬸᬂᬳᬶᬲ᭄ᬢ᭄ᬭᬶ᭞ᬲᬸᬗ᭄ᬲᬸᬢ᭄ᬯᬳᬸᬓ
ᬢᬶᬗ᭄ᬕᬮᬦ᭄᭞ᬲᬧᬫᬵᬃᬕ᭄ᬕᬶᬦ᭄ᬳᬶᬭᬢᬸᬫᬦ᭄ᬢᬸᬓ᭄᭟ᬫᬳᬯᬦᬦ᭄ᬭᬢᬸᬯᬾᬦ᭄ᬢᭂᬦ᭄ᬧᬯᬘᬡ᭞ᬢᬶᬢ᭄ᬬᬂᬓᬸᬮᬸᬲ᭄ᬫᬳᬢᬹᬃ᭞ᬤᬕᬶᬂᬳᬶᬧᬸᬦ᭄ᬭᬢᬸ᭞ᬢᬶᬢ᭄ᬬᬂᬓᬧᬶᬢ᭄ᬮᬲ᭄ᬲᬫᬶ᭞ᬗ᭄ᬭᬭᬶᬲ᭄ᬤᬤᭀᬲ᭄ᬳᭀᬃ᭞ᬳᬢ᭄᭞ᬓᬳ
Kaca:Bali-lontar-gaguritan-tatuptupan-350ppi.pdf/105
Kaca puniki sampun kauji-wacén
