[᭑᭐᭐ 100B]
᭑᭐᭐
ᬫᬵᬲ᭄᭚ᬩᬕᬶᬫᬦᬭᬢᬸᬫᬦᬅ᭄ᬫᬸᬗ᭄ᬓᬶᬃᬚᬜ᭄ᬚᬶ᭞ᬦᬶᬧᬸᬳᭀᬭᬂᬫ᭄ᬮᬭᬢ᭄᭞ᬫᬫ᭄ᬩᬶᬓᬶᬦ᭄ᬓᭂᬦ᭄ᬲᬸᬭᬄᬳᬢᬶ᭞ᬲᬫ᭄ᬧᬾᬅ᭄ᬢᬶᬤᬅ᭄ᬓᬶᬭᬳᬫ᭄ᬩᬵ᭟ᬘᬸᬫᬅ᭄ᬳᬤᬫᭂᬫ᭄ᬩᬯᬅ᭄ᬧᬶᬢ᭄ᬦᬄᬓ᭄ᬫᬭᬶ᭞ᬳᬶᬢᬸᬜ᭄ᬩᬩ᭄ᬓ᭠
ᬦ᭄᭞ᬢᭂᬃᬮᬮᬸᬮᬸᬫᬲ᭄ᬓᬮᬶ᭞ᬫᬗ᭄ᬓᬦ᭄ᬭᬸᬲ᭄ᬓᬦ᭄ᬩᭂᬮᬲ᭄ᬓᭂᬲ᭄ᬬᬦ᭄᭟ᬬᬂᬢᭂᬃᬮᬮᬸᬧᬶᬦ᭄ᬢᭂᬃᬫ᭄ᬗᬲᬶᬄᬧᬜᬓᬶᬢ᭄᭞ᬗᬩᬶᬲ᭄ᬓᬦ᭄ᬧᬶᬓᬶᬭᬦ᭄᭞ᬫᬶᬱ᭄ᬝᬶᬮ᭄ᬓᬲ᭄ᬳᬫ᭄ᬩᬫᬵᬢᬶ᭞ᬲᬸᬧᬬᬤ᭄ᬬᬭᬾᬮᬘᬶᬢ᭄ᬢ᭟ᬚᬓᬅ᭄ᬩᭀ᭠
ᬮᬾᬄᬫᬅ᭄ᬮᬸᬫ᭄ᬓᭂᬦ᭄ᬲ᭄ᬓᬮᬶᬓᬮᬶ᭞ᬢ᭄ᬭᬶᬫᬳᬶᬦᬶᬳᭀᬃᬫᬢ᭄᭞ᬚᬗᬦ᭄ᬗᬸᬫ᭄ᬩᬮᬶᬓᭂᬦ᭄ᬮᬕᬶ᭞ᬢ᭄ᬭᬸᬲ᭄ᬤᬶᬓ᭠ᬲᬶᬄᬩᬍᬲᬦ᭄᭚ᬥᬂ᭚ᬭᬢᬸᬳᬕᬸᬂᬳᬬᬸᬦᬾᬢᬦ᭄ᬧᬢᬦ᭄ᬤᬶᬂ᭞ᬢ᭄ᬯᬭᬩᬓᬢ᭄᭞ᬩᬳᬦ᭄ᬫᬗᬶ᭠
ᬭᬶᬩᬂ᭞ᬩᬦ᭄ᬯᭂᬓᬲ᭄ᬚᬓᬵᬬᭀᬦᬾ᭞ᬪ᭄ᬝᬭᬶᬭᬢᬶᬄᬦᬸᬗ᭄ᬓᬸᬮ᭄᭞ᬗ᭄ᬕᬳᬾᬕᬦ᭄ᬢᬸᬢ᭄ᬓᬬᬸᬦ᭄ᬲᬂᬓᬯᬶ᭞ᬓᬸᬤ᭄ᬬᬂᬧᬘᬂᬜᬯᬗᬂ᭞ᬗᬸᬗ᭄ᬕᬸᬳᬂᬤᬶᬓᬶᬥᬸᬂ᭞ᬚᬯᬶᬦᬶᬂᬳᬮᬄᬧᬗ᭄ᬲᭂᬕᬂ᭞ᬦᬕ᭄ᬮᬂᬓᬭᬲ᭄᭞ᬩ᭄ᬗᭀᬂᬦᬍ
[᭑᭐᭑ 101A]
ᬓ᭄ᬢᭂᬓᬂᬮᬗᬶᬢ᭄᭞ᬢᭀᬂᬩᬦᬶᬫᬳᬗ᭄ᬓᬶᬳᬦ᭄᭟ᬦᬶᬓᬲᬗ᭄ᬓᬅ᭄ᬢᬶᬢ᭄ᬬᬂᬗᬸᬓᬧᬦ᭄ᬢᬶᬂ᭞ᬳᭀᬲᬳᬸᬬᬂ᭞ᬧᬮᬶᬂᬫᬫᬸᬮᬗ᭄ᬲᬃᬩᬦ᭄ᬥᬸᬮᬸᬓ᭄ᬦᭂᬄᬢᬶᬬᬗᬾ᭞ᬧ᭄ᬢᭂᬂᬮ᭄ᬫᬄᬫᬦ᭄ᬤᬸᬯᬸᬄ᭞ᬓ᭄ᬩᬸᬲ᭄ᬩᬳᬂᬩᬸᬓᬫᬕᬸᬮᬶᬂ᭞ᬧᬦ᭄ᬤᬸ
ᬲᬂᬩᬸᬲᬦ᭄ᬩᬸᬲᬦ᭄᭞ᬳᬾᬗ᭄ᬕᬮᬦ᭄ᬗᬮᬶᬫᬸᬄ᭞ᬓ᭄ᬮᬫ᭄ᬧᭂᬢ᭄ᬤᬤᭀᬲ᭄ᬫᬦᬶᬯᬂ᭞ᬲᬮᬄᬧᬭ᭞ᬩᬬᬸ᭠ᬦᬾᬩᬋᬤᭂᬕ᭄ᬢᬭᬶᬓ᭄᭞ᬭᬸᬦ᭄ᬢᬕ᭄ᬩᬸᬓᬧ᭄ᬭᬮᬬᬵ᭟ᬬᬦ᭄ᬢᬦ᭄ᬤ᭄ᬯᬕᬸᬂᬓᬬᬸᬦ᭄ᬫᬦᬫ᭄ᬩᬓᬶᬦ᭄᭞ᬳᬶᬲᬗ᭄ᬲᬭ᭞
ᬓᬾᬦᬾᬓᬤᬸᬄᬓᬶᬢᬦ᭄ᬤᬶᬩᬲ᭄ᬓᬤᬮᭀᬦ᭄ᬲᬓᬶᬢᬾ᭞ᬢᬦᬸᬭᬸᬂᬤᬤᬶᬩᬸᬤᬸᬄ᭞ᬭᬢᬸᬫᬸᬂᬧᬸᬂᬯᬯᬸᬳᬓᬶᬤᬶᬓ᭄᭞ᬗ᭄ᬕᬶᬄᬓᬾᬕ᭄ᬮᬶᬲᬂᬢᬯᬃ᭞ᬳᬧᬂᬢᬶᬢ᭄ᬬᬂᬳᬶᬤᬸᬧ᭄᭞ᬢᬶᬢ᭄ᬬᬂᬫᬲᬗ᭄ᬕᬸᬧ᭄ᬫᬫᬜ᭄ᬚᬓ᭄᭞ᬳ
ᬳᬶᬤᬸᬧᬦ᭄᭞ᬚᬸᬭᬸᬓᬳᬸᬢᬸᬲ᭄ᬗᭂᬲᬾᬗᬶᬦ᭄᭞ᬦᬾᬫᬦ᭄ᬢᬸᬓ᭄ᬤᬶᬧᬓᬬᬸᬦᬦ᭄᭟ᬲᬧᬦᬶ᭠ᬢᬄᬢᬶᬢ᭄ᬬᬂᬯᬦ᭄ᬢᬄᬗᬶᬭᬶᬂ᭞ᬧ᭄ᬓᬬᬸᬦᬦ᭄᭞ᬬᬦᬶᬂᬢ᭄ᬯᬭᬲᬮᬄ᭞ᬓᬧᭀᬗᭀᬃᬧᬶᬢ᭄ᬯᬶᬫᬓ᭄ᬮᬾ᭠
Kaca:Bali-lontar-gaguritan-tatuptupan-350ppi.pdf/101
Kaca puniki sampun kauji-wacén
