[᭗ 7B]
᭗
ᬧᬦ᭄ᬦᭀᬭᬮ᭄ᬬᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬷ᭞ᬅᬢ᭄ᬫᬚᬦᬾᬭᬳᬤ᭄ᬬᬦ᭄᭞ᬢᬸᬫᬸᬮᬶᬧᬶᬦᬸᬦ᭄ᬤᬸᬢ᭄ᬩᬵᬦᬓ᭄ᬢᬫᬭᬶᬂᬧᬰ᭄ᬭᬫᬦ᭄ᬭᬢ᭄ᬦᬕᬶᬭᬷ᭞ᬓᬧᬗ᭄ᬕᬶᬄᬲᬶᬭᬳᬕᬸᬮᬶᬂ᭞ᬗᬶᬧᬶᬳᬫᭀᬦ᭄ᬤᭀᬂᬯᬸᬮᬦ᭄᭟ᬲᬢᬗᬶᬦᬶᬭᬤ᭄ᬬᬄᬭᬢ᭄ᬦᬕᬶᬭᬷ᭞ᬕᬕ᭄ᬢᬸᬦ᭄ᬲᬶᬭᬭᬶᬂᬗᬶᬧᬾᬦᬶᬭ᭞ᬤᬤᬶ
ᬳᬸᬲᬧᬶᬦ᭄ᬯᬲ᭄ᬧᬦᬾ᭞ᬓᬾᬦ᭄ᬤᬭ᭄ᬯᬓᬕᬾᬢ᭄ᬭᬯᬸᬄ᭞ᬲᬧ᭄ᬭᬵᬧ᭄ᬢᬵᬦᬾᬳᬲ᭄ᬫᬸᬢᬗᬶᬲ᭄᭞ᬲᬦ᭄ᬤᬶᬗᬶᬭᬭᬳᬤ᭄ᬬᬦ᭄᭞ᬳᬤᬸᬄᬕᬸᬲ᭄ᬢᬶᬦᬶᬗ᭄ᬲᬸᬦ᭄᭞ᬩᬾᬜ᭄ᬚᬂᬓᬯᬸᬮᬧᬗᬾᬭᬦ᭄᭞ᬮᬂᬓᬸᬂᬲᬸᬓ᭞ᬲᬸᬓᬸᬃᬪᬕ᭄ᬬᬲᬶᬳᬶᬂᬯᬶᬥᬶ᭞ᬭᬵᬤᬾᬦ᭄ᬫᬦ᭄ᬢ᭄ᬭᬷᬳᬕ᭄ᬲᭂᬂ᭟ᬢᬶᬗ᭄ᬳᬵᬮ᭠
ᬦᬫᬗ᭄ᬓᬾᬭᬵᬤᬾᬦ᭄ᬫᬦ᭄ᬢ᭄ᬭᬶ᭞ᬳᬶᬗᭂᬫ᭄ᬩᬦᬦ᭄᭞ᬲᬂᬤ᭄ᬬᬄᬳᬲ᭄ᬫᬸᬳᬾᬯᬧᬭᬦ᭄ᬲᬗ᭄ᬓᬦᬾᬓᬂᬭᬭᬾ᭞ᬓᬾᬦ᭄ᬤᬭ᭄ᬯᬲ᭠ᬯᬸᬃᬳᬮᬸᬲ᭄᭞ᬫᬲᬤᬸᬤᬸᬭᬳᬤᬾᬦ᭄ᬫᬦ᭄ᬢ᭄ᬭᬷ᭞ᬳᬸᬦᬶᬓᬾᬲᬳᬶᬂᬕᬃᬪ᭞ᬳᬶᬓᬸᬕᬸᬲ᭄ᬢᬶᬦᬶᬗ᭄ᬲᬸᬦ᭄᭞ᬲᬂᬤ᭄ᬬᬄᬳᬧᬶᬦ᭄ᬤᬢᬦ᭄ᬲᬾᬪ᭞ᬳ
ᬢᬸᬳᬸᬓᬕᬾᬢ᭄ᬳᬦᬰᬩ᭄ᬤᬾᬂᬮᬗᬶᬢ᭄᭞ᬥᬸᬄᬦᬶᬦᬶᬳᬦᬓᬶᬗ᭄ᬯᬂ᭟ᬳᬚᬲᬶᬭᬢᬦᬋᬧᬦᬶᬦᬶ᭞ᬳᬗᬓᬸᬯ᭞ᬳᬦᬓ᭄ᬳᬶᬭᬢᬸᬯᬦ᭄ᬭᬵᬤᬾᬦ᭄ᬫᬦ᭄ᬢ᭄ᬭᬷᬲᬬᬓ᭄ᬢᬶᬦᬾᬳᬸᬦᬶᬫᬵᬲ᭄ᬳᬶᬗ᭄ᬲᬸᬦ᭄᭞ᬯᬲᬲᬶᬭᬫ᭄ᬳᬦᬭᬶᬂᬩᬾᬚᬶ᭞ᬳᬸᬫᭂᬢᬸᬓᬂᬅᬢ᭄ᬫᬚ᭞ᬫᬸ
[᭘ 8A]
ᬗ᭄ᬯᬶᬂᬚ᭄ᬭᭀᬦᬶᬂᬢᬸᬜ᭄ᬚᬸᬂ᭞ᬫᬗ᭄ᬓᬾᬫᬲᬦᬶᬂᬳᬸᬫᭂᬢ᭄ᬯ᭞ᬧᬦ᭄ᬳᬸᬲ᭄ᬫᬶᬚᬶᬮ᭄ᬳᬦᬓᬶᬭᬳᬶᬓᬸᬦᬶᬦᬶ᭞ᬳᬭᬦ᭄ᬕᬚᬄᬓᬫᬸᬥ᭟ᬭᬵᬤᬾᬦ᭄ᬤᬾᬯᬶᬕᬃᬚ᭄ᬚᬶᬢᬭᬶᬂᬳᬢᬶ᭞ᬳᬧᬯᬗ᭄ᬲᬶᬢᬾᬲᬓᬶᬂᬳᬓᬰ᭞ᬳᬢᬸᬢᬸᬭᬶᬂᬭᬦᬾ᭞ᬭᬵᬤᬾᬦ᭄ᬫᬦ᭄ᬢ᭄ᬭᬶᬲᬶᬦᬫ᭄ᬩᬸᬢ᭄᭞ᬳ
ᬫ᭄ᬧᬸᬭᬦᭂᬦ᭄ᬓᬯᬸᬮᬕᬸᬲ᭄ᬢᬶ᭞ᬯᭀᬂᬦᬶᬱ᭄ᬝᬫᬶᬦ᭄ᬤᬳᬶᬦ᭄ᬤ᭞ᬮᬶᬯᬢ᭄ᬓᬯ᭄ᬮᬲᬬᬸᬦ᭄᭞ᬳᬶᬗᬗᬸᬦᬶᬭᬓᬂᬧᬸᬢ᭄ᬭ᭞ᬳᬾᬗ᭄ᬕᬮᬕᬸᬂ᭞ᬭᬹᬧᬦᬾᬳᬦᭀᬫᬧᭂᬓᬶᬓ᭄᭞ᬲ᭄ᬫᬭᬦ᭄ᬤᬦᬗᬸᬧᭂᬢ᭄ᬬ᭛᭜᭛ᬓᬯᬃᬡ᭄ᬦᬳᬭᬵᬤᬾᬦ᭄ᬫᬦ᭄ᬢ᭄ᬭᬷ᭞ᬳᬫᬹᬓ᭄ᬢᬶᬬᬭᬹᬫ᭄ᬦᬶᬂᬯᬵᬦ᭞
ᬯᬬᬳᬾᬯᬯᬸᬲᬧᬗᭀᬦ᭄᭞ᬓᬶᬦᭂᬫᬶᬢᬶᬂᬲᬃᬯ᭄ᬯᬯᬢ᭄ᬯ᭞ᬫᬺᬕᬢᬭᬸᬫ᭄ᬯᬂᬲᬶᬗ᭄ᬳᬵ᭞ᬫᭀᬂᬫᬗ᭄ᬲᬓᬮᬯᬦ᭄ᬲᭂᬦᬸᬓ᭄᭞ᬘᬾᬮᬾᬂᬓᬜ᭄ᬘᬶᬮᬦ᭄ᬤᬓ᭄ᬓᬶᬤᬂ᭟ᬭᬳᬤᬾᬦ᭄ᬮᬸᬗ᭄ᬳᬵᬦ᭄ᬤᭀᬦ᭄ᬭᬰ᭄ᬫᬶ᭞ᬳᬦᬸᬗ᭄ᬕᬗᬶᬦ᭄ᬳᬲ᭄ᬢᬶᬫᬶᬢ᭄ᬢ᭞ᬲᬢᭀᬲᬤᬬᬳᬤᬸᬮᬸᬃ᭞ᬲᬮᬓᬸᬦᬶᬭᬭᬳᬤ᭄ᬬ
ᬦ᭄᭞ᬭᬶᬂᬮᬸᬳᬸᬭᬶᬂᬗᬘᬮ᭞ᬲᬦ᭄ᬟ᭄ᬬᬭᬳᬤ᭄ᬬᬦ᭄ᬬᬸᬲ᭄ᬫᬦ᭄ᬢᬸᬓ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶᬫᬭᬶᬂᬳᬸᬫᬄ᭟ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬮᬫᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬲᬸᬓᬦ᭄᭞ᬓᬮᬯᬦ᭄ᬲᬵᬕᬸᬗᬶᬂᬲᬢᭀ᭞ᬢᬦ᭄ᬧᬲᬄᬭᬳᬶᬦᬯᭂᬗ᭄ᬬ᭞ᬫᬸᬯᬄᬲᬶᬭᬓᬾᬦ᭄ᬤᬭ᭄ᬯ᭞ᬳᬕᬸᬂ
Kaca:Bali-lontar-gaguritan-suryawangsa-250ppi.pdf/8
Kaca puniki sampun kauji-wacén
