Kaca puniki sampun kauji-wacén
[᭗᭗77B]
᭗᭗
ᬦ᭄ᬨᬮ᭟ᬩᭀᬚᭀᬮ᭄ᬧᬸᬢᬶᬄᬓᬓᬶᬭᬗᬦ᭄᭞ᬦᬸᬮᬶᬸᬕᬶᬢᭂᬮᬲ᭄ᬧᬸᬦ᭄ᬓᬧᬶᬓ᭄ᬧᬶᬓ᭄᭞ᬤᬯᬸᬦ᭄ᬜᬦᬾᬕᭂᬮᬕᬭᬦ᭄᭞ᬘᬭᬂᬜᬦᬾᬳᬮᬧ᭄ᬫ
ᬮᬶᬄ᭞ᬭᬱᬦ᭄ᬜᬦᬾᬢᬍᬃᬫᬦᬶᬲ᭄᭞ᬧᬢᬸᬄᬓᬤᬶᬯᭀᬄᬳᬶᬧᬸᬦ᭄᭞ᬓᬢᭂᬮᬲᬂᬲᬫ᭄ᬧᬾᬘᬫ᭄ᬧᬂ᭞ᬤᬸᬭᬸᬂᬯᬋᬕ᭄᭞ᬯᭀᬭᬾᬧᬸᬢᬶᬄ᭞
ᬘᬫᬸᬲ᭄ᬘᬫᬸᬲ᭄᭞ᬧᬸᬜᬦ᭄ᬜᬦᬾᬫᬮᬶᬄᬓᬧᬓ᭄ᬧᬓ᭄᭟ᬢᬍᬃᬤᬸᬭᬸᬂᬯᬦᭂᬳᬦ᭄᭞ᬩᭀᬗ᭄ᬓᭀᬮ᭄ᬜᬦᬾᬕᬶᬮᬸᬢ᭄ᬫᬮᬶᬄ᭞ᬦᬸᬕᬶᬢᭂᬮᬄ
ᬲᬫ᭄ᬧᬾᬳᬓᬄ᭞ᬯᬾᬢᭂᬗᬾᬓᭂᬫ᭄ᬩᬸᬂᬫᬺᬤᬶᬕ᭄ᬤᬶᬕ᭄᭞ᬳᬸᬦ᭄ᬤᬧ᭄ᬳᬸᬦ᭄ᬤᬧ᭄ᬫᬜᬸᬗ᭄ᬓᭂᬮᬶᬂ᭞ᬳᬶᬯᬵᬦᬭᬧᬸᬍᬲ᭄ᬤᬶᬢᬸ᭞ᬧᬦᬸᬗ᭄ᬕᬸᬦ᭄ᬢᬫᬦᬾᬓᭀ
[᭗᭘78A]
ᬘᬧ᭄᭞ᬲᬫᬶᬢᬦ᭄ᬧᬧᬸᬭᬸᬦ᭄ᬗᬫ᭄ᬧᬢᬶᬦ᭄᭞ᬧᬥᬢᬓᬸᬢ᭄᭞ᬲᬮᬶᬂᬤᬮᬶᬄᬫᬜ᭄ᬚᬸᬳᬦ᭄᭟ᬓᬮᬶᬄᬚᬕᬢᬾᬗᬯᬶᬦᬂ᭞ᬫᬗ᭄ᬮᬦ᭄ᬢᬭᬶᬦ᭄
ᬯᭀᬭᬾᬧᬸᬢᬶᬄ᭞ᬧᬥᬗ᭄ᬭᬸᬲᬓ᭄ᬫᬭᬶᬂᬲ᭄ᬯᬃᬕ᭄ᬕᬦ᭄᭞ᬢᬸᬓᬂᬢᬫᬦ᭄ᬧᬥᬭᬶᬫ᭄ᬭᬶᬧ᭄᭞ᬯᬾᬦ᭄ᬢᭂᬦ᭄ᬧᬭᬸᬦ᭄ᬧᬸᬦ᭄ᬓᬧᬸᬭᬶ᭞ᬗᬸᬦᬶᬗᬬᬂᬭᬶᬂᬳ᭄ᬬᬂᬕᬸᬭᬸ᭞ᬢ
ᬭᬸᬘᬧᬦ᭄ᬫᬭᬶᬂᬚᬮᬦ᭄᭞ᬧᬋᬓᬦ᭄ᬭᬯᬸᬄᬓᬧᬸᬭᬶ᭞ᬦᬸᬮᬶᬫᬢᬸᬃ᭞ᬲᬶᬗ᭄ᬕᬶᬄᬭᬵᬢᬸᬧᬦᭂᬫ᭄ᬩᬳᬦ᭄᭟ᬧᬸᬓᬸᬮᬸᬦ᭄ᬧᬢᬶᬓ᭄ᬪᬝᬵᬭᬢᬶᬢ᭄ᬬᬂ
ᬢᬸᬓᬂᬢᬫᬦ᭄ᬧ᭄ᬭᬧ᭄ᬢᬶ᭞ᬫᬗᬸᬦᬶᬗᬂᬳᬶᬯᬵᬦᬭ᭞ᬫᬗ᭄ᬭᬸᬲᬓᬂᬢᬭᬸᬩᬸᬥᬶ᭞ᬢᭂᬮᬲ᭄ᬓᬧᬗᬦ᭄ᬲᬫᬶ᭞ᬢᬭᬸᬩᭀᬗ᭄ᬓᭀᬮ᭄ᬧᬜ᭄ᬘᭂᬃᬲ
