Kaca puniki sampun kauji-wacén
[᭕᭑51B]
᭕᭑
ᬦᬶᬭᬳᬋᬧ᭄ᬢᬸᬫᭀᬦ᭄᭟ᬕᬸᬬᬸᬫᬦᬶᬲ᭄ᬯᬓ᭄ᬬᬦ᭄ᬦᬶᬭᬲᬤᬫᬭᬸᬫ᭄᭞ᬳᬢᬜᬭᬶᬂᬲᬂᬪᬸᬧᬢᬶ᭞ᬦᬧᬶᬓᬵᬭᬡᬭᬵᬦᬓ᭄ᬓᬾᬯᬸᬄ᭞ᬗᬮᬾ
ᬧᬾᬲᬩᬦ᭄ᬯᭂᬗᬶ᭞ᬭᬥᬾᬦ᭄ᬤᬾᬯᬶᬜᬯᬶᬲ᭄ᬳᬮᭀᬦ᭄᭟ᬩᬶᬂᬩᬂᬳᬶᬗ᭄ᬲᬸᬦ᭄ᬓᬢᬶᬗ᭄ᬕᬮᬶᬦ᭄ᬭᬶᬂᬲᬂᬓᬓᬸᬂ᭞ᬲᭂᬗ᭄ᬓᬾᬢᬦᬾᬳᬮᬗᭂᬘᬶᬓ᭄᭞ᬮ
ᬓᬸᬲᬾᬮ᭄ᬯᬦ᭄ᬮᬸᬗ᭄ᬳᬵᬫᬦ᭄ᬢᬸᬓ᭄᭞ᬓᬜ᭄ᬘᬶᬢ᭄ᬫᬗ᭄ᬓᬶᬦ᭄ᬧᬮᬲ᭄ᬫᬸᬮᬶᬄ᭞ᬫᬳᬪᬭᬦ᭄ᬤ᭄ᬭᬶᬬᬦ᭄ᬳᬶᬗᭀᬂ᭟ᬜᬸᬯᬸᬦ᭄ᬳᬲᬸᬂᬤᬸᬄᬲᬂᬗ᭄ᬳᬸᬮᬸᬦ᭄ᬭᬦᬓ᭄ᬳᭂᬫ᭄ᬧᬸ᭞
ᬮᬫᬓᬦᬾᬲᬋᬂᬫᬸᬮᬶᬄ᭞ᬢᭂᬗᬄᬭᬯᬶᬭᬵᬢᬸᬩᬾᬲᬸᬓ᭄᭞ᬧ᭄ᬭᬪᬸᬫᭂᬲᬶᬃᬫᬢᬸᬃᬫᬮᬶᬄ᭞ᬢᬸᬮᬸᬗᭂᬦ᭄ᬧᬸᬢ᭄ᬭᬫᬲ᭄ᬳᬶᬗᭀᬂ᭟ᬲᬂᬧᬡ᭄ᬥᬶ
[᭕᭒52A]
ᬢᬫᬗᬦ᭄ᬤᬶᬓᬭᬶᬂᬳᬬᬸ᭞ᬯᭂᬓᬲ᭄ᬳᬚᬲᬶᬭᬫᬮᬶᬄ᭞ᬳᬫᬾᬢ᭄ᬢᬶᬃᬣᬳᬮᬍᬢᬸᬄ᭞ᬫᬦᬤᬶᬳᬕᬸᬂᬫᬦᬺᬱ᭄ᬝᬶ᭞ᬫᬗ᭄ᬓᬾᬩᬦ᭄ᬤᬶᬗᬦᬾᬳ
ᬗᭀᬢ᭄᭟ᬩᬤᬶᬄᬩᬤᬶᬄᬩᬩᬯᬾᬲᬾᬤᬸᬄᬲᬂᬳᬬᬸ᭞ᬓᬕᬸᬗᬦᬾᬬᬦ᭄ᬳᬸᬧᬫᬶ᭞ᬲᬳᬸᬫᬲᬢ᭄ᬩᬸᬓ᭄ᬫᬭᬶᬂᬲᬸᬓᬸ᭞ᬬᬤᬶᬦ᭄ᬓᬲᬸᬕᬶᬬᬦ᭄ᬫ
ᬮᬶᬄ᭞ᬯᬮᬸᬬᬗᭂᬫ᭄ᬧᭂᬮ᭄ᬲᬃᬯ᭄ᬯᬓᭀᬢᭀᬃ᭟ᬤᬰᬾᬦ᭄ᬤ᭄ᬭᬶᬬᬯᬮᬸᬬᬭᬕᬦᬾᬗᬸᬩᬸᬄ᭞ᬧᬸᬦᬶᬓᬫᬦᬤᭀᬲ᭄ᬢᬮᬶ᭞ᬦᭂᬕᬸᬮ᭄ᬳᬯᬓ᭄ᬳᬧᬂ
ᬭᬶᬓᬸᬄ᭞ᬳᬩᭀᬢ᭄ᬧᬘᬂᬫᬗᭂᬫ᭄ᬩᬸᬲᬶᬦ᭄᭞ᬢᬮᬶᬩᬓᬸᬄᬮᬶᬦ᭄ᬢᬂᬓᬯᭀᬢ᭄᭟ᬜᬸᬯᬦ᭄ᬳᬫ᭄ᬧᬸᬦ᭄ᬲᬂᬤᬾᬯᬶᬲᬃᬯ᭄ᬯᬗᬤᭂᬓᬸᬂ᭞ᬲᬶᬗ᭄ᬕᬶᬄ
