Kaca puniki sampun kauji-wacén
[᭓᭕35B]
᭓᭕
ᬢ᭄ᬳᬸᬢ᭄ᬢᬫ᭞ᬤᬤᬶᬯᬓᬶᬮ᭄ᬲᬗ᭄ᬳ᭄ᬬᬂᬯᬶᬥᬶ᭞ᬩᬬᬸᬰᬩ᭄ᬥᬳᬶᬥᭂᬧ᭄ᬗᭂᬮᬄ᭞ᬭᬲᬬᬂᬭᬶᬂᬳᬗ᭄ᬕᬦ᭄ᬦᬾᬓᬶ᭟ᬭᬶᬂᬳᬗ᭄ᬕᬦ᭄ᬲᬥᬓᬵᬧᬸᬢᬸᬲ᭄᭞ᬤᬾᬯᬰᬦᬾ
ᬦᬸᬗ᭄ᬕᬮ᭄ᬲᬫᬶ᭞ᬧᬸᬃᬯ᭄ᬯᬦᬶᬂᬱᬪ᭄ᬪᬰᬰᬦ᭞ᬗᬭᬦ᭄ᬕᬮᬂᬍᬫᬄᬚᬢᬶ᭞ᬫᬶᬯᬄᬲᬦᬾᬮᬓ᭄ᬱᬡᬬᬂ᭞ᬗᬭᬦ᭄ᬲᬸᬃᬬ᭄ᬬᬫᬜᬸᬮᬸᬳᬶᬦ᭄᭟ᬦᬭ
ᬦᬾᬳᬚᬕᬢ᭄ᬳᬶᬓᬸ᭞ᬯ᭄ᬯᬂᬍᬫᬄᬓᬯᬲ᭄ᬢᬦᬶᬦ᭄᭞ᬍᬫᬄᬗᬭᬦ᭄ᬕᬮᬂᬳᬯᬓ᭄᭞ᬳᬯᬓ᭄ᬲᬂᬢᭂᬍᬩ᭄ᬭᬶᬂᬅᬚᬶ᭞ᬫᬦᬄᬕᬮᬂᬫᬃᬕ᭄ᬕᬳᬦ᭄ᬢᬃ᭞ᬯ
ᬭᬶᬖᬧᬓᬃᬤ᭄ᬥᬶᬦ᭄ᬚᬦ᭄ᬫᬶ᭟ᬗᬭᬦ᭄ᬧᬓᬃᬤ᭄ᬥᬶᬦ᭄ᬲᬂᬯᬶᬓᬸ᭞ᬗ᭄ᬭᬲᬬᬂᬢᬶᬕᬰᬓ᭄ᬢᬶ᭞ᬲᬭᬶᬦ᭄ᬧᬗᬃᬱ᭄ᬬᬦ᭄ᬕᬮᬂ᭞ᬕᬮᬂᬲᬸᬃᬬ᭄ᬬᬓᬯᬲ᭄ᬢᬦᬶᬦ᭄᭞
[᭓᭖36A]
ᬭᬶᬂᬯᭂᬗᬶᬦᬾᬕᬮᬂᬩᬸᬮᬦ᭄᭞ᬲᬗ᭄ᬳ᭄ᬬᬂᬥᬃᬫ᭄ᬫᬲᬸᬮᬸᬄᬫᬸᬮᬶᬄ᭟ᬩᬮᬶᬳᬕᬯᬲ᭄ᬢᬦᬶᬧᬸᬦ᭄᭞ᬩᬾᬬᬢᬦᭂᬫ᭄ᬓᬯᬲ᭄ᬢᬦᬶᬦ᭄᭞ᬓᬢᬸᬭᬸᬦ
ᬦ᭄ᬯᬢᭂᬓ᭄ᬬᭀᬕ᭞ᬉᬧᬓᬭᬘᬦᬂᬲᬭᬶ᭞ᬧᬸᬧᬸᬢ᭄ᬯᬦ᭄ᬢᬄᬳᬫᬸᬦᬶᬓ᭞ᬬᬚ᭄ᬜᬦ᭄ᬜᬦᬾᬫᬓᬲᬫᬶ᭟ᬯᬾᬦ᭄ᬢᭂᬦ᭄ᬭᬯᬸᬄᬲᬓᬶᬂᬯᬶᬡ᭄ᬥᬸ᭞ᬩ
ᬩᬦ᭄ᬢᭂᬦ᭄ᬯᬦ᭄ᬢᬄᬳᬓᬶᬜ᭄ᬘᬶᬢ᭄᭞ᬫᬫᬸᬢᬸᬲᬂᬘᬢᬸᬃᬬᬚ᭄ᬜ᭞ᬬᬤᬶᬦ᭄ᬦᬸᬯᬸᬃᬳᬶᬤᬋᬱᬶ᭞ᬘᬦᬂᬭᬓᬧ᭄ᬭᬲ᭄ᬤᬓ᭄ᬱᬶᬡ᭞ᬓᬢᬶᬧᬢ᭄ᬮᬦ᭄ᬩᬸᬭᬢ᭄ᬯᬗᬶ᭟ᬓ
ᬦ᭄ᬢᬶᬲᬓᬶᬂᬢᬦᬄᬳᬶᬡ᭄ᬥᬸ᭞ᬗᬋᬧᬶᬦ᭄ᬧ᭄ᬭᬂᬭᬶᬂᬩᬮᬶ᭞ᬫᭂᬭᬗᬶᬦ᭄ᬫᬬᬤᬦᬯ᭞ᬲᬗ᭄ᬳ᭄ᬬᬂᬫᬳᬤᬾᬯᬗᬸᬦᬶ᭞ᬧᬭᬬᭀᬥᬩᬳᬸᬥᬡ᭄ᬥ᭞
