Kaca puniki sampun kauji-wacén
[᭒2B]
᭒
ᬮᭀᬓᬶᬦ᭄ᬳᬸᬫᬄ᭞ᬭᬸᬭᬸᬂᬫᬶᬧᬶᬢ᭄᭞ᬮᬶᬦ᭄ᬢᬂᬲᬸᬦᬸᬢ᭄ᬧᬧᬶ[strike/]ᬗ[/strike]ᬗᬶᬢᬦ᭄᭟ᬲᬧᬶᬗᬶᬢᬭᬕᬦᬾᬗ᭄ᬮᬄ᭞ᬯᭂᬦᬂᬭᬕᬦᬾᬗᭂᬦ᭄ᬢᬲᬶᬦ᭄᭞ᬰᬸᬓ᭄ᬮᬵ
ᬫᬦᬄᬤᬾᬯᬳᬫᭀᬂ᭞ᬓᬭᬸᬭᬸᬗᬾᬧᭂᬲᬸᬗᬗ᭄ᬕᬸᬃ᭞ᬗᬕᭂᬦ᭄ᬜᬶᬗᬓ᭄ᬫᬃᬕ᭄ᬕᬳᬜᬃ᭞ᬮᬯᬸᬢ᭄ᬫᬸᬮᬶᬄ᭞ᬫᬭᬭᬧᬦ᭄ᬳᬶᬥᭂᬧ᭄ᬰᬸᬓ᭄ᬮᬵ᭞ᬓᬧ
ᬢᬶᬕᬲᬫ᭄ᬧᬸᬦ᭄ᬮᬶᬦ᭄ᬢᬂ᭞ᬧᬢᬸᬢ᭄ᬫᬃᬕ᭄ᬕᬦᬾᬉᬢ᭄ᬢᬫᬶ᭞ᬯᬢᭂᬓ᭄ᬭᬢᬸᬲᬫᬶᬓᬕᭀᬓ᭄᭞ᬤᬸᬭᬸᬂᬯᬦᭂᬄᬲᬶᬗ᭄ᬕᬶᬄᬭᬢᬸ᭞ᬫ᭄ᬬᬃᬱᬬᬂᬤᬕᬶᬂᬉᬢ᭄ᬢᬫ
᭞ᬤᬸᬭᬸᬲ᭄ᬫᬮᬶᬄ᭞ᬫᬓᬘᬢᬸᬃᬚ᭄ᬯᬳᬸᬚᬗᬂ᭟᭛᭜᭛ᬤᬸᬃᬫ᭟᭜᭟ᬭᬵᬚᬫᭂᬲᬶᬃ᭞ᬦᬸᬮᬶᬳᬶᬤᬫᬗᬦ᭄ᬤᬶᬓ᭞ᬦᬢ᭄ᬯᬬᬂ
[᭓3A]
ᬫᬓᬲᬫᬶ᭞ᬇᬡ᭄ᬥᬶᬓ᭄ᬘᬢᬸᬃᬧᬸᬦᬶᬓ᭞ᬭᬸᬭᬸᬗᬦ᭄ᬳᬶᬫᬦᬸᬱ᭞ᬫᬫᭂᬕᬢᬶᬦ᭄ᬢᬮᬶᬦ᭄ᬲᭂᬤᬶᬄ᭞ᬜᬸᬤᬶᬓᬧᬵᬢᬸᬢᬦ᭄᭞ᬲᬦᬾᬜᬦ᭄ᬤᬂᬓᬕᬸ
ᬕᭀᬦᬶᬦ᭄᭟ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬭᬸᬭᬸᬗᬾᬳᭂᬫ᭄ᬧᬢ᭄ᬳᬸᬢ᭄ᬢᬫ᭞ᬓᬢᬸᬭᬦ᭄ᬲᬋᬂᬲᬫᬶ᭟ᬤᬸᬭᬸᬲ᭄ᬤᬾᬯᬫᬃᬕ᭄ᬕ᭄ᬬᬂ᭞ᬍᬧᬲᬶᬦ᭄ᬳᬶᬲᬗ᭄ᬲᬭ᭞
ᬬᬾᬦᬶᬂᬢᬢᬲ᭄ᬫᬓᬲᬫᬶ᭞ᬭᬶᬂᬤᬕᬶᬂᬫᭀᬓ᭄ᬱ᭞ᬲᬧᬸᬦᬶᬓᬲᬋᬂᬲᬫᬶ᭟ᬗᬚᬲᬗ᭄ᬳᬵ᭞ᬫᬓᬲᬫᬶᬫᬢᬸᬃᬲᭂᬫ᭄ᬩᬄ᭞ᬲᬵᬫ᭄ᬧᬸᬦ᭄ᬓᬳᬶ
ᬥᭂᬧ᭄ᬲᬫᬶ᭞ᬤᬕᬶᬂᬘᬢᬸᬃᬧᬸᬦᬶᬓ᭞ᬫᬃᬕ᭄ᬕᬦᬾᬫᬉᬢ᭄ᬢᬫ᭞ᬳᬶᬘᬭᬢᬸᬲᬦᬾᬫᬗ᭄ᬓᬶᬦ᭄᭞ᬯᬦ᭄ᬢᬄᬢᬸᬫᬸᬲᬂ᭞ᬅᬱ᭄ᬝᬫᬃᬕ᭄ᬕᬦᬾᬉᬢ᭄ᬢ
