Kaca puniki sampun kauji-wacén
[᭖᭔64B]
ᬯᬸᬄ᭞ᬦᬶᬫ᭄ᬩᬂᬤᬶᬦᬧᬤᬾᬯᬰᬦ᭄᭞ᬓᬪᬶᬱᬾᬓᬜᭂᬦ᭄ᬤᬶᬫᬗ᭄ᬓᬶᬦ᭄᭟ᬧᬸᬧᬸᬢ᭄ᬳᬤᬸᬂᬢᬢᬶᬫ᭄ᬩᬗᬦ᭄᭞ᬰᬰᬶᬄᬩᭂᬘᬶᬓ᭄᭞ᬧᬶᬢᬸᬂᬤᬶᬦᬲ
ᬓᬶᬂᬫᬗ᭄ᬓᬶᬦ᭄᭞ᬬᬤᬶᬦ᭄ᬢᬗ᭄ᬕᬮ᭄ᬢᬍᬃᬳᬤᬸᬂ᭞ᬧ᭄ᬭᬣᬶᬣᬶᬚᬢᬶᬫᬦᬸᬚ᭄ᬯᬂᬲᬫ᭄ᬧᬸᬦ᭄ᬭᬕᭂᬫ᭄᭞ᬅᬦ᭄ᬢᬧᬸᬭᬶᬦᬾᬲᬢᬸᬚᬸ᭞ᬤᬾᬧᬢᬶᬄᬫᭂᬗ᭄ᬓᬸᬦᬵ
ᬕᬭ᭞ᬲᬯᬾᬕᬜᬫ᭄ᬩ᭄ᬯᬓᬂᬕᭂᬮᬶᬲ᭄᭟ᬧᬜ᭄ᬚᬓ᭄ᬫᭂᬲᬶᬃᬫᬗᬋᬧᬂ᭞ᬘᬶᬳ᭄ᬦᬪᬓ᭄ᬢᬶ᭞ᬲ᭄ᬬᬂᬮᬢ᭄ᬭᬶᬓᬧᬸᬭᬶ᭞ᬲᬳᬩᬋᬂᬫᬧ᭄ᬯᬗᬸᬦ᭄᭞ᬫ
ᬩᬕᬶᬩᬕᬶᬗᬃᬥᬶᬕ᭄ᬦᬄᬧᬥᬲ᭄ᬬᬕ᭞ᬭᬯᬸᬄᬢᭂᬓᬾᬂᬓᬸᬦ᭄ᬢᬸᬃᬓᭂᬢᬸᬃ᭞ᬧᬸᬭᬶᬦᬾᬲᬫᬶᬫᬧᬬᬲ᭄᭞ᬢᭂᬮᬲ᭄ᬲᬫ᭄ᬬᬦ᭄ᬪᬶᬦᬶᬳᬚᬶ᭟
[᭖᭕65A]
ᬗᬃᬥᬶᬳᬶᬦ᭄ᬤᬶᬓ᭄ᬳᬸᬧᬓᬭ᭞ᬭᬯᬸᬄᬫᬗ᭄ᬓᬶᬦ᭄᭞ᬤᬾᬯᬰᬦᬾᬚᬕᬫᬓᬃᬥᬶ᭞ᬭᬵᬚᬧᬸᬢ᭄ᬭᬧᬸᬧᬸᬢ᭄ᬲᬫ᭄ᬧᬸᬦ᭄᭞ᬫᬪᬹᬱᬡᬲᬃᬯ᭄ᬯᬫᬸ
ᬮ᭄ᬬ᭞ᬓᬧᭀᬤ᭄ᬕᬮ᭞ᬦᬭᬶᬂᬩᬮᬾᬫᬲ᭄ᬫᬮᬸᬗ᭄ᬕᬸᬄ᭞ᬓᬪᬶᬱᬾᬓᬗᭀᬤᬕ᭄ᬚᬕᬢ᭄᭞ᬳᬲᬦ᭄ᬢᬶᬲᬂᬳᬱ᭄ᬝᬲᬾᬦᬶ᭟ᬕᭀᬂᬩᭂᬥᬶᬮ᭄ᬭ
ᬫᬾᬳᬸᬫ᭄ᬬᬂ᭞ᬗ᭄ᬭᬲᬾᬂᬳᬢᬶ᭞ᬕᭂᬡ᭄ᬥᬶᬂᬩᬸᬩᬃᬫᬗᭂᬲ᭄ᬬᬩᬶᬦ᭄᭞ᬓᬤᬾᬜ᭄ᬘᭀᬂᬫᬤᬸᬮᬸᬃᬲᬸᬗᬸ᭞ᬫᬗᬯᬶᬦᬂᬩᬬᬸᬭᬸᬦ᭄ᬤᬄ᭞ᬧᬥᬕᬶᬭᬂ
ᬫᬶᬋᬂᬢᭂᬫ᭄ᬩᬂᬫᬮᬢ᭄ᬓᬶᬤᬸᬂ᭞ᬧᬸᬧᬸᬄᬓᬶᬤᬸᬂᬧᬕᬸᬦ᭄ᬢᬶᬗᬦ᭄᭞ᬚᬮᬦ᭄ᬮᬲᭂᬫᬾᬫᬩᬸᬜ᭄ᬘᬶᬂ᭟ᬧᬸᬧᬸᬢ᭄ᬓᬪᬶᬱᬾᬓᬦᬵᬣ᭞ᬮ᭄ᬯᬶᬄᬧᬧᬲᬶᬄ
