[᭘ 8B]
᭞᭘᭞
ᬭᬦ᭄ᬓᬫ᭄ᬩᬶᬂ᭞ᬯᬃᬡ᭄ᬦᬩᬵᬂᬳᬲᬶᬓᬶᬫᬸᬮᬸᬲ᭄᭞ᬤᬾᬯᬷᬓᬸᬡ᭄ᬝᬶᬫᬢᬸᬃᬲᭂᬫ᭄ᬩᬄ᭞ᬳᬫ᭄ᬧᬸᬭᬭᬵᬢᬸᬪᬝᬵᬭᬷ᭞ᬦᬾᬦ᭄ᬢᭂᬦ᭄ᬧᬸᬭᬸᬦ᭄᭞ᬗᬢᬸᬭᬂᬲᬂᬲᬳᬵᬤᬾᬯ᭟ᬲᬵᬦ᭄ᬢᬸᬓᬦ᭄ᬲᬂᬲᬳᬵᬤᬾᬯ᭞ᬩᭀᬬᬧᬸᬢ᭄ᬭᬦ᭄ᬢᬶᬢ᭄ᬬᬂ
ᬬᬸᬓ᭄ᬢᬶ᭞ᬬᬦ᭄ᬯᬦ᭄ᬢᬄᬪᬝᬭᬶᬮᬾᬤᬂ᭞ᬧ᭄ᬬᬦᬓ᭄ᬢᬶᬢ᭄ᬬᬗᬾᬧᬶᬮᬶᬳᬶᬦ᭄᭞ᬳᭂᬜ᭄ᬘᬾᬦ᭄ᬳᬃᬱᬬᬂᬪᬝᬭᬷ᭞ᬬᬸᬥᬷᬱ᭄ᬝᬶᬭᬪᬷᬫᬢᬸᬳ᭞ᬬᬤᬶᬦ᭄ᬳᬶᬧᬸᬦ᭄ᬲᬗᬃᬚ᭄ᬚᬸᬦ᭞ᬲᬭᬮᬾᬤᬂᬫᬫᬶᬮᬶᬳᬶᬦ᭄᭞ᬢᬶᬢ᭄ᬬᬂᬢᬸᬮᬸ
ᬲ᭄᭞ᬯᬶᬭᬾᬄᬦᬶᬓᬧ᭄ᬬᬦᬓ᭄ᬢᬶᬢ᭄ᬬᬂ᭟ᬪᬝᬭᬶᬤᬸᬃᬕ᭄ᬕᬗᬦ᭄ᬤᬶᬓ᭞ᬦᬾᬯᬦ᭄ᬢᬄᬫᭂᬍᬤᬂᬫᬫᬶ᭞ᬢ᭄ᬯᬄᬬᬲᬂᬲᬳᬵᬤᬾᬯ᭞ᬦᬾᬧᬢᬸᬢ᭄ᬳᬢᬸᬭᬂᬘᭂᬦᬶᬂ᭞ᬤᬾᬯᬶᬓᬸᬡ᭄ᬝᬶᬦᬶᬫ᭄ᬩᬮ᭄ᬫᬮᬶᬄ᭞ᬲᬳᬦ᭄ᬢᬸᬓᬦ᭄ᬦᬾ
ᬦ᭄ᬢᭂᬦ᭄ᬧᬸᬭᬸᬦ᭄᭞ᬫᬗᬢᬸᬭᬂᬲᬳᬵᬤᬾᬯ᭞ᬩᭀᬬᬧᬸᬢ᭄ᬭᬦ᭄ᬳᬶᬤᬚᬢᬶ᭞ᬭᬾᬄᬧᬸᬦᬶᬸ᭞ᬲᬶᬦᭀᬫ᭄ᬫᬗ᭄ᬓᬶᬦ᭄ᬕᬶᬦᬵᬤᬬᬂ᭟᭜᭟ᬘ᭄ᬭᬶᬢᬦᬾᬫᬮᬶᬄᬮᬦ᭄ᬢᬸᬭᬂ᭞ᬲᬧᬫᬶᬢ᭄ᬦᬾᬤᬾᬯᬶ
[᭙ 9A]
ᬓᬸᬡ᭄ᬝᬶ᭞ᬫᬗ᭄ᬓᬶᬦ᭄ᬓᬕ᭄ᬬᬢ᭄ᬤᬾᬯᬷᬤᬸᬃᬕ᭄ᬕ᭞ᬗᬦ᭄ᬤᬶᬓᬭᬶᬂᬲᬂᬫᬭᬕᬲᬸᬦᬸ᭞ᬦᬾᬫᬯᬱ᭄ᬝᬲᬂᬓᬮᬶᬓ᭞ᬳᬸᬤᬸᬄᬘᭂᬦᬶᬂ᭞ᬤᭀᬂᬳᬾᬗ᭄ᬕᬮᬂᬚᬦᬶᬓᭂᬫ᭟ᬤᬾᬯᬚᬦᬶᬕᭂᬮᬶᬲ᭄ᬮᬸᬗ᭞ᬫᬗᭂᬢᬸᬢ᭄ᬲᬂᬤᬾᬯᬷᬓᬸᬡ᭄ᬝᬶ᭞ᬮᬯᬸ
ᬢ᭄ᬲᬸᬭᬸᬧᬶᬦ᭄ᬭᬕᬦ᭄ᬜ᭞ᬫᬯᬲ᭄ᬢᬸᬳᬧᬗᬧᬬᬸ᭞ᬗᬢᬸᬭᬂᬲᬂᬲᬳᬵᬤᬾᬯ᭞ᬢᭂᬓᬾᬦ᭄ᬫᬫᬶ᭞ᬲᬂᬓᬮᬶᬓᬭᬭᬶᬲ᭄ᬦᬶᬫ᭄ᬩᬮ᭄᭟ᬭᬢᬸᬪᬝᬵᬭᬷᬦᬯᭂᬕᬂ᭞ᬢᬶᬢ᭄ᬬᬂᬫᬶᬲᬤ᭄ᬬᬫᬗᬶᬭᬶᬂ᭞ᬲᬦᬶᬓᬦ᭄ᬧᬤᬸᬓᬪᬝ
ᬭ᭞ᬫᬗ᭄ᬤᬾᬦ᭄ᬢᬶᬢ᭄ᬬᬂᬳᬸᬦᬶᬂᬤᬸᬫᬸᬦ᭄᭞ᬲᬧᬸᬦᬧᬶᬓᬾᬳᬶᬯᬂᬜ᭞ᬓᭂᬦᬶᬲᬶᬲᬶᬧ᭄᭞ᬪᬝᬭᬷᬤᬸᬃᬕ᭄ᬕᬗᬦ᭄ᬤᬶᬓ᭟ᬇᬄᬢᬘᭂᬦᬶᬂᬲᬂᬓᬮᬶᬓ᭞ᬳᬧᬂᬘᭂᬦᬶᬂᬢᬢᬲ᭄ᬳᬸᬦᬶᬂ᭞ᬫᬦᬹᬢ᭄ᬧᬗᬦ᭄ᬤᬶᬓᬦ᭄ᬳᬶᬤ᭞ᬳᬶᬤ
ᬳ᭄ᬬᬂᬪᬝᬭᬕᬸᬭᬸ᭞ᬫᬗᬦ᭄ᬤᬶᬓᬢᭂᬓᬾᬦ᭄ᬳᬶᬗ᭄ᬯᬂ᭞ᬦᬾᬲᬸᬚᬢᬶ᭞ᬲᬳᬤᬾᬯᬓᬫᭂᬍᬤᬂ᭟ᬬᬦᬶᬂᬲᬸᬩᬭᭀᬭᬲ᭄ᬢᬶᬩᬦ᭄᭞ᬲᭂᬗ᭄ᬓᭂᬃᬧᬧᬵᬦ᭄ᬫᬾᬫᬾᬤᬶᬦᬶ᭞ᬓᬮᬤᬶᬢᬸᬓᬭᬸᬯᬢᬂ᭞
Kaca:Bali-lontar-gaguritan-suddhamala-02-300ppi.pdf/9
Kaca puniki sampun kauji-wacén
