Kaca puniki sampun kauji-wacén
[᭔᭙49B]
᭔᭙
ᬫᬤᬯᬸᬦ᭄ᬭᭀᬦ᭄ᬢᬮ᭄᭞ᬲᭀᬓᬾᬕᭂᬦᭂᬧ᭄ᬧᬸᬦ᭄ᬫᬤᬕᬶᬂ᭞ᬭᬭᬚᬳᬦ᭄ᬧᬤ᭄ᬫᬳᬺᬥᬬ᭞ᬧ᭄ᬭᬶᬧᬶᬄᬘᬡ᭄ᬥᬦᬫᬢᬸᬮᬶᬲ᭄᭞ᬤᬕᬶᬂᬚᭀᬂᬫᬶᬯᬄ
ᬚᬶᬚᬶᬄ᭞ᬧᬍᬫᬤᭀᬦ᭄᭞ᬮ᭄ᬯᬶᬃᬳᬶᬧᬸᬦ᭄᭞ᬫᬲ᭄ᬫᬶᬭᬄᬩᬜᬸᬫᬲ᭄᭞ᬚᬶᬦᬄᬩᭂᬦᬂᬗᬭᬦ᭄ᬧᬸᬤᬶ᭞ᬲᭂᬫᬢ᭄ᬚᬳᬸᬫ᭄᭞ᬓᬧᬸᬢ᭄ᬳᬦ᭄ᬢᬸᬓ᭄ᬯᬲ᭄ᬢ᭄ᬭ
ᬧᭂᬢᬓ᭄᭟ᬫᬮᬶᬄᬩᬩᬦ᭄ᬢᭂᬦᬾᬜᭂᬓᬄ᭞ᬲᬸᬘᬶᬯᬢᬸᬃᬧ᭄ᬭᬲ᭄ᬫᬮᬶᬄ᭞ᬦᬲᬶᬕᬮᬳᬦ᭄ᬧᬸᬦᬶᬓ᭞ᬘᬢᬸᬃᬲᬲᬄᬢᬍᬃᬓᬾᬗᬶᬦ᭄᭞ᬧᬸᬧᬸ
ᬢ᭄ᬲᬫ᭄ᬧᬸᬦ᭄ᬕ᭄ᬮᬶᬲ᭄ᬳᬬᬩᬶᬦ᭄᭞ᬧᬶᬡ᭄ᬥᬦᬶᬢᬫᬸᬢᬸᬲ᭄ᬤᬶᬢᬸ᭞ᬫᬤᬸᬮᬸᬭᬦ᭄ᬧᬮᬯᬓ᭄ᬬᬳᬤᬶᬧᬃᬯ᭄ᬯᬢᬍᬃᬓᬾᬗᬶᬦ᭄᭞ᬕᭀᬂᬳᬂ
[᭕᭐50A]
ᬓᭂᬮᬸᬂ᭞ᬯᬯᬮᬾᬦ᭄ᬜᬳᬦ᭄ᬢᬸᬓ᭄ᬢᬸᬭᬲ᭄᭟ᬲᬭᭀᬦ᭄ᬕᭂᬡ᭄ᬥᬶᬂᬓᬶᬤᬸᬂᬮ᭄ᬯᬂ᭞ᬦᬶᬓᬲᬫᬶᬧᬥᬓᬾᬦᬵᬕᬶᬦ᭄᭞ᬢᬶᬃᬣᬧᬜᭂᬓᬄᬫᬃᬕ᭄ᬕ᭄ᬬᬂ᭞ᬤᬫᬸᬄᬜ
ᬦᬾᬦᬾᬗᬪᬓ᭄ᬢᬶ᭞ᬢᬸᬜ᭄ᬚᭂᬓ᭄ᬤᬶᬢᬸᬓᬯᬶᬢᬶᬦ᭄᭞ᬚᬧᬬᭀᬕᬤᬸᬮᬸᬃᬳᬶᬧᬸᬦ᭄᭞ᬧᬜ᭄ᬘᬢᬭᬸᬳᬲᭂᬧ᭄ᬫᭂᬜᬦ᭄᭞ᬮ᭄ᬯᬶᬃᬫᬍᬩᬸᬲᭀᬮᬄ
ᬦᬾᬓᬶ᭞ᬭᬭᬶᬲ᭄ᬳᬜᬸᬢ᭄᭞ᬩᬩᬦ᭄ᬢᭂᬦᬾᬯᬦ᭄ᬢᬄᬢᬸᬗ᭄ᬕᬮ᭄᭟ᬧᬸᬧᬸᬢ᭄ᬢᬸᬢᬸᬕ᭄ᬢᬶᬕᬂᬤᬶᬦ᭞ᬜᬶᬥᬓᬃᬬ᭄ᬬᬓ᭄ᬯᬲ᭄ᬢᬦᬶᬦ᭄᭞
᭞ᬓᬢᬶᬧᬢ᭄ᬩᭂᬮᬬᬕ᭄ᬫᬮᬶᬄ᭞ᬥᬦᬧᬸᬡ᭄ᬬᬤᬸᬓ᭄ᬧᬸᬦᬶᬓᬸ᭞ᬢᬸᬢᬸᬕ᭄ᬜᬦᬾᬳᬦᭂᬫ᭄ᬩᬸᬮᬦ᭄᭞ᬤᬶᬧᬫ᭄ᬭᬚᬦ᭄ᬫᬗᭀ
